Isaías 59:1 - Qheshwa Biblia DC

¹ Señorpa makenqa mana juch'uychu mana salvasunampajqa, manataj ningrimpis joq'ariyapunchu mana uyarinampajqa.

DIOSPA QHELQACHISQAN DEUTEROCANONICAL

¹ Uyariychej, Tata Diospa atiynenqa mana pisiyapunchu kacharichisuyta atinanpaj, manataj ninrinpis joq'arayapunchu mana uyarisuyta munananpaj.

DIOSPA QHELQACHISQ

¹ Uyariychej, Tata Diospa atiynenqa mana pisiyapunchu kacharichisuyta atinanpaj, manataj ninrinpis joq'arayapunchu mana uyarisuyta munananpaj.

Isaías 59:1 Referans Kwoze

Isaías 50:2

Imaraykutaj jamuspaqa mana pitapis tariparqanichuri, wajyashajtiypis mana pipis uyariwarqachuri? Ima kajtimpis chaymanta orqhonaypaj makeyqa p'akisqachu karqa? Manañachu atiyneyqa kasqa paykunata orqhonaypaj? Ujta k'amispa mar qochasta ch'akichini; chaypi kaj challwaspi yakumanta jina wañuraspa asnanankupaj.

Números 11:23

Señortaj payman kuticherqa: Atiyneyqa pisichu? Kunanqa rikunki kay parlasqayta junt'asajchus manachus chayta.

Isaías 65:24

Paykuna manaraj wajyamushawajtinku noqaqa kutichisajña, manaraj parlayta tukuchishajtinku, imatachus munasqankuta uyarisajña.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

San Mateo 13:15

Kay runaspa sonqonqa rumiyasqa. Nak'ayllata uyarinku. Ñawisninkuta, ningrisninkutapis wisq'anku. Paykunachus ñawisninkuwan qhawankuman, ningrisninkuwan uyarinkuman, sonqonkuwantaj kutirimuwankuman chayqa, chaypacha noqaqa paykunata thañichiyman.

Génesis 18:14

Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

Isaías 58:9

Chaypacha, sichus Señormanta qhaparikunki chayqa, pay uyarisonqa. Ajinata paymanta mañakojtiyki nimusonqa: Kaypi kashani, nispa. Chaypi kanqa wasiykipi manaña chay jina ñak'arichiy kajtin, manaña chejninakuy kajtin, manañataj ch'ichi palabraspis kajtin.

Isaías 6:10

Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

Isaías 63:1

Pitaj kay puka p'achayoj Edonmanta, Bosramanta jamushanri? Pitaj kayri, atiyniyoj jina puka p'achata churakojri? Noqa kani, cheqan kajta willaspa atiywan salvanaypaj.

Jeremías 14:9

Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

Ezequiel 8:18

Noqapis paykunapaj phiñakusaj. Paykunamantaqa mana khuyakusajchu ni uj pisillatapis, manataj perdonasajchu. Jatunmanta qhaparispapis wajyakuwachunku, paykunataqa manapuni uyarisajchu.

Miqueas 2:7

Manachu Jacobpa ayllonqa maldicisqachu kashanri? Chayri Dioschu manaña pacienciakuyta atiwanchej? Kay jinatachu Diosqa ruwanan? Manachu Payqa, palabrasnimpi kutikun Paypaj cheqanta kausajkunapajqa?

1 Samuel 4:3

Maypachachus israelita soldados jarankuman kutiporqanku chaypacha paykunaj kurajkunasninku nerqanku: Imaraykutaj Señorqa filisteoswan atipaykuchiwanchejri? Silomanta apakamusunchej Señorpa trato cajonninta, pay noqanchejpa chaupinchejta rinampaj, enemigosninchejmantataj jark'anawanchejpaj, nispa.

1 Samuel 8:18

Mayk'ajchus ajllakusqaykichej rey ñak'arichisojtiykichej Señorman willakunkichej chayqa, mana payqa uyarisonqachejchu.

Salmos 94:9

Manachu uyarinman ningrista ruwajqa? Manachu ñawista ruwajqa rikunman?

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.