Isaías 51:2 - Qheshwa Biblia DC

² Qhawariychej tataykichej Abrahamta, mamaykichej Saratawan. Paykuna manaraj wawasniyoj kashajtinku wajyarqani, ashkha imasta qospataj paytaqa miracherqani.

DIOSPA QHELQACHISQAN DEUTEROCANONICAL

² Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

DIOSPA QHELQACHISQ

² Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

Isaías 51:2 Referans Kwoze

Isaías 29:22

Chayrayku Israelpa Diosnin, Abrahamta libraj Señorqa, Jacobman nin: Jacob, mana kunanqa p'enqachisqachu kanki, manataj uyaykipis khuyay khuyayta qhawaykachanqachu.

Génesis 24:35

Señorqa ashkhata bendicin patronniy Abrahamta, qhapajyachintaj. Payman qon ovejasta, wakasta, qolqeta, qorita, qhari kamachista, warmi kamachista, camellosta, burrosta ima.

Génesis 24:1

Abrahamqa allin machuñapuni karqa, Señortaj tukuy imapi payta bendicerqa.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Josué 24:3

Noqaqa ñaupa tataykichej Abrahamta chay mayu cantomanta pusamuspa kay tukuynin Canaán jallp'api puricherqani. Chaypacha payta miracherqani, ñaupajta Isaac wawanta qospa, Isaacmantaj iskaynin wawasnin Jacobta, Esautawan qospa. Esaumanqa qorqani Seir orqo jallp'asta, chaypi tiyakunampaj. Jacobtajrí wawasninwan Egiptoman riporqa.

Deuteronomio 1:10

Señor Diosniykichejqa kay chhikata mirachisunkichej. Kunan qankunaqa jatun ayllu ashkha kankichej, janaj pacha estrellas jina.

Isaías 41:8

Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

Isaías 43:27

Ñaupa tatayki juchallikorqa, qanman yachachisojkunapis contraypi oqharikorqanku.

Isaías 60:22

Aswan juch'uy kaj runaqa waranqata miranqa, aswan mana kasuy runapis uj jatun nacionman tukonqa. Noqa Señorman chaytaqa nini. Chay imasqa usqhayta junt'akonqapuni.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Deuteronomio 26:5

Qankunataj Señor Diosniykichejpa ñaupaqempi kay jinata ninkichej: Ñaupa tatayqa arameo purej karqa. Egiptoman riporqa, chaypitaj tiyakorqa ayllun pisilla kashajtin. Chantaqa miraynin jatun nacionman tukorqa. Chay aylloqa atiyniyoj, ashkha runasniyojtaj karqa.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.