Isaías 48:4 - Qheshwa Biblia DC

⁴ Chayqa karqa k'ullu kasqaykirayku, much'uykeqa fierro jina, frenteykipis bronce jina.

DIOSPA QHELQACHISQAN DEUTEROCANONICAL

⁴ Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

DIOSPA QHELQACHISQ

⁴ Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Isaías 48:4 Referans Kwoze

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

Éxodo 32:9

Señorqa Moisesman astawan nerqa: Noqa cheqamanta kay runasta rikuni, paykunaqa rumi sonqos kanku.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Deuteronomio 31:27

Noqa yachaykichej qankunaqa mana kasukoj rumi sonqo runas kasqaykichejta. Noqa qankunawan kashajtiyraj Señorpa contranman tukuykichej. Q'aya minchha wañupojteyqa, imaynachus kankichejpis ari?

Éxodo 33:5

Imaraykuchus Señorqa Moisesman nerqa: Israelitasman niy: Qankunaqa ancha rumi sonqos kankichej. Uj chhikantachus qankunawan riyman chayqa, qankunata uj ratopi tukuchiykichejman. Kunitampacha qhechukuychej tukuy k'achanchakunaykichej sumaj imasta, chaymanta noqa yachasaj imastachus qankunawan ruwayta.

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Salmos 75:5

Ama qhasillataqa atiyniykichejta rikuchiychejchu. Amataj wapu wapu parlaspaqa kaychejchu.

Éxodo 33:3

Qankunaqa riychej maypichus lechewan misk'iwan corrishan yaku jina chayman. Noqaqa mana qankunawanchu risaj; qankunawan riyman chayqa, ñampi tukuchiykichejman, imaraykuchus qankunaqa ancha rumi sonqo runas kankichej.

Isaías 46:12

Uyariwaychej rumi sonqo runas, cheqan kajmanta karupi kajkuna.

2 Crónicas 36:13

Chantapis rey Nabucodonosorqa contrampi oqharikorqa, payqa Diospa sutimpi jurachisqa yanapanakupi yaykunankupaj. Sonqontapis sinch'ita rumiyacherqa, Israelpa Diosninman mana kutirikuyta munaspa.

Hebreos 3:13

Astawanqa, sapa p'unchay purajmanta kallpachanakuychej, p'unchay kashajtin, ama mayqenniykichejpis juchaj ch'aukiyaynimpi rumiyanampaj.

Daniel (hebreo) 5:20

Maypachatajchus sonqompi jatunchakorqa, sajrayarqataj wapuchakuspa chaypacha, rey kasqampi atiynin, jatun kasqampis paymanta qhechusqa karqa.

Jeremías 7:26

Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

2 Crónicas 30:8

Chayrayku ama ñaupa tatasniykichej jinaqa sonqosniykichejta rumiyachiychejchu, Señorta kasuychej, jamuychejtaj llimphu nisqa wasinman, Señor wiñaypaj llimphuchanan chayman, Señor Diosniykichejta sirviychej, paytaj qankunapaj phiñasqa kayta saqenqa.

2 Reyes 17:14

Paykunarí astawampis mana kasorqankuchu, sonqosninkuta rumiyacherqanku, tatasninku jina, paykunaqa Señor Diosninkupi mana creerqankuchu.

Deuteronomio 10:16

Chayrayku kunanmantapacha Señor Diosniykichejpa nisqanta waqaychaychej, amaña rumi sonqoschu kaychej.

Nehemías 9:28

Chaywampis manaña ima llakiyninkupis kajtin watejmanta ñaupaqeykipi juchallillajñataj kanku. Chayrayku enemigosninkoj makisninman urmajta saqerqanki, chay runastaj mayta llakichej kanku. Chaymantataj yanapayniykita mañakullasojñataj kanku. Qantaj khuyakuspa uyarillajñataj kanki janaj pachamantapacha, ashkha kutista kacharichispa.

Ezequiel 2:4

Wawasninkupis mana q'ewiy atina jina, rumi sonqostaj kanku. Paykunaman parlamunaykipaj qanta kachasqayki, kay jinata paykunaman niy: Señorqa kayta nin.

Éxodo 9:7

Faraonqa israelitaspa uywasninta qhawarejta kacharqa, nitaj uj wañusqatapis tarerqankuchu. Chaywampis faraonqa sonqonta rumiyachillarqapuni, manapuni israelitasta kacharerqachu.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.