Isaías 59:9 - Qheshwa Biblia DC

⁹ Kay imas kajtin cheqan ruwayqa noqanchejmanta ayqen, cheqa kajqa mana chayamuwanchejchu. K'anchayta suyanchej, chaywampis laqhalla tiyan; sut'iyamunanta suyaspa laqhallapipuni purinchej.

DIOSPA QHELQACHISQAN DEUTEROCANONICAL

⁹ Chayrayku, justiciaqa noqanchejmanta chinkarin, manataj cheqan kayqa taripawanchejchu. K'anchayta suyanchej, chaywanpis laqhalla tiyan. Sut'iyamunanta suyaspapis, laqhallapipuni purinchej.

DIOSPA QHELQACHISQ

⁹ Chayrayku, justiciaqa noqanchejmanta chinkarin, manataj cheqan kayqa taripawanchejchu. K'anchayta suyanchej, chaywanpis laqhalla tiyan. Sut'iyamunanta suyaspapis, laqhallapipuni purinchej.

Isaías 59:9 Referans Kwoze

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

Job 30:26

Allin kajta suyashajtiy, mana allin kajlla jamuwan, k'anchayta suyashajtiy, laqhayaylla chayamuwan.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

Habacuc 1:13

Qanqa ancha llimphupuni kanki sajra juchata jap'ikunayllaykipajqa, chay sajra ruwaykunatapis kusiywan qhawakunaykipajqa; imaynatataj ari qhawakullanki chay millay ruwajkunatari, ch'inllataj kanki uj sajra runa paymanta allin runa kajta wañuchinankamari?

Miqueas 1:12

Marotpi tiyakojkuna nanaywan mayta q'ewiykachakunku walejyarikuyta mayta mask'ashanku, imaraykuchus Señor munarqa chay sajra, Jerusalempa kikin punkusninkama chayananta.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Jeremías 8:15

Aswan allimpi kayta suyarqanchej, manataj ima allimpis chayamuwarqanchejchu. Kausayta mancharikuyllata suyarqanchej.

Salmos 82:5

Qankunaqa mana yachankichejchu, nitaj manchankichejchu; laqhapi purishankichej. Kay jallp'aj cimientosnintaj kharkatinku.

Proverbios 4:19

Juchasapaspa ñanninkurí laqhalla, mana yachankuchu imapichus misk'akusqankuta.

Isaías 8:21

Runasqa kayman jaqayman puriykachanqanku may llakisqas, yarqhasqastaj. Chay jina yarqhasqa kaspa runasqa may phiñasman tukonqanku, qallarenqankutaj reyninkuta, Diosninkutapis maldiciyta, uyankuta pataman oqharispa.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Isaías 59:8

Paykunaqa sonqo tiyakuy ñanta mana rejsinkuchu, puriyninkupeqa mana cheqan ruway kanchu; chay ñanninkoqa wist'ulla; chay sajra ñanta rejqa mana sonqo tiyakuyta rejsinchu.

Isaías 59:11

Tukuyninchej jukumaris jina qhaparinchej; palomas jina uy uy nispa waqanchej; cheqan kajta suyanchej, manataj tarinchejchu. Salvaciompis noqanchejmantaqa karunchakun.

Isaías 59:14

Cheqan kaj ruwayqa noqanchejmanta karunchakun, cheqanta ruwayqa noqanchejmanta karupi kashan; cheqan kajqa plazapi misk'akun, maychus kajta ruwaytaj mana jamuyta atinchu.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Lamentaciones 3:2

Pay pusaykachawarqa purichiwarqataj mana k'anchayniyoj laqha ñankunasta.

Lamentaciones 4:14

Chaymantataj paykunaqa tukuy callespi cherqos jina puriykachanku, p'achasninkupis yawar yawarlla kanankama. Chaynejta ni pipis p'achasnillankutapis t'ojpiykurejchu kanku.

Amós 8:9

Chay p'unchaytaj nin Señor Diosqa: Chaupi p'unchay kashajtin intita laqhaykuchimusaj, chay kikin p'unchayllataj jallp'ata laqhaykuchimusaj.

Job 19:8

Diosqa ñanniyta wisq'aykun ama pasanaypaj; ñanniyta pay laqhayaykuchin.