Biblia Todo Logo
Bib sou entènèt

- Piblisite -




Isaías 5:16 - Qheshwa Biblia DC

16 Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

Gade chapit la Kopi

DIOSPA QHELQACHISQAN DEUTEROCANONICAL

16 Tukuy Atiyniyoj Tata Diosrí justiciata ruwaspa, jatunchasqa kanqa. May Llimphu kaj Diosqa may llimphu kasqanta rikuchenqa cheqan kajta ruwaspa.

Gade chapit la Kopi

DIOSPA QHELQACHISQ

16 Tukuy Atiyniyoj Tata Diosrí justiciata ruwaspa, jatunchasqa kanqa. May Llimphu kaj Diosqa may llimphu kasqanta rikuchenqa cheqan kajta ruwaspa.

Gade chapit la Kopi




Isaías 5:16
34 Referans Kwoze  

K'umuykuycyhej, rejsiwaychejtaj noqa Diosniykichej kani. Tukuy nacionespi noqa yupaychasqa kasaj. Tukuy kay pachapi jatunchasqa kasaj.


Chaypacha ninkichej: Señorman graciasta qoychej, sutinta jatunchaychej, imatachus ruwasqasninta runasman willamuychej, yuyarichiychej sutenqa may jatun kasqanta.


Señor qampatamin jatunchasqa kayqa, atiypis, kusiypis, atipaypis, jatunchasqa kaypis! Qampatamin kay pachapi, janaj pachapi, tukuy ima kajpis. Reinopis qampallatataj, Señor, qanlla tukuymanta aswan jatun atiyniyoj kanki.


Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.


Qankuna waj llajtaspi santo sutiyta ch'ichicharqankichej. Noqataj kunanqa jatun sutiyta chay llajtaspa rikuynimpi llimphuchasaj. Chay llajtastaj rejsiwanqanku noqa Señor kasqayta, qankunanejta sutiy llimphu kasqanta rikuchisaj chaypacha, nin Señorqa.


Wawasniykeqa paykuna ukhupi imastachus ruwasqasniyta rikonqanku. Paykuna nenqanku noqaqa Santo kasqayta, Israelpa Diosnintataj kasuwanqanku.


Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin:


Señorqa jatunchasqa kanqa, imaraykuchus payqa patapi tiyakun, paylla allin kajwan, cheqan kajwantaj Sionman junt'achenqa.


Tukuy Atiyniyoj Señorllata Santopaj qhawaychej; payllata manchachikuychej, payllata kasuychej.


Ajinamanta sut'inchasaj may jatun kasqayta, nitaj llimphu kasqayta. Rejsisqa kasaj ashkha runaspa ñaupaqempi, yachanqankutaj noqa Señor kasqayta.


Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.


Runaj wapuykachaynenqa k'umuykuchisqa, runaj machu machu kaynenqa urmachisqa kanqa. Chay p'unchaypeqa Señorlla jatunchasqa kanqa.


Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.


Noqa Señorqa imapis cheqampuni kananta munani. Suwakojta, runa wañuchejta ima chejnikuni. Chayrayku runaj ruwasqasninman jina t'inkanta qopusaj, paykunawantaj wiñaypaj tratota ruwasaj.


Cheqan kajtaqa plomadata jina churasaj, maychus kajtataj hilota jina churasaj. Llullakojpa pakakunanta chejchi chinkachenqa, chay pakakunaykichej cheqatataj yakus apanqanku.


Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.


Jatarikuy atiyniykiwan, Señor, takisqayku qampa atipasqaykita.


Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.


Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.


Señorqa runaswan rejsichikun, cheqanta ruwaspa. Sajra runataj kikin ch'ipa ruwasqallanwantaj ch'ipaykuchikun.


Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.


Escriturapeqa nin: Santos kaychej, imaraykuchus noqa santo kani.


Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.


Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.


Señorqa nin: Kunanqa sayarikusaj; oqharisqa, may jatunchasqataj kasaj, nispa.


Sumaj q'apaj inciensota jina jap'ikapusqaykichej ch'eqerasqa kashankichej chay jallp'asmanta, llajtasmantawan orqhomuspa tantaykusqaykichej, chantapis qankunanejta llimphu kasqayta, tukuy jallp'aspi kaj runasman rikuchisaj.


Llojsimunkitaj Israel aylluypa contrampi, yana phuyus jina jallp'ata urphuykuspa. Chay qhepa p'unchaykunapi pusamusqayki jallp'aypa contrampi, waj jallp'asmanta kaj runas qannejta noqata rejsinawankupaj, llimphu kayniyta noqa rejsichisaj ñaupaqenkupi chaypacha.


Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.


Kaymin chay Meriba juturi, maypichus israelitas Señorpa contranta rimarqanku chay. Señortaj may atiyniyoj Dios kasqanta rikuchikun.


Chaykunaj ñaupaqempi runasqa pisichakunku, khuyay khuyaytataj qharispis qhawaykachanku; chayrayku paykunataqa ama perdonaychu.


Señorqa kay jinata nin: Mayk'ajchus tukuy llajtaspi ch'eqerachisqamanta Israel aylluyta tantaykamusaj, chaypacha llajtakunaj rikunankuta llimphu kasqayta rejsichikusaj. Paykunataj kikin jallp'ankupi tiyakonqanku. Chay jallp'ataqa Jacob kamachiyman qorqani.


Swiv nou:

Piblisite


Piblisite