Isaías 51:3 - Qheshwa Biblia DC

³ Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

DIOSPA QHELQACHISQAN DEUTEROCANONICAL

³ Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

DIOSPA QHELQACHISQ

³ Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Isaías 51:3 Referans Kwoze

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Joel 2:3

Nina jinamin kanku, tukuy imata ruphaykunku. manaraj pasashaspa nina q'olaykunku. Pasaykusqankumantapis q'olashallankupuni. Jallp'aqa, manaraj chay p'unchay chayamushajtenqa, Edén huerto jina karqa. Pasasqanmantawantaj ch'in pampaman rijch'akun. Paykunamantaqa mana imapis ayqekunchu!

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

Jeremías 31:25

Chay sayk'usqasta, mana kallpayojkunatapis noqa mikhuchisaj, ujyachisajtaj atipachinaykama.

Génesis 13:10

Lotqa tukuynejta qhawarerqa, astawanqa Jordán mayu valleta Zoar juch'uy llajtakama. Chaykunaqa yakusniyoj karqa, sumajtaj Señorpa huertan jina, Egipto jallp'aman rijch'akoj. Chaytaj karqa manaraj Señor chinkachishajtin Sodoma llajtata, Gomorra llajtatawan.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

Isaías 25:9

Chaypacha nenqanku: Qhawaychej, kaymin Diosninchejqa. Payta maytapuni suyarqanchej. Paytaj salvawarqanchej. Kunanqa kusikunachej jatun kusiywan ajinata salvawasqanchejmanta.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Salmos 85:8

Uyarisaj imatachus Señor parlanqa chayta. Payqa sonqo tiyakuymanta ayllunman parlanqa, Payqa qhatejkunaman ama watejmanta musphaykachanankupaj.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Isaías 35:6

Cojosqa tarukas jina phinkiykachanqanku, opapis parlarenqa. Chay jina ch'aki ch'in jallp'api ashkha correshaj yakus llojsimonqanku.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Isaías 43:19

Kunanqa uj mosoj imata ruwasaj; chaytaj rikhurenqaña. Manachu chaytaqa qankuna reparashankichej? Ch'in pampanejta watejmanta uj ñanta kicharisaj, mayustataj ch'aki pampaspi rikhurichisaj.

Isaías 49:19

Llajtaykeqa thuñispa chinkachisqa, ch'impacha. Kunantaj jallp'aykeqa kutimoj runasniykipaj pisi kanqa. Urmachisojkunataj karuman ayqenku.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 65:18

Qankunaqa maytapuni wiñaypaj kusikunkichej, imastachus ruwarqani chaykunapi. Jerusalenman kusikuyta apamuni, jinallataj chaypi kaj runaspis kusikunankupaj.

Ezequiel 28:13

Edempi Diospa huertampi, tukuy laya k'acha rumismanta ruwasqa p'achawan p'achallisqa karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan. Walqasniykiwan, zarcillosniykiwan qorimanta karqanku. Ñaupaj bombitosniyki, chantá qenasniykipis qampaj wakichisqas karqanku mayk'ajchus ruwasqa karqanki chay p'unchaymantapacha.

Ezequiel 36:11

Qankunapi runasta ashkhata miraykuchisaj. Miranqanku, wiñanqankutaj. Ñaupa tiempospi may chhikachus kaj kanku, chay jina ashkhallataj kanqanku. Qankunataj ñaupa karqankichej, chaymantapis aswan allintaraj tiyakunkichej. Yachankichejtaj noqa Señor kasqayta.

Ezequiel 36:35

Nenqankutaj: Kay ch'in pampaman tukuchisqa jallp'asqa, Edén huertamanña rijch'akunku. Kay llajtasqa thuñisqas, ch'inyachisqastaj, ch'usaj pampaman tukuchisqas karqanku. Kunantaj watejmanta sinch'i ruwasqaña, runaspis tiyakunkuña, nispa.