Isaías 7:2 - Qheshwa Biblia DC

² Chaytataj Judapi rey Acazman willamorqanku: Siriamanta kajkunawan, Efrainmanta kajkunapiwan ujllaman ujchakusqankuta, nispa. Chayta uyarispataj reywan, runasninwanqa maytapuni qharakatiterqanku, wayramojtin orqo sach'as kuyunku jinata.

DIOSPA QHELQACHISQAN DEUTEROCANONICAL

² Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

DIOSPA QHELQACHISQ

² Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

Isaías 7:2 Referans Kwoze

Isaías 7:13

Isaiastaj nerqa: Kunanqa uyariychej, Davidpa mirayninmanta kajkuna. Qankunapajqa runasta sayk'uchinaqa pisichu, Diosniytapis sayk'uchiyta munanaykichejpajqa?

Isaías 9:9

Chaytataj tukuy Efraín runas yachanqanku, tukuy Samariapi tiyakojkuna. Paykunataj may kasqankuta yuyakuspa wapuchaspa nerqanku: Ladrilloschus urmanku chayqa, sumaj ch'eqosqa rumiswanñataj ruwasunchej. Sicómoro k'aspistachus k'uturanku chayqa, cedro sach'astañataj churasunchej.

Proverbios 28:1

Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

San Mateo 2:3

Rey Herodestaj kayta uyariytawankama kharkarqa; jinallatataj Jerusalempi tukuy kajkunapis.

Oseas 12:1

Efraenqa wayrallata upispa kausan: Tukuy p'unchaynintinta inti llojsimuy wayraj qhepanta ripun. Llullerasninta yapashallampuni, millay phiñaywan ruwaykunasnintapis, Asiriawan tratosta ruwarikun, aceite t'inkastataj Egiptoman aparichin.

Jeremías 21:12

Señormanta kay willayta uyariy: Tukuy p'unchaykunapi cheqan kajllata ruway, chay ñak'arejkunata kacharichiy qhasimanta oqojkunamanta. Pajtataj chay millay ruwasqasniykirayku phiñakuyniy nina jina jap'iykukunman, manataj pipis thasnuyta atishanmanchu.

Isaías 37:35

Noqa kay llajtamantaqa sayaykusaj, librasajtaj, noqa paykunata munakusqayrayku, jinallataj kamachiy Davidta munakusqayrayku.

Isaías 37:27

Chaypi tiyakoj runasqa pisi atiyniyoj karqanku, manchali manchalilla, musphasqastaj. Paykunaqa karqanku campo qhora jina, q'omer qhora jinataj. Wasi patapi wiñaj qhora jina karqanku, inti llojsimuymanta wayramojtinkama ch'akirpayan, kikillan.

Isaías 22:22

Davidpa wasimpa llaventapis kunkanman warkhuykusaj. Pay kicharejtenqa ni pipis wisq'ayta atenqachu, wisq'ajtintaj ni pipis kichariyta atenqachu.

Isaías 11:13

Efraín aylloj chejnikuynenqa tukukonqa, Judá aylloj enemigosnimpis chinkachisqas kanqanku. Efraín aylloqa manaña Judá aylluta chejnenqachu, nitaj Judá ayllupis Efraín aylluta llakichenqachu.

Isaías 7:17

Señorqa mana allin p'unchaykunata apachimusonqa, qanman aylluykiman, tataykej wasinman ima. Chay jinata ni jayk'aj karqachu Efraín ayllu, Judá ayllumanta t'aqakusqanmantapacha. Chayta parlashan Asiria reymanta.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Salmos 11:1

Pakakuyta munaspaqa Señorman rini. Imaraykutaj niwankuri: Orqosman p'isqo jina ayqey, nispa?

2 Crónicas 28:12

Chayrayku Efraimpa kuraj kamachejkunasnin, Johanampa wawan Azarías, Mesilenotpa wawan Berequías, Salumpa wawan Ezequías, jinataj Adlaipa wawan Amasapis, maqanakumanta kutimusharqanku chaykunaj ñaupaqenkuman jamorqanku, nerqankutaj: Ama kayman chay presosta apamuychejchu, chayrayku Señorpa ñaupaqempi juchayoj rikhurisunchej. Qankunaqa astawan juchata yapakuyllata mask'ashankichej, juchasninchej ancha ashkhaña kashajtimpis, Señorqa astawan sinch'ita Israelpaj phiñakonqa.

2 Crónicas 25:10

Chaypacha Amasiasqa Efrainmanta soldados paykunawan tantakoj jamusqanku chaykunata t'aqarqa, wasisninkumantaj kachaporqa. Paykunataj mayta phiñarikorqanku Judáj contrampi. Wasisninkumantaj may phiñasqas kutiporqanku.

1 Reyes 13:2

Paytaj chay altarpa contrampi qhaparerqa, Señorpa kamachisqanman jina: Altar, altar, Señorqa ajinata nin: Davidpa ayllunmanta uj wawa Josías sutiyoj nacenqa, qampa pataykipi ñak'aspa jaywanqanku loma pata wasispi sacerdotesta, qampa pataykipi inciensota ruphachinku chaykunata, runa tullusta ima pataykipi ruphachenqa.

1 Reyes 12:16

Tukuynin runasqa repararqanku reyqa paykunata mana uyariyta munasqanta, kay jinatataj kuticherqanku: Noqanchej ima ruwananchej tiyan Davidwanri? Isaejpa wawanwanqa mana ima chayaqenchejpis kanchu. Israelmanta kajkunaqa wasisniykichejman ripuychej! David kunanqa wasintaqa qhawachun! Chanta israelitasqa wasisninkuman riporqanku.

1 Reyes 11:32

Paytaj uj ayllullawan qhepakonqa kamachiy Davidta Jerusalentawan munakusqayrayku, chay llajtataqa noqa ajllakorqani tukuynin Israel ayllus ukhumanta.

2 Samuel 7:16

Mirayniykita reinoykitawanqa Noqa waqaychasaj wiñaypaj, ajinallatataj reinoykipis wiñaypaj qhepakonqa.

Isaías 7:5

Siriamanta kajkunawan, Efraín llajtamanta kajkunawan, Remaliaspa wawanwan ima, qampa contraykipi oqharikushanku. Nispa: Judaj contrampi rinachej, paykunata mancharichimuspa chay Judá llajtata jap'ikapunachej, chaymantaj churamunachej Tabelpa wawanta rey kanampaj.