Isaías 47:10 - Qheshwa Biblia DC

¹⁰ Qanqa sajra ruwasqasniykiman atienekuspa nerqanki: Mana pipis rikuwanchu, nispa. Qantaqa imatachus yachasqaykiwan, yachaynillaykiwantaj ch'aukiyasunku. Qantaj sonqoykipi nerqanki: Noqalla kani. Noqamanta astawan wajqa mana kanchu.

DIOSPA QHELQACHISQAN DEUTEROCANONICAL

¹⁰ Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

DIOSPA QHELQACHISQ

¹⁰ Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

Isaías 47:10 Referans Kwoze

Isaías 5:21

Ay qankunaqa yachayniyoj kasqaykichejta creekunkichej, may yuyayniyoj kasqaykichejta yuyakunkichej!

Isaías 29:15

Ay, Señormanta pakakojkunamanta, imatachus yuyasqasninkuta pakajkunamanta, imatachus ruwasqasninkupis laqhayaypi kashan! Chanta ninkutaj: Mana pipis rikuwanchejchu, manataj reparawanchejchu!

Romanos 1:22

Yachaysapasman tukuspa wampuyarqanku.

Salmos 52:7

Qhawaychej ari Diospi pakakuyta mana mask'aj runata, payqa kapuynillampi atienekorqa, sajra kaynillampitaj sayarqa.

Ezequiel 8:12

Niwarqataj: Runa, rikunkichu israelitaspa kurajkunasnin imastachus ruwashanku chayta, sapa ujninku kashanku pintasqa lantinkoj ch'ujllampi chayta? Paykuna yuyanku paykunata noqa mana rikushasqayta, kay naciontataj saqeshasqayta.

Isaías 59:4

Mana pipis cheqan kajta munajqa kanchu, mana pipis cheqanta cheqanchajqa kanchu. Mana allin kajllaman atienekunku, manakaj imasllata parlankupis. Sajra imasllatapuni yuyanku, juchatataj wachanku.

1 Corintios 3:19

Kay pacha yachayqa qhasi mana kaj Diospajqa. Escribisqapipis nishan: Dios urmachin yachayniyojkunata, llulla yachaynillankupitaj.

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Jeremías 23:24

Pitaj ñawisniymanta pakakuyta atinmanri? Cielo chantá jallp'apis noqaj kayniywan junt'a kashan. Noqa Señor chayta nini.

Isaías 44:20

Cheqamanta chayqa ushphata mikhoj jinamin; chayqa llulla yuyajkunawan ch'aukiyachikuymin. Chayrayku chay runaqa almanta mana salvanchu, nitaj ninchu: Manachu paña makiypi kajqa lullalla?, nispa.

Eclesiastés 8:8

Mana pi runapis kausayninta jap'inampaj atiyniyojchu, nitaj pipis wañuyta atipaj kanchu, mana imapis kanchu wañuywan maqanakunapajqa. Chay sajra runataqa manapuni chay sajra ruwasqanqa wañuymanta qhechonqachu.

Salmos 64:5

Paykuna pura sajrata ruwanankupaj yanapanakunku. Trampasta churanankupaj wakichikunku. Yuyankutaj mana pipis rikunanta.

Isaías 28:15

Qankunaqa ninkichej: Uj tratota wañuywan ruwayku, wañusqaspa tiyakunankuwan tratoyoj kayku; manchay jasut'i jamojtenqa mana chayamuwasqaykuchu. Chay pakakuyniykutaqa llullakuypi mask'ayku, jinallataj ch'aukiyaypi ima.

Salmos 10:11

Sajra runaqa yuyan Dios qonqapusqanta, uyanta pakaykukusqanta, ni jayk'aj imatapis rikusqanta.

Isaías 47:8

Chayrayku, kunanqa uyariy kayta, k'anchilla warmi. Kamachinaykipi kunanqa sumaj sumajta tiyarishanki, sonqoykipitaj nishayki: Noqalla kani. Noqamanta astawan wajqa mana kanchu. Mana noqaqa viudachu kasaj, manataj wawasniypis wañonqankuchu, nispa.

Jeremías 9:23

Señorqa nin: Yachayniyoj runaqa ama chay yachayninmanta runaykachachunchu, nitaj atiyniyojpis, nitaj qhapajpis.

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Sofonías 2:15

Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.