Isaías 44:3 - Qheshwa Biblia DC

³ Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

DIOSPA QHELQACHISQAN DEUTEROCANONICAL

³ Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

DIOSPA QHELQACHISQ

³ Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 44:3 Referans Kwoze

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

Hechos 2:17

Dios nin imaschus qhepa p'unchaykunapi kananmanta. Tukuy runakunaman Espirituyta chayachisaj. Churisniykichejtaj, ususisniykichej pis Diospa sutimpi parlanqanku. Waynakunataj mosqoypi jina rikonqanku. Machu runasniykichejtaj mosqoykunata mosqoykonqanku.

Isaías 59:21

Kay tratota paykunawan ruwasaj nin Señorqa. Pataykiman Espirituyta churani, palabrasniytapis simiykiman churallanitaj; chayqa mana simiykimanta llojsenqachu, manallataj wawasniykejmanta, nitaj allchhisniykej siminmantapis. Ajina kunanmantaqa wiñaypaj qankunawan kanqa, ajinata nin Señorqa.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Apocalipsis 21:6

Niwarqataj: Junt'asqaña. Noqa kani alfa, omegataj; qallariy, tukukuytaj. Ch'akichikojmanqa kausay yakuta pujyumanta qhasilla ujyachisaj.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Ezequiel 39:29

Manañataj ujtawampis israelita runasmanta uyayta pakaykukusajchu, imaraykuchus Espirituyta paykunaman jich'amusaj, nin Señorqa.

Isaías 32:15

Chanta Señorpa atiynin ujtawan noqaykuman jamonqa. Ch'aki ch'in pampaqa sumaj chajra poqonaman tukonqa. Sumajta chajra poqona jallp'astaj monteman tukonqa.

Hechos 10:45

Creejkuna judiostaj, Jopemanta Pedrowan jamojkuna, t'ukushaj qhepakorqanku, mana judíos kajkunamampis Diosqa Santo Espirituta qosqanmanta.

Salmos 107:35

Ch'in pampata qochasniyojman tukuchin, ch'aki jallp'astataj juturisniyojman.

Isaías 41:17

Wajcha runas, mana imayoj kajkunaqa yakuta mask'anku, manataj tarinkuchu. Yaku ch'akiywan siminkupis pharallaña kashan. Noqa Señortaj paykunata uyarisaj. Noqa Israelpa Diosnin, paykunataqa mana saqerpayasajchu.

Joel 3:18

Chay p'unchaypi vinowan lechewanqa, orqospi, lomaspiwan ima, yakus jinapuni correnqanku. Judá llajtapitaj tukuynin juch'uy mayuspis, ashkha yakusniyoj kanqanku. Temploymantarí yaku juturi kichakonqa, chaywantaj Sitim Valle qarpakonqa.

Hechos 2:33

Ajinamanta Jesusqa Diospa pañanman oqharisqa karqa. Paytaj Santo Espirituta Diospa nisqanman jina jap'erqa. Chaytataj chayacherqa imaynatachus rikushankichej, uyarishankichej jina.

Ezequiel 34:26

Ovejasniytaqa santo lomaypa muyuyninman churasaj, tukuy ima junt'asqasta tiyachisaj. Tiempompi parachimusaj, chay parataj paykunaj allinnimpaj kanqa.

Isaías 61:9

Israelitaspa mirayninkoqa tukuy nacionespa chaupimpi rejsisqas kanqanku, llajtas chaupipitaj paykunaj mirayninku. Tukuy chayta rikojkunaqa nenqanku: Kaykunaqa Señorpa allimpi qhawasqasnin kanku.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Isaías 48:21

Ch'in pampata paykunata pusashajtin, yaku ch'akiywanqa mana wañorqankuchu. Señorqa chhankamanta yakuta phullchichimorqa; chhankata lajrarqa yakutaj purirerqa.

Isaías 65:23

Paykunaqa mana qhasichu llank'anqanku, wawasninkutapis mana juchachasqas kanankupajchu nacechenqanku. Paykuna, chantá wawasninku imaqa Señorpa ajllasqasnin kanku.

Salmos 63:1

Diosníy, qan Diosniy kanki. Tukuy sonqo mask'ayki. Qanmanta ch'akisqa kani. Tukuy kayniywan munakuyki, mana yakuyoj qhasi ch'aki jallp'a jina.

Isaías 49:10

Mana yarqhachikonqankuchu nitaj ch'akichikonqankuchu, manataj q'oñipis, intipis llakichenqachu; imaraykuchus munakuyniywan paykunata pusaykachanqa, maykunamantachus yaku phullchimushan chaykunaman.

Isaías 32:2

Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

San Mateo 12:43

Millay supay uj runamanta llojsispaqa, ch'aki jallp'asnejta purin, samakuyta mask'aspa, manataj tarinchu.

Job 5:25

Mirayniykeqa ashkhapuni kanqa, campospi pastos jina.

Isaías 48:19

Mirayniykipis t'iyu jina mana yupay atina kanman karqa. Qanmanta llojsejkunaqa t'iyu jinapuni kanman karqa. Noqaqa mana jayk'ajpis chinkachiykichejmanchu, manataj ñaupaqeymantapis wijch'uymanchu karqa.

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

Ezequiel 36:27

Espirituyta qosqaykichej. Leyesniyman jina purichisqaykichej, kamachisqasniytataj junt'ankichej.

Ezequiel 47:8

Chaypacha niwarqa: Kay yakusqa llojsishan, inti llojsimuynej cheqaman, Arabá nisqaman uraykonqa, wañusqa mar qochamantaj yaykonqa. Chayman chayajtintaj yakoqa misk'iyanqa.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Miqueas 5:7

Chaypacha, Jacobpa ayllunmanta puchojkuna ashkha llajtaspa chaupimpi kanqanku; Señorpaj apachimusqan chhulla jina, para imaynatachus qhoras pataman urmamun mana runaj munasqanraykullachu ajinata.

Isaías 27:3

Noqa Señor waqaychani, noqa sapa kuti qarpani. Tuta p'unchay waqaychani, ama pipis imananampaj.

Joel 2:27

Qankunataj, Israelmanta runakuna, yachaychej, noqa Tukuy Atiyniyoj Señor kashasqayta qankunawan. Noqa Diosniykichej kasqayta, manataj aswan waj Dios kasqanta. Mana jayk'ajpis llajtayqa ujtawan penqaypi rikhurenqañachu!

Joel 3:1

Nin Señorqa: Chay p'unchaykuna chayamonqa chaypachaqa, Judapi kaj runasta, Jerusalempi kajkunata preso kayninkumanta orqhosaj. Jinamanta kausayninkuta uj jinaman tukuchisaj.