Isaías 43:1 - Qheshwa Biblia DC

¹ Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

DIOSPA QHELQACHISQAN DEUTEROCANONICAL

¹ Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

DIOSPA QHELQACHISQ

¹ Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Isaías 43:1 Referans Kwoze

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Isaías 43:21

Kay israelitastaqa noqapaj ruwakorqani, paykuntaj noqata yupaychawaspa takenqanku.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Jeremías 50:34

Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

Éxodo 33:17

Chaymanta Señorqa Moisesman nerqa: Kay tukuy imasta niwasqaykitaqa ruwasaj, qan noqapi khuyakuyta tarisqaykirayku, noqa qantaqa allintapuni rejsiyki.

Malaquías 3:17

Tukuy Atiyniyoj Señorqa nin: Noqa wakichishani uj p'unchayta, mayqempichus paykuna watejmanta aylluy kanqanku. Imaynatachus uj tataqa payta sirvej wawanta khuyakun, ajinata noqapis paykunata khuyakusaj.

Hechos 27:25

Chayrayku, wiraqochis, sonqochakuychej. Noqa creeni Diospa niwasqan junt'akunanta.

Jeremías 31:3

Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

Génesis 32:28

Chanta chay qhareqa nerqa: Kunanmanta manaña Jacobchu sutiyki kanqa. Kaymanta qhepaman Israel kanqa sutiykeqa; imaraykuchus Dioswan maqanakunki, runaswan ima, atipankitaj.

Salmos 102:18

Kayqa qelqasqa qhepakuchun, qhepa runas yachanankupaj, qhepata nacekojkunapis Señorta yupaychanankupaj.

Deuteronomio 32:9

Señorqa chayaqenta kikin ayllullantataj ajllakorqa, Jacobpa miraynin kajkunata.

Isaías 49:1

Mar qocha cantopi kaj llajtas, karupi kaj naciones uyariwaychej: Manaraj naceshajtiy Señorqa wajyawarqa, mamaypa wijsampi kashajtillayraj payqa sutichawarqa.

Isaías 62:12

Nisonqachejtaj ajllasqa runas, Señorpa orqhomusqasnin, nispa. Jerusalentataj nenqa: May munasqa llajta, mana saqerpayasqataj, nispa.

Isaías 48:17

Israelpa Santo Diosnin, salvajniyki Señorqa ajinata nin: Noqa Señor Diosniyki kani; noqa yachachiyki imachus qampaj allin kasqanta. Noqa may ñantachus rinaykita rikuchiyki.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Éxodo 15:13

Khuyakuspa, munakuyniykiwan kay salvasqayki israelitasta pusashanki. Atiyniykiwan pusashanki llimphu k'achitu wasiykiman.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Hechos 27:20

Ashkha p'unchaykunataña karqayku mana intita rikuspa, nitaj qoyllurkunatapis; sinch'itataj paramusharqa, wayramusharqataj. Noqaykutaj yuyarqayku manaña kausayta.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Isaías 27:11

Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Isaías 45:11

Israelitasta Ruwaj Señor Santo Diosqa kay jinata nin: Kunanqa tapuriway qhepaman imachus jamunan kashan chaymanta, wawasniy imatachus ruwanankumanta kamachiway, makisniywan imastachus ruwasqasniymantawan.

Isaías 49:26

Chay ñak'arichisojkunaman kikin aychallankutataj mikhuchisaj; yawarnillankuwantaj vinowan jina machachisaj. Ajinamanta tukuy runas yachanqanku noqa Señor Salvadorniyki kasqayta, Jacobta kallpachaj salvajniyki kasqaytataj.

Isaías 51:13

Ruwasojniyki Señortaqa qonqapunkiñachu, janaj pachata qhatatajmanta, jallp'atapis sumajta sayachejmanta? Qanqa tukuy p'unchaynintin manchachikuspallapuni kanki, pichus llakichisuspa, phiñakuspataj chinkachisuyta munarqa chaymanta. Kunan maytaj chay jinata llakichisuspa purej runaj phiñakuyninri?

Lamentaciones 3:57

Qhaparikamushasojtiy qanqa qayllaykamuwaspa niwarqanki: Ama manchachikuychu, nispa.