Isaías 66:3 - Qheshwa Biblia DC

³ Pichus uj wakata ñak'aspa rikuchikuta apamuwajqa, uj runatapis wañuchishanman jina. Uj ovejata wañuchispa rikuchikuta apamojqa, alqotapis apamunman jina. Rikuchikuta apamojqa, khuchej yawarnintapis apamunman jina. Inciensota q'osñichejqa, lantimampis jaywashanman jina. Paykunaqa sapa ujninku imatachus munasqankuta ajllakunku, sonqonkoqa sajrallatapuni munan.

DIOSPA QHELQACHISQAN DEUTEROCANONICAL

³ Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

DIOSPA QHELQACHISQ

³ Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Isaías 66:3 Referans Kwoze

Proverbios 15:8

Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

Isaías 66:17

Llimphuman tukojkunaqa, huertaspi llimphuchakojkuna, qhepampi qhepampi sayajkuna, pikunachus khuchi aychata mikhojkuna, katari aychasta, juk'uchastapis, chaykunaqa cantollamanta wañonqanku, nispa nin Señorqa.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Levítico 2:2

Chaymantaqa aaronita sacerdotesman jaywachun. Ujnin kaj sacerdotetaj uj k'ispiña jak'uta, aceiteyoj tukuynin inciensota ima altarpi ruphachenqa yuyarikunapaj rikuchikuta jina. Chay ruphachispa jaywasqampa q'apaynenqa Señorpaj allin kanqa.

Proverbios 21:27

Sajra runaspa uywa ñak'asqata jaywasqankuta Señorqa chejnikun, imaraykuchus chaytaqa jaywanku sajra yuyaywan.

Deuteronomio 23:18

Ama saqenkichejchu runas apanankuta Señor Diosniykichejpa wasinman qhenchachakuspa qharis, warmispis ganasqanku qolqeta, ni rikuchikusninkutapis. Chay jina ruwaykunataqa Señor mana rikuyllatapis munanchu.

Deuteronomio 14:8

Khuchistapis ama mikhunkichejchu. Chaykunaj phapatusninkoqa mana palqasqachu, manataj kutipakunchu. Qankunaqa kay tukuy animalesmanta ama mikhunkichejchu aychasninta, ni wañojtimpis aychasninta llanqhankichejchu.

Jueces 10:14

Riychej, mañakamuychej chay ajllakusqaykichej dioskunamanta. Paykunawan kunanqa ñak'ariykunamanta salvachikuychej.

Isaías 57:17

Pay sajrata munapayasqanrayku noqaqa phiñakuni, chayrayku paykunata jasut'ini, uyayta pakakuni. Chayta ruwani pay mana kasuspa sajra sonqompa munasqanta ruwaspa purisqanrayku.

Jueces 5:8

Waj dioskunata ajllakojtinkoqa, llajtaj punkusnimpi maqanakus kallarqapuni, chay tawa chunka waranqa israelitas ukhupeqa mana rikukorqachu ni uj escudo nitaj uj lanzallapis.

Isaías 44:19

Chay runasqa manapuni reparakunkuchu, mana paykuna kikinkumanta unanchakunkuchu, nitaj ninkuchu: Kay llant'amanta wakintaqa ninaman enqhaykuni, chay nina k'ajajpitaj t'antata chayachini, chayllapitaj aychatapis kankani mikhunaypaj. Chay puchojmantaqa uj millachikunata ruwani. Uj k'ulloj ñaupaqempitaj qonqorikuni, nispa.

Isaías 65:2

Sapa p'unchay chay mana kasukoj runasman makisniyta jaywani; paykunaqa mana cheqan ñantachu purishanku, sajra yuyayninkupi paykunaqa kasushanku.

Jeremías 6:20

Imapajtaj qankuna Sabá inciensota apamuwankichejri? Jinallataj chay karu llajtasmanta q'apaj qhorastapisri? Noqapaj manapuni allinchu rijch'awan chay ruphachina, nitaj chay waj rikuchikusninkupis.

Jueces 21:25

Chay tiempospeqa Israelpi manaraj rey karqachu, chayrayku sapa ujninku munasqankuman jinalla ruwaj kanku.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Hageo 2:14

Chanta nerqa Hageo profetaqa: Ajinatapuni Señorqa nin: Chay jinallataj kay runasqa kanku, tukuy ima ruwasqasninku, tukuy ima jaywasqasninkupis, millay ch'ichis kanku.