Isaías 43:5 - Qheshwa Biblia DC

⁵ Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

DIOSPA QHELQACHISQAN DEUTEROCANONICAL

⁵ Ama manchachikuychu, imaraykuchus qanwanpuni kashani. Chantá inti llojsimuynejmanta, inti yaykuynejmantawan runaykikunata tantamusaj.

DIOSPA QHELQACHISQ

⁵ Ama manchachikuychu, imaraykuchus qanwanpuni kashani. Chantá inti llojsimuynejmanta, inti yaykuynejmantawan runaykikunata tantamusaj.

Isaías 43:5 Referans Kwoze

Deuteronomio 30:3

Chaypacha Señor Diosniykichejqa kutichimonqa karu llajtasman apasqasta, khuyakusonqachejtaj. Ujtawantaj tantamusonqachej chay tukuy nacionesmanta, maykunamanchus wijch'usorqachej chaykunamanta, kay mundoj cantonkamapis ch'eqerasqa kashajtiykichej. Chaykunamantapacha Señor Diosniykichejqa kutirichimusonqachej.

San Lucas 13:29

Runas jamonqanku inti llojsimuynejmanta, inti yaykuynejmanta, patanejmanta, uranejmanta ima. Mikhojtaj tiyaykonqanku Diospa reinompi.

Isaías 49:12

Kaykunaqa karumanta jamunku, jaqaykunataj patanejmanta jamunku, wakintaj inti yaykuymanta, wakintaj Asuán jallp'asmanta jamunku.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

Zacarías 8:7

Noqamin llajtaytaqa kacharichisaj inti llojsimuynej llajtaspa atiyninmanta, jinataj inti yaykupuynej llajtasmantapis.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 41:8

Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

Salmos 106:47

Salvawayku Señor Diosniyku! Oqharikapuwayku tukuy nacionesmanta, santo sutiykita yupaychanaykupaj, kusisqas qanta upaychanaykupaj.

San Juan 10:16

Waj ovejas tiyapullawantaj. Chaykunaqa mana kay t'aqamantachu kanku. Chay ovejastapis pusamunallaytaj tiyan. Paykunata wajyajtiy uyariwanqanku. Uj t'aqalla kanqanku, uj k'ata michejniyojtaj.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Salmos 107:3

pikunatachus Señorqa tantarqa tukuy nacionesmanta, inti llojsimuymanta, inti yaykuynejmantapis, ura ladomanta, pata ladomantawan.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

Isaías 41:9

Qantaqa jallp'aj tukukuyninmantapacha pusamorqayki, karu jallp'api kashajtiyki wajyamorqayki, nerqaykitaj: Qanqa noqaj kamachiy kanki. Noqaqa ajllakorqayki manataj qhesacharqaykichu, nispa.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 49:18

Umaykita oqharispa muyuyniykita qhawariy; runasniyki tukuynejmanta tantaykukuspa jamusunku. Señorqa nin: Noqa kausayniyrayku nini. Chay tukuyninkuwan qanqa novia p'achaswan jina sumajta p'achallikunki, chaykunawantaj sumaj k'achanchasqa kanki.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Isaías 54:7

Noqaqa pisi p'unchaykunasllata saqerparerqayki, chaywampis jatun khuyakuyniywan jap'ikapullasqaykitaj.

Isaías 61:9

Israelitaspa mirayninkoqa tukuy nacionespa chaupimpi rejsisqas kanqanku, llajtas chaupipitaj paykunaj mirayninku. Tukuy chayta rikojkunaqa nenqanku: Kaykunaqa Señorpa allimpi qhawasqasnin kanku.

Jeremías 23:8

Manachayqa juranqanku: Señorpa kausayninrayku pichus orqhomorqa wichaynej jallp'asmanta, chay tukuynin waj jallp'asmantapis ch'eqerasqas kasharqanku chaymanta, nispa. Kikin jallp'ankupitaj kausanqanku.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 42:11

Babiloniamanta reyta ama manchachikuychejchu, mayqentachus mayta manchachikunkichej chayta. Ama paytaqa manchachikuychejchu, imaraykuchus noqa qankunawan kashani salvanasuykichejpaj, kacharichisunaykichejpaj paypa atiyninmanta. Noqa Señor chayta nini.

Jeremías 51:46

Ama mancharikuychejchu, nitaj sustullikuychejchu, kay jallp'api tukuy laya ch'ajwaykunas kasqanmanta. Sapa wata uj jina uj jinataj ch'ajwaykunasqa kanqanku, chay jallp'api millay ñak'arichinakuykunas kasqanmanta, jinataj kamachejkunapura maqanakusqasninkumanta.

Joel 3:7

Kunanqa noqa paykunata orqhomusaj, maymanchus venderqankichej chaymanta. Qankunatañataj kikillantataj ñak'arichisqaykichej.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Jeremías 23:7

Señorqa nin: P'unchaykuna chayamonqanku, maypachachus manaña juranqankuchu, chay israelitasta Egiptomanta orqhomorqa Señorpa kausayninrayku, nispa.