Isaías 6:8 - Qheshwa Biblia DC

⁸ Chaymantataj Señorta nishajta uyarerqani: Pitataj kachasajri? Pitaj palabrasniykuta willamonqari?, nispa. Chantá noqataj nerqani: Kaypi kani Señor, noqata kachaway ari, nispa.

DIOSPA QHELQACHISQAN DEUTEROCANONICAL

⁸ Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

DIOSPA QHELQACHISQ

⁸ Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

Isaías 6:8 Referans Kwoze

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Hechos 22:21

Chantá Jesús niwarqa: Puririllayña; karu llajtasman kachasqayki, nispa.

Isaías 65:1

Mana tapukuwajkuna mask'awanku; mana mask'awajkuna tariwanku. Noqaj sutiyta mana wajyakojkunaman nerqani: Kaypi kashani, kaypi kashani, nispa.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Génesis 1:26

Chay qhepata Dios nerqa: Runata ruwanachej noqanchejman rijch'akojta; tukuynin animalesmanta aswan atiyniyoj kachun, mundontimpi atipanampaj challwasta, p'isqosta, tawa chakiyojkunata, qhatatakojkunatawan jallp'a patapi.

Génesis 11:7

Kunanqa jaku uraykunachej parlayninkuta chajroj, parlasqankuta ama entiendenakunankupaj.

Ezequiel 1:24

Uyarerqanitaj purejtinku lijrasninkoj sonayninta: Manchay ashkha yakoj sonayninta jina, chayri Tukuy Atiyniyojpa qhaparisqanta jina, manachayri ashkha soldadospa ch'ajwayninta jina. Sayaspataj lijrasninkuta uraykucherqanku.

1 Reyes 22:20

Señortaj nerqa: Pitaj Acabta ch'aukiyaspa pusanman Galaadmanta Ramotpa contrampi maqanakoj rispa urmanampaj? Ujnin uj jinamanta nerqa, ujtaj uj jinamantañataj nerqa.

Ezequiel 10:5

Querubinespa lijrasnimpa sonaynintaj jawa patioman uyarikorqa. Tukuy Atiyniyoj Diospis parlashanman jina karqa.

Génesis 3:22

Nerqataj: Runaqa ujninchej jina kunanqa, yachan allin kajta, mana allin kajtapis. Kunanqa ama makinta oqharillachuntajchu, kausay sach'aj poqoyninta orqhospa mikhuykuspataj wiñaypaj kausanampaj.

Hechos 9:4

Paytaj pampaman urmaspa parlamojta uyarerqa: Saulo, Saulo, imaraykutaj qhatiykachashawankiri?

Hechos 26:19

Kayrayku, reyníy Agripa, janaj pachamanta Jesús rikhurimuwaspa kamachiwasqanta kasushani.

1 Samuel 3:4

Chaypacha Señorqa payta wajyarqa, Samuel!, nispa. Paytaj kuticherqa: Kaypi kashani, Señor!, nispa.

Ezequiel 9:1

Chay qhepata sinch'i qhaparejta uyarerqani, chaytaj ningrisniyman qhapariykuwarqa: Jasut'ejkunaqa chayamunkuña llajtata jasut'inankupaj, t'unaykoj armasta makinkupi oqharisqas.

Génesis 22:1

Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

2 Samuel 1:7

Chay kikin ratopunitaj wasaman qhawarimorqa, rikumuwaspataj wajyamuwarqa. Noqataj kasorqani.