Isaías 44:11 - Qheshwa Biblia DC

¹¹ Tukuy chay lantista yupaychajkunaqa p'enqaypi rikhurenqanku, imaraykuchus chaykunataqa runaslla ruwanku. Chay runasqa tukuyninku cheqanchasqa kanankupaj tantakonqanku. Chaypi manchariywan may p'enqaypi rikhurenqanku.

DIOSPA QHELQACHISQAN DEUTEROCANONICAL

¹¹ Lantikunata tukuy yupaychajkuna p'enqaypi rikhurenqanku, imaraykuchus lantita ruwajqa runallamin. Tukuyninku juicioman apasqa kanqanku, chaypitaj k'umuykuchisqa kaspa, manchachikuywan kharkatitenqanku.

DIOSPA QHELQACHISQ

¹¹ Lantikunata tukuy yupaychajkuna p'enqaypi rikhurenqanku, imaraykuchus lantita ruwajqa runallamin. Tukuyninku juicioman apasqa kanqanku, chaypitaj k'umuykuchisqa kaspa, manchachikuywan kharkatitenqanku.

Isaías 44:11 Referans Kwoze

Isaías 42:17

Pikunachus lantispi atienekojkunaqa p'enqaypi rikhurenqanku. Chay jich'asqa lantista, diosniyku kankichej nejkunaqa.

Isaías 45:16

Tukuyninku paykunaqa k'umuykachachisqas, p'enqachisqastaj kanqanku; jinallataj imaymana lantista ruwajkunapis may p'enqaypi rikhurenqanku.

Isaías 1:29

Chantá qankunaqa p'enqachikunkichej, encina sach'asta chhikatapuni munakusqaykichejmanta, may huertapichus kusikusqaykichejmantawan.

Salmos 97:7

K'umuykachachunku dios nispa rumisllata yupaychajkunaqa. Chay ruwasqankumanta wapu wapu sayaykojkuna; tukuy dioskunataj ñaupaqenman qonqorikuchunku.

Jeremías 51:17

Tukuy runasqa mana yuyayniyoj wapus kanku; chay lantikunata ruwajkunata p'enqachin. Chaykunaqa runaj ruwasqan lantislla kanku, chaykunaqa llulla lantislla mana kausayniyojkunataj.

Jeremías 10:14

Tukuy runas mana yuyayniyojkuna, wampustaj kanku, pichus lantikunata ruwajqa p'enqaypi rikhurin, chaykunaqa yanqha lantislla, manataj kausayniyojchu kanku.

1 Reyes 18:40

Chanta Eliasqa nerqa: Baalpa profetasninta jap'iychej, amataj ujpis ayqechunkuchu. Paykunataj jap'erqanku; Eliastaj Cisón wayq'oman pusaspa chaypi qholurarqa.

Isaías 44:9

Tukuy lantista, ruwajkunaqa qhasi manakaj kanku. May chhika k'achitu ruwasqasninkupis qhasi manakajlla. Paykuna kikinku yachanku chay ruwasqasninkoqa qhasi mana kajlla kasqanta, chay lantisqa mana rikusqankuta manataj unanchasqankuta.

Isaías 65:13

Chayrayku Señorqa nin: Kamachisneyqa sumajta mikhonqanku, qankunataj yarqhaymanta wañunkichej. Kamachisneyqa sumaj yakusta ujyanqanku, qankunataj yaku ch'akiywan wañunkichej. Kamachisneyqa kusikonqanku, qankunataj p'enqaymanta wañunkichej.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.