Isaías 43:4 - Qheshwa Biblia DC

⁴ Noqaj rikuyniypi may k'acha, allintaj kanki. Chayrayku munakuyki. Qanrayku waj runasta qosaj. Kausayniykimanta waj nacionesta rikuchisaj.

DIOSPA QHELQACHISQAN DEUTEROCANONICAL

⁴ Noqapaj may k'acha kanki, may allinpaj qhawayki, chantá munakuykitaj. Chayrayku kacharichisunaypaj waj runakunata, waj suyukunata ima pagota jina qosaj.

DIOSPA QHELQACHISQ

⁴ Noqapaj may k'acha kanki, may allinpaj qhawayki, chantá munakuykitaj. Chayrayku kacharichisunaypaj waj runakunata, waj suyukunata ima pagota jina qosaj.

Isaías 43:4 Referans Kwoze

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Jeremías 31:3

Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

San Juan 16:27

Kikin Dios Tata munakusunkichej, qankuna noqata munakuwasqaykichejrayku, creenkichejtaj Dios Tatamanta jamusqayta.

Oseas 11:1

Maypachachus Israel ayllu wawallaraj kashajtin, munakoj kani payta, waway kasqanrayku, chayrayku Egiptomanta wajyakaporqani.

Malaquías 3:17

Tukuy Atiyniyoj Señorqa nin: Noqa wakichishani uj p'unchayta, mayqempichus paykuna watejmanta aylluy kanqanku. Imaynatachus uj tataqa payta sirvej wawanta khuyakun, ajinata noqapis paykunata khuyakusaj.

Salmos 135:4

Pay Jacobta ajllakorqa, Israelta, qhapaj kapuynin kanampaj.

Deuteronomio 26:18

Señorpis kunanqa nillantaj, qankunalla paypa ayllun kasqaykichejta nisusqaykichejman jina, nisqasninta junt'anaykichejta.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

Malaquías 1:2

Señorqa nin: Noqa qankunata munakuykichej. Qankunataj niwankichej: Imaynapi yachayku qan munakuwasqaykuta?, nispa. Chanta Señor kutichin: Esaoqa Jacobpa wauqen karqa; noqa Jacobta munakorqani, Esautataj chejnerqani. Esaupata llajtan ashkha orqosniyoj karqa, chayta ch'in lomasman tukucherqani. Jallp'asnintarí, campo animalesllapaj allin kanampaj tukucherqani.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

San Juan 5:44

Imaynatataj creeyta atiwajchej, qankunapuralla jatumpi qhawanakushaspa, manachu mask'ankichej uj k'ata Diosmanta jatumpi qhawasqa kaytaqa?

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Salmos 112:9

Wajchasman kapuyninmanta qorin, k'acha kaynenqa kallampuni. Mana p'enqakuspa umanta oqharin.

Isaías 49:5

Kunanqa Señor nin, pichus mamaypa wijsanmantapacha kamachimpaj ajllakuwarqa chay, Jacobpa ayllunta payman kutirichinaypaj, paywan ujlla kanankupaj. Noqaqa Señorniypa ñaupaqempi allimpaj qhawasqa kasaj, Diosnillaytaj kallpaypis kanqa.

Deuteronomio 4:37

Payqa ñaupa tatasniykichejta munakorqa, wawasninkutataj ajllarqa. Pay kikimpuni paykunata Egiptomanta jatun atiyninwan orqhomorqa.