Isaías 57:5 - Qheshwa Biblia DC

⁵ Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

DIOSPA QHELQACHISQAN DEUTEROCANONICAL

⁵ Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

DIOSPA QHELQACHISQ

⁵ Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

Isaías 57:5 Referans Kwoze

Ezequiel 16:20

Jinallataj qampi qhari wawas, warmi wawaspis tiyapuwarqa, chaykunata lantisman qaraykorqanki. Pisipajchu qhenchachakusqasniykitaqa jap'erqanki?

Isaías 1:29

Chantá qankunaqa p'enqachikunkichej, encina sach'asta chhikatapuni munakusqaykichejmanta, may huertapichus kusikusqaykichejmantawan.

Jeremías 7:31

Ben-hinom vallepi Tofetpa altarninta jataricherqanku, qhari wawasninkuta, jinataj warmi wawasninkutapis ruphachinankupaj, chayta noqa mana kamacherqanichu, nitaj yuyallarqanipischu.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

Levítico 18:21

Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

Apocalipsis 18:3

Tukuy llajtakuna ujyarqanku qhenchachakusqampa vinota. Kay pachapi reyestaj paywan qhenchachakorqanku. Kay pachapi qhatojkunapis kusiy kausaypa atiyninwan qhapajyarqanku.

Ezequiel 20:31

Rikuchikusniykichejta jaywaspa, jinataj wawasniykichejta wañuchispa ninapi ruphachispa imaqa kunankama ch'ichichakushallankichejpuni lantisniykichejwan. Ajina kashaspachu Israel ayllu noqata tapukoj jamuwankichej? Noqa Señorqa kausayniyrayku jurani, qankunawanqa mana tapuchikusqaykichejchu.

Ezequiel 20:26

Saqerqani ch'ichichakunankuta lantisman jaywanasta apaspa, kuraj wawasninkuta wañuchispataj ninapi ruphachispa jaywanankuta. Chayta ruwarqani paykunaj p'enqayninkupaj, rejsinawankupajtaj noqa Señor kasqayta.

Ezequiel 6:13

Maypachachus runa wañurasqasta rikunkichej lantisniykichej chaupipi, altarespa muyuynimpi, chantá alto lomas patapi, lomaspa kinraykunasnimpi, jinallataj q'omer sach'as urapi, encinas nisqa thansarara sach'as urapi, chantá maypichus tukuy lantisniykichejman inciensota jaywarqankichej chay tukuynejpitaj, chaypacharaj yachankichej noqa Señorqa kasqaytaqa.

Jeremías 51:7

Babiloniaqa makiypi uj qori vaso jina karqa, tukuy kay pachatataj machachej. Nacionesqa chay vinomanta ujyaj kanku, yuyayninkuta chinkachinankukama.

Jeremías 50:38

Yakuyoj mayusninkupaj maqanaku kachun, ch'akipuchunkutaj. Babiloniaqa millay lantisniyoj jallp'amin, kunanqa chayraykumin yuyayninta chinkachin.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Jeremías 17:2

Wawasniyki yuyarikunku altaresmanta, chay yupaychana k'ullusninkumantataj, chay ch'ampa sach'aswan khuska kasharqa chaykunamanta, jinataj chay orqo pataspi kasharqanku chaykunamantapis.

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

2 Crónicas 28:3

Chaykunaman inciensota q'osñicherqa Ben-hinom Vallepi, wawasnintapis uywa wañuchisqata jina jaywaspa ruphacherqa, imaynatachus chay nacionespi ruwayta yachasqankuman jina. Chaykunatataj Señorqa israelitaspa ñaupaqenmanta wijch'orqa.

2 Reyes 17:10

Tukuynin alto orqospi, thansa sach'as urapiwan sayacherqanku rumi lantista, Asera lantistawan.

1 Reyes 14:23

Paykunaqa ruwallarqankutaj lomas patapi altaresta tukuynej alto orqospi, jatuchaj thansa sach'a uraspipis.

Deuteronomio 12:2

Chay jallp'asman yaykuspaqa maynejpichus yupaychaj kanku chay cheqasta chinkachinkichej. Maypichus chay nacionesqa dioskunasninkuta yupaycharqanku chaykunata, jatuchaj orqospi kajkunata, lomaspi kajkunata, laqherara sach'a uraspi kajkunata ima.

Números 25:6

Chaypachapuni uj israelitaqa madianita warmita jaraman pusaykorqa; Moisespa rikunanta, tukuy israelitas tantakuspa Dioswan tinkukuna toldo punkupi waqarashajtinku.

Éxodo 32:6

Q'ayantenqa tutamanta jatariytawan ofrendata, allinyakuy chay rikuchikustawan jaywarqanku. Chaymantataj runasqa tiyaykukuspa mikhorqanku, ujyarqankutaj, sayariytawantaj mayta kusikorqanku.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

2 Reyes 17:7

Chayqa karqa israelitas Señor Diosninkoj contrampi juchallikusqankurayku, pichus paykunataqa Egiptomanta rey faraompa makinmanta orqhomorqa chaypa contrampi, waj dioskunata yupay chasqankurayku.