Isaías 64:2 - Qheshwa Biblia DC

² Imaynatachus ninaqa unuyachin, mankapi yakutapis t'impuchin ajinata, enemigosniykiman imaynachus kasqaykita rikuchinaykipaj, qampa ñaupaqeykipi nacionespis kharkatitinankupaj.

DIOSPA QHELQACHISQAN DEUTEROCANONICAL

² Imaynatachus nina ch'awjrata rupharparin, chayrí mankapi yakutapis t'impuchin, ajinallatataj qanpis jamuspa, awqaykikunaman sutiykita rejsichiy, qanpa ñawpaqeykipitaj tukuy suyu kharkatitichunku.

DIOSPA QHELQACHISQ

² Imaynatachus nina ch'awjrata rupharparin, chayrí mankapi yakutapis t'impuchin, ajinallatataj qanpis jamuspa, awqaykikunaman sutiykita rejsichiy, qanpa ñawpaqeykipitaj tukuy suyu kharkatitichunku.

Isaías 64:2 Referans Kwoze

Salmos 99:1

Señorqa kamachishan; tukuy runas kharkatenqanku, paypa tiyananqa querubinespa patampi kashan, jallp'apis kharkatenqa.

Jeremías 33:9

Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

Jeremías 5:22

Noqa Señor nini: Qankuna manachu manchachikuwankichej? Manachu ñaupaqeypi kaspa kharkatitinkichej? Noqa mar qochaj cantosninman t'iyuta churani. Chay tukuyninmanta astawan jaqaymanqa mar qocha mana pasanñachu. Chay qhollchoqeyasqasnenqa astawan astawan, manchayta sonarispa phiñarikun, chaywampis mana pasayta atinchu.

Isaías 37:20

Kunanqa Señor Diosniyku, Asiriospa makinmanta jark'awayku ari; ajinamanta kay jallp'a patapi kaj chhika naciones yachanankupaj qan k'atalla atiyniyoj Señor kasqaykita, nispa.

Salmos 46:10

K'umuykuycyhej, rejsiwaychejtaj noqa Diosniykichej kani. Tukuy nacionespi noqa yupaychasqa kasaj. Tukuy kay pachapi jatunchasqa kasaj.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Salmos 106:8

Diosninchejqa llimphu sutinrayku paykunata salvarqa, atiyninta rikuchinampaj.

Salmos 83:13

Diosníy, muyoj wayrata jina paykunataqa ruway, wayrawan apachikoj ch'aki laqhesta jina.

Salmos 79:10

Qanta mana qhatisojkuna nenqanku: Maypitaj Diosninku kashan?, nispa. Kamachisniykej wañuyninmanta ayni kutichisqata rikuchiwayku, Qanta mana qhatisojkunapis yachanankupaj.

Salmos 9:20

Manchachikuyta qoy paykunaman Señor, yachachiy runaslla kasqankuta.

Deuteronomio 2:25

Maqanakuyta qallariychej jallp'anta jap'ikapunaykichejpaj, kunanmantapacha ñaupajman tukuynejpi runas qankunamanta manchachikonqanku nisqayman jina. Qankuna jamunaykichejta parlajta uyarispa, manchachikuywan kharkatitenqanku.

Amós 4:12

Chayrayku Israel, qantapis kikinta ruwasqayki, chaytaqa ruwasajpuni. Wakichikuy Diosniykiwan tinkunaykipaj.

Miqueas 1:4

Chakisnin urapi orqos unuyanqanku imaynatachus cera mach'aqa ninaman churaykunchej jinata, vallestaj iskayman kicharisqas kanqanku, imaynatachus uj wayk'upi may chhika yaku correspa kicharin ajinata.

Zacarías 14:4

Chay p'unchaypitaj Señorqa, Jerusalén chimpapi kashan chay Olivos orqoman chakisninta churakurenqa, chay inti llojsimuynejman jina. Uj jatun valleta aysarikonqa inti llojsimuy ladomanta inti yaykuy ladoman jina, chaytaj Olivos orqotaqa iskayman t'aqanqa. Khuskan orqoqa patanejman apasqa kanqa, khuskannintaj uranejman.

Isaías 28:21

Señorqa Perazim orqopi jinamin ruwanqa, Gabaón vallepi jinmayta phiñakonqa, imachus ruwanan kajta ruwanampaj, mana jayk'aj ruwasqanta, mana rejsisqa ruwananta ruwanampaj.