Isaías 44:6 - Qheshwa Biblia DC

⁶ Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

DIOSPA QHELQACHISQAN DEUTEROCANONICAL

⁶ Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

DIOSPA QHELQACHISQ

⁶ Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Isaías 44:6 Referans Kwoze

Isaías 41:4

Pitaj kay imasta ruwarqari? Pitaj qallariymantapacha runasta wajyarqa kausanankupajri? Chaytaqa noqa Señor, uj k'ata Dioslla ruwani, qallariymantapacha tukukuykama.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

Apocalipsis 22:13

Noqa alfa, omegataj kani, qallariy, tukukuytaj, ñaupaj kaj qhepa kajtaj.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

Isaías 48:17

Israelpa Santo Diosnin, salvajniyki Señorqa ajinata nin: Noqa Señor Diosniyki kani; noqa yachachiyki imachus qampaj allin kasqanta. Noqa may ñantachus rinaykita rikuchiyki.

Isaías 48:12

Jacobpa ayllun Israel, uyariway. Qanta wajyarqayki: Noqa sapallay Diosqa kani, noqalla qallariy, tukukuytaj kani.

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Isaías 44:24

Manaraj naceshajtiyki ruwasoj salvajniyki Señorqa ajinata nin: Noqa, tukuy imata ruwaj Señorqa kani. Noqa cielota qhatatatani, jallp'atapis sumajta sayachini ni pejpa yanapasqan.

Deuteronomio 6:4

Israelitas uyariychej ari: Señor Diosninchejqa payllamin Señorqa.

Deuteronomio 4:39

Kunanqa yachaychej unanchaychejtaj. Señorlla Diosqa kasqanta janaj pachapi, kay pachapipis, jinallataj manapuni waj Dios kasqanta.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Deuteronomio 4:35

Kay imasta rikuchisorqachej yachanaykichejpaj Señorlla Dios kasqanta, jinallataj waj Diosqa manapuni kasqanta.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Apocalipsis 2:8

Esmirna iglesiaj angelninman escribiy: Ñaupaj kaj, qhepa kajtaj, pichus wañusqa karqa, kausarerqataj, chaymin kayta nin:

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

Isaías 54:5

Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.

Malaquías 1:14

Maldicisqa kachun nejqa mana onqosqa uywata jaywanawanta, nishaspa, chantá onqosqa kajtataj jaywawajqa. Noqaqa jatun Reymin kani, tukuy llajtaspa respetasqantaj kani. Ajinata Tukuy Atiyniyoj Señorqa nin.

Jeremías 50:34

Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

Isaías 59:20

Uj Salvador Sión llajtaman jamonqa, Jacobpa ayllunmanta Señorman kutirikojkunapaj, nispa nin Señorqa.

San Mateo 27:37

Cruzpi, uman patanejman uj escribisqata churarqanku, imamantachus ch'atasqa kasqanta: Kayqa Jesús, Judiospa Reynin.

Isaías 37:20

Kunanqa Señor Diosniyku, Asiriospa makinmanta jark'awayku ari; ajinamanta kay jallp'a patapi kaj chhika naciones yachanankupaj qan k'atalla atiyniyoj Señor kasqaykita, nispa.

Isaías 41:21

Jacobpa reynin Señorqa nin: Nacionespa diosninkuna imatachus parlarinaykichejta rimariychej. Imachus kasqaykichejmanta parlaychej.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

Apocalipsis 1:11

Nerqataj: Imatachus rikusqaykita uj libropi Escribiy, Asiapi kaj chay qanchis iglesiasmantaj apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima.

Salmos 86:10

Qanlla Dios kanki. Jatun kanki, may t'ukuna imastataj ruwanki.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Isaías 40:18

Pimantaj qankunaqa Diosta rijch'achinkichejri? Chayri ima lantimantaj rijch'achinkichejri?

Isaías 43:9

Uj cheqallaman tukuy naciones, runaspis tantakuchunku. Mayqenninkutaj kay imasta willasqa, chayri ñaupajta imaschus kasqantapis willasqari? Chayta rikoj runasta pusakamuchunku, nichunkutaj cheqanta, cheqapuni kasqanta ninanchejpaj.

Jeremías 10:1

Uyariy, qan Israel ayllu; kay willayta Señorqa apachimusunki.