Isaías 64:4 - Qheshwa Biblia DC

⁴ Mana jayk'ajpis chaytaqa uyarerqankuchu, manataj pipis qan jina Diostaqa rikojchu kanku, qampi atienekojkunapaj ajinata ruwapojtaqa.

DIOSPA QHELQACHISQAN DEUTEROCANONICAL

⁴ Runakunaqa mana jayk'ajpis uyarerqankuchu, nitaj rikorqankuchu qan jina Diostaqa, pichus qanpi atinikuspa suyakojkunapaj ajinata ruwapojtaqa.

DIOSPA QHELQACHISQ

⁴ Runakunaqa mana jayk'ajpis uyarerqankuchu, nitaj rikorqankuchu qan jina Diostaqa, pichus qanpi atinikuspa suyakojkunapaj ajinata ruwapojtaqa.

Isaías 64:4 Referans Kwoze

Salmos 31:19

Jatunchasojkunapaj may jatunmin munakuyniykeqa, sumaj waqaychasqata qolqeta jina jallch'anki runaj rikunanta, qampi atienekojkunaman qonki.

Santiago 5:7

Chayrayku, hermanos, pacienciakuychej Señor jamunankama, qhawaychej imaynatachus chajrapi llank'aj runaqa, pacienciawan suyan jallp'aj poqoyninta, ajinallatataj pacienciawan suyan ñaupaj parasta, qhepa parastapis.

Isaías 25:9

Chaypacha nenqanku: Qhawaychej, kaymin Diosninchejqa. Payta maytapuni suyarqanchej. Paytaj salvawarqanchej. Kunanqa kusikunachej jatun kusiywan ajinata salvawasqanchejmanta.

Salmos 130:5

Tukuy sonqoywan Señorpi suyakuni; parlasqampi suyakuni.

Génesis 49:18

Señorníy, suyarqani qan salvanawaykita!

San Juan 14:3

Ripuspaqa qankunapaj tiyakunasta wakichimusaj, chantá kutimuspa pusasqaykichej, maypichus noqa kasaj chaypi qankunapis kanaykichejpaj.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Romanos 8:19

Mundontin anchatapuni suyashan Diospa wawasnin k'anchaypi rikuchisqas kanankuta.

Salmos 62:1

Diosllapi sonqo tiyasqa kayta tarini. Salvacionneyqa paymanta jamun.

1 Juan 4:10

Kaymá chay munakoyqa. Manaraj Diosta munakushajtinchej, payqa munakuwarqanchejña. Churintataj kachamorqa wañunampaj juchasninchejrayku.

1 Corintios 1:7

Chay jinamanta, ama imapis Diospa qosqanmanta qankunapi pisichunchu, Señorninchej Jesucristoj rikhurimunanta suyasqaykichejpi.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

Isaías 40:31

Señorpi atienekojkunaqa mosoj kallpayojllapuni kanqanku. Paykunaqa kallpachakuspa astawan oqharikonqanku ankas jina. Paykunaqa correnqanku manataj sayk'onqankuchu, karusta rispapis mana llauch'iyanqankuchu.

Isaías 66:8

Pitaj chay jinata uyarinman karqari? Pitaj chay jinata rikunman karqari? Jallp'aqa ajinatachu uj p'unchayllapi nacichinman? Uj nación ajinatachu ujllapi rikhurimunman? Ajina Sión llajtaqa ujllata nanay jap'ejtinkama wawasnintaqa nacichikumpacha.

Esdras 9:7

Unaymantapacha kunankamaqa may jatun juchapi kausayku. Sajra kausayniykurayku, noqayku, jinallataj reykunasniykupis, sacerdotesniykupis jap'ichisqas karqanku, waj llajtamanta reykunaj makisnimpi. Chantapis nanachisqas, wijch'usqas, suwasqas, p'enqachisqastaj karqanku. Kunankamataj jinallapuni kausashayku.

Salmos 103:18

Dioswan trato ruwasqankuta junt'ajkunapaj, kamachisqasninta waqaychaspa ruwajkunapajwan.

Isaías 59:12

Juchasniykoqa ñaupaqeykipi ashkhaman tukun; juchasnillaykutaj mana allin kasqaykuta ch'ataykuwanku; noqallaykuwampuni juchasniykoqa kashan; yachakuykutaj juchayoj kasqaykuta.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

Daniel (hebreo) 9:8

Noqaykupis Señor, reyesniyku jina, kurajkunasniyku jina, ñaupa tatasniyku jinataj p'enqaypi rikhuriyku contraykipi juchallikusqaykurayku.

Daniel (hebreo) 9:15

Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.

Oseas 7:7

Arí, tukuy paykunamanta ruphaykushanku imaynatachus uj horno kamachejkunasninta q'olaykushanman jinata. Tukuy reykunasninku urmarqanku, manañataj ni ujpis kanchu qhaparikuwajkunaqa.

Zacarías 10:9

Tukuy llajtasnejta noqa ch'eqeracherqani, chaywampis may karupi kashaspapis noqamanta yuyarikuwanqankupuni. Uj p'unchaytaj kutimonqanku wawasninkuwan khuska.