Isaías 44:8 - Qheshwa Biblia DC

⁸ Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

DIOSPA QHELQACHISQAN DEUTEROCANONICAL

⁸ Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

DIOSPA QHELQACHISQ

⁸ Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

Isaías 44:8 Referans Kwoze

Isaías 43:10

Señorqa cheqamanta nin: Qankuna noqamanta sut'inchajkuna kankichej, noqaj ajllakusqasniy kamachisniy, noqata rejsikunawaykichejpaj, atienekunawaykichejpajtaj, pichus noqa kasqayta allinta unanchanaykichejpaj. Noqamanta ñaupajtaqa mana ima diospis karqachu, manataj qhepamampis waj dios kanqachu.

1 Samuel 2:2

Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.

Deuteronomio 4:35

Kay imasta rikuchisorqachej yachanaykichejpaj Señorlla Dios kasqanta, jinallataj waj Diosqa manapuni kasqanta.

Deuteronomio 4:39

Kunanqa yachaychej unanchaychejtaj. Señorlla Diosqa kasqanta janaj pachapi, kay pachapipis, jinallataj manapuni waj Dios kasqanta.

San Juan 10:30

Noqawan, Dios Tatawanqa ujlla kayku.

San Juan 1:1

Tukuy imaj qallariynimpi Palabraqa karqapuni. Chay Palabraqa Dioswan kasharqa, Palabrataj Dios karqa.

Joel 2:27

Qankunataj, Israelmanta runakuna, yachaychej, noqa Tukuy Atiyniyoj Señor kashasqayta qankunawan. Noqa Diosniykichej kasqayta, manataj aswan waj Dios kasqanta. Mana jayk'ajpis llajtayqa ujtawan penqaypi rikhurenqañachu!

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Salmos 18:31

Pitaj Dios kanman Señorman astawanri? Waj Dios kanmanchu waqaychanawanchejpaj?

2 Samuel 22:32

Pitaj Dios, Señormanta jawarí? Pitaj Dios kasqa chhanka jina waqaychanawanchejpajrí?

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Isaías 46:9

Yuyarikuychej ari ñaupamantapacha imaschus kasqanta. Noqalla Diosqa kani. Noqamanta astawan waj mana kanchu, manataj kanchu ujllapis noqaman rijch'akojqa.

Daniel (hebreo) 6:22

Diosniymin angelninta kachamorqa, paytaj leonespa siminkuta wisq'aykurarqa, mana imananawankupaj, imaraykuchus Dios yachan mana ima juchayoj runa kasqayta, yachallantaj mana ima sajratapis ruwasqayta contraykitaqa, reyníy.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

Isaías 48:5

Unaymantaña noqaqa willaporqayki. Manaraj kay imas kashajtin noqaqa nerqaykiña, ama ninaykipaj: Lantiypa ruwasqan kayqa, ruwasqay lanti kay imasta kamachin, nispa.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 43:12

Señorqa cheqamanta nin: Noqa willarqani, salvarqani, uyarichikorqanitaj. Qankuna chaupipeqa mana waj dios karqachu. Qankuna chay rikojkunasneyqa kankichej.

Isaías 42:9

Ñaupajmanta willasqasniy imaynatachus tukuynin junt'akusqanta; kunantaj mosoj imasta willashani. Manaraj sut'iman llojsishajtin noqaqa willasqaykichej.

Isaías 30:29

Qankunapajqa takiykuna kanqa jatun fiesta ch'isipi jina. Sonqoykichejqa kusisqa kanqa, qenata tocarispa, israelitaspa pakakunan Señorpa orqonman rejpata jina.

Esdras 8:22

P'enqakorqani reymanta mañakuyta caballospi purej soldadosta, ñampi enemigosniymanta waqaychanawampaj. Imaraykuchus reyman nerqaykuña Diosqa waqaychaj kasqanta payta mask'ajkunata, urmachimusqantataj atiyninta phiñakuynintawan, payta saqerajkunaj patanman.

Esdras 1:2

Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

Deuteronomio 32:31

Jark'ajninku chhankaqa, mana jark'awajninchej chhanka jinachu. Chaytaqa enemigosninchej yachanku.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

Génesis 48:19

Tatantaj mana munarqachu, nerqataj: Chaytaqa yachallani wawáy. Paypis uj jatun nacionman tukonqa. Chaywampis kay sullk'a kajtaj aswan jatun nación kanqa paymanta nisqaqa.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

1 Juan 1:2

Kay kausayta qojtaj rikuchikorqa. Noqaykutaj payta rikorqayku. Ajinamanta, qankunaman wiñay kausaymanta willamuyku, rejsichimuykutaj. Chay wiñay kausayqa Dios Tatapi karqa, noqaykumantaj rikuchikuwarqayku.

Hebreos 12:1

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

San Juan 6:10

Jesustaj nerqa: Tukuy runas tiyarikuchunku, nispa. Ashkha ch'ikitaj chaynejpi karqa; phishqa waranqa jina qharistaj chaypi tiyarakorqanku.

Salmos 86:10

Qanlla Dios kanki. Jatun kanki, may t'ukuna imastataj ruwanki.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Isaías 26:4

Wiñaypaj Señorllapipuni atienekuychej, imaraykuchus payllamin wiñaypaj pakakunanchejqa.

Isaías 41:23

Allinta willawayku qhepaman imaschus kananta, ajinamanta yachanaykupaj cheqamanta qankuna dioskuna kasqaykichejta. Allintapis chayrí mana allintapis ruwaychej ari; t'ukunaykupaj, manchachikunaykupajpis.

Isaías 43:11

Noqa k'atalla Señorqa kani. Noqamanta wajqa mana pipis salvajqa kanchu.

Isaías 45:19

Noqaqa mana pakaypichu parlani, manataj jallp'api maynejpichus laqha kashan chaypichu. Jacobpa mirayninmanqa mana nerqanichu: Pejtusqa ukhupi mask'awaychej, nispa. Noqaqa Señor kani, cheqata parlani, cheqantataj imatapis willaykichej.

Isaías 48:3

Imaschus pasarqa chaykunamantaqa ñaupajmantaña willarqaykichej. Imatachus willasqaytaqa usqhayllata ruwarqani. Chaytaj junt'akorqapuni.

Salmos 18:32

Dioslla noqataqa kallpachawan. Paylla may k'achata kausachiwan.

Isaías 43:9

Uj cheqallaman tukuy naciones, runaspis tantakuchunku. Mayqenninkutaj kay imasta willasqa, chayri ñaupajta imaschus kasqantapis willasqari? Chayta rikoj runasta pusakamuchunku, nichunkutaj cheqanta, cheqapuni kasqanta ninanchejpaj.