Isaías 47:6 - Qheshwa Biblia DC

⁶ Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

DIOSPA QHELQACHISQAN DEUTEROCANONICAL

⁶ Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

DIOSPA QHELQACHISQ

⁶ Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Isaías 47:6 Referans Kwoze

Zacarías 1:15

Chayrayku sinch'ita k'ajarin phiñakuyneyqa, mana ni imamanta yuyarikojkunaj contrampi, maypachachus pisillataraj phiñakorqani. Chaypachaqa paykunaqa astawan juchawan yapaykukorqanku.

2 Crónicas 28:9

Chaypi karqa Señorpa uj profetan Obed sutiyoj, paytaj Samariaman kutiykapushajtinku soldadosta taripaj rerqa, nerqataj: Ñaupa tatasniykichejpa Señor Diosnin, Judawan phiñasqa kashan, chayrayku paykunataqa qankunaman jaywasorqachej. Qankunataj sinch'i phiñakuywan wañuracherqankichej, chaytaj janaj pachakama chayan.

Deuteronomio 28:50

Chay sajra runasqa machu runasta, wawastapis mana khuyakonqankuchu.

Abdías 1:10

Qhepakunki q'ala p'enqaywan junt'asqa wiñaypajtaj t'una ruwasqa kanki Jacob hermanoykita sajrawan rikusqaykirayku wañuchisqaykiraykutaj.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Salmos 69:26

Pitachus llakichisqaykita astawan qhatiykachanku. Pitachus nanachisqaykimantapis astawan alqochakunku.

Abdías 1:16

Imayna k'allkuchus karqa chay llimphuchasqa orqoypi usqhay usqhayta ujyarqankichej chayqa, ajinallatataj waj nacionespis k'allkuchikuspa qhotumanta qhotu ujyanqanku. Mana ni uj puchuyojtaj chinkachisqas kankichej.

Isaías 14:17

Kaychu mundontinta ch'impachata saqej? Kaychu llajtasta ch'inyachej, presostapis mana kacharej?

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Ezequiel 28:16

Qhatusniykipi allin risusqanman jina, millay imaswan junt'aykuchikorqanki, juchallerqankitaj. Chaynejta lijrasniyoj jark'aj querubín, Diospa santo lomanmanta wijch'orqayki, k'anchaj rumis chaupimanta orqhorqayki.

Lamentaciones 2:2

Señorqa tukuy imata pampata ruwan mana khuyakuspa. Phiñakuyninwan Señorqa Jacobpa wawasninta wasintinta tukuyninkuta thuñirarqa. Judá llajtaj jark'achisqa perqasnintapis tukuyninta pampachan; maytapuni reyta kamachejkunatawan k'umuykachachin.

Isaías 43:28

Kamachejkunasniykichejqa santo wasiyta ch'ichicharqanku. Chayrayku noqaqa Jacobpa ayllun Israelta saqerqani, chinkachisqa, p'enqachisqataj kananta.

Isaías 13:16

Wawasninkoqa qhawashajtinku pampaman ch'anqasqas kanqanku; wasisninkumanta imasninkuchus kajta suwaranqanku, warmisninkutapis qhenchacharanqanku.

2 Samuel 24:14

Davidtaj Gadman kuticherqa: Jatun llakiypi kashani. Jinapis walej kanman kikin Señorpa mkisninman urmanayku, Paypa khuyakuynin may jatun kasqanrayku, amataj runaj makisninman urmanaykupaj.

Isaías 14:6

Payqa phiñakuyninwan nacionesta jasut'ej, mana sayk'uspataj seq'oj; phiñakuyninwantaj nacionesta ñak'arichej, mana khuyaspa qhatiykachaj.

Jeremías 50:42

K'uru wach'inaswan, jinataj fierro t'ojsinaswan wakichisqasña kashanku. Sajras mana uj chhikan khuyakuyniyoj kanku. Qhaparqachasqasninkoqa mar qochaj qhollchoqeyasqan jina, caballospi lloq'asqastaj rishanku. Ñapis Babiloniaj contrampi maqanakuman yaykunankupajña kashanku.

Lamentaciones 1:14

Señorqa juchasniyta rikuwan, chay juchasnillaywantaj yugowan jina wataykuwan. Chaytaj manchayta llasaykuwan, kallpayta tukuchinawankama. Señorqa sajra kaykunaman jaywaykuwan, noqataj manaña atipayta atinichu.

Lamentaciones 1:21

Waqashajta uyariwarqanku, manataj pipis sonqochaykuriwaj kanchu. Tukuy enemigosniy yachanku mana allimpi kasqayta, maytataj kusikunku qan kay jinata ñak'arichiwasqaykimanta. Paykunamampis jasut'ita apachimusaj nisqaykitaqa apachimunki, chaypachataj paykunapis noqa jina kanqanku.

Lamentaciones 5:12

Kurajkunataqa makisninkumanta warkhuykunku. Machu runastapis mana khuyakorqankuchu.

2 Crónicas 10:11

Sichus payqa sinch'ita llank'achisorqachej chayqa, noqa aswan sinch'itaraj llank'achisqaykichej. Sichus payqa washkhawan jasut'isorqachej chayqa, noqataj atoj atojkunawan jasut'isqaykichej.

2 Crónicas 36:17

Chaypacha Señorqa Caldeospa reyninta puririchimorqa paykunaj contrankupi, wayna runasninkutataj kikin Diosta yupaychananku wasi ukhupi cuchillowan wañucherqanku, manataj khuyarqachu wayna runasta, nitaj sipas warmistapis, nitaj unay watasniyojkunatapis, nitaj machu runastapis, nitaj allin achachistapis. Señorqa tukuyninkuta paypa makisninman jaywaykorqa.

2 Crónicas 36:20

Chay qhepatataj wañuymanta llusp'ejkunaqa Babiloniaman wijch'usqas karqanku. Paypa kamachisnin kamorqanku, jinataj wawasnimpatawan kamorqanku persaspa reyninku sayarinankama.

Esdras 5:12

Nillawarqaykutaj: Tatasniyku chay qhepata janaj pachapi kaj Diosta phiñachisqanku, chayrayku paykunata Dios apachisqa, Babiloniapi kaj rey Nabucodonosorpaman, paytaj caldeo karqa, chay templotataj urmachisqa, israelita runastataj Babiloniaman apachisqa.

Lamentaciones 4:16

Señorpa k'ajaj phiñakuynin paykunatqa tukuynejman ch'eqerachin, manaña astawan qhawarerqachu. Chaypi kaj sacerdotestapis mana manchachikorqankuchu, manataj chaypi kaj machu runastapis khuyakorqankuchu.

Zacarías 1:12

Señorpa angelnin nerqa: Tukuy Atiyniyoj Señor, qanchis chunka watastaña phiñasqa kanki Jerusalempaj, Judá llajtaspajpis. Mayk'ajkamataj paykunamanta mana khuyakunkichuri?, nispa.