Isaías 53:8 - Qheshwa Biblia DC

⁸ Payqa wisq'asqa, juchachasqataj qhasillamanta rikhurerqa, manataj pipis paymantaqa sayakorqachu. Pitaj paymanta dakunri? Payqa jallp'a patamanta qhechusqa karqa, aylluypa juchasninrayku wañuchisqa karqa.

DIOSPA QHELQACHISQAN DEUTEROCANONICAL

⁸ Payqa yanqhamanta presochasqa kanqa, paytataj juchachanqanku wañuchisqapuni kananpaj. Ni miraynillanpis kanqachu aswan qhepaman paymanta parlanankupaj. Ajinata payqa aylluypa juchanraykumin runa chawpimanta chinkachisqa kanqa.

DIOSPA QHELQACHISQ

⁸ Payqa yanqhamanta presochasqa kanqa, paytataj juchachanqanku wañuchisqapuni kananpaj. Ni miraynillanpis kanqachu aswan qhepaman paymanta parlanankupaj. Ajinata payqa aylluypa juchanraykumin runa chawpimanta chinkachisqa kanqa.

Isaías 53:8 Referans Kwoze

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Hechos 8:33

Ñak'ariynimpi karqa. Paywan cheqan kajta mana ruwarqankuchu. Pitaj mirayninmanta willanqari? Kay pachapi qhechorqanku paypa kausayninta.

San Juan 19:7

Judiostaj kuticherqanku: Noqaykojta leyniyku tiyan. Chayman jinaqa pay wañunampuni tiyan; Diospa Churin kani nisqanrayku.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Romanos 1:4

Sut'inchasqa karqa Diospa Churin atiywan kasqanta, cheqan Espirituman jina, wañusqasmanta kausarimusqanrayku.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Salmos 69:12

Punkupi tiyajkunaj rimakunanku kani, machasqaspaj takipayanantaj.

San Mateo 1:1

Jesucristoj ñaupa tatasnimpa mirayninmanta libro. Jesusqa karqa Davidpa ayllunmanta, Abrahampa ayllunmantawan.

Salmos 88:5

Ayaswan khuska wijch'usqa kani. Maqanakupi wañusqa jina p'ampasqa kani. Chaykunamantaqa qan manaña yuyarikunkichu, makiykimanta qhechusqa kasqayrayku.

Jeremías 11:19

Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

Lamentaciones 3:54

Umaykama yaku junt'aykamuwan, chaypitaj nerqani: Wañusqaña kani kunanqa, nispa.