Isaías 42:16 - Qheshwa Biblia DC

¹⁶ Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

DIOSPA QHELQACHISQAN DEUTEROCANONICAL

¹⁶ Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

DIOSPA QHELQACHISQ

¹⁶ Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 42:16 Referans Kwoze

Isaías 30:21

Chantaqa wasaykipi kay palabrasta nishajta uyarinki: Kaymin cheqan ñanqa; chayninta riy, ama pantaychu pañaman, nitaj lloq'emampis.

San Lucas 3:5

Tukuy wayq'o junt'asqa kanqa; pampachakonqataj tukuy orqo, tukuy moqo; wist'u ñankuna cheqanchasqas kanqa; rumirara ñankunapis pampachasqas.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 40:4

Chay tukuy meq'asninman junt'achiychej. Tukuy orqosninta moqosninta pampachaychej. Wist'u kajtaqa cheqanyachiychej. Moqo moqolla kajtapis khuskachaychej.

Efesios 5:8

Ñaupajtaqa laqhapi karqankichej, kunanrí Señorpi k'anchay kankichej. Puriychejtaj k'anchaypa wawasnin jina.

Isaías 32:3

Rikojkunaj ñawisnenqa mana chharpuyanqachu, uyarejkunaj ningrisninkupis sumajta uyarenqanku.

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

Isaías 29:18

Chaypacha libromanta leesqa palabrasta joq'aras uyarenqanku, ciegospis laqha ukhupi kaspa sut'ita rikonqanku.

Salmos 94:14

Señorqa mana ayllunta saqenqachu, nitaj wawasnintapis qonqanqachu.

Isaías 48:17

Israelpa Santo Diosnin, salvajniyki Señorqa ajinata nin: Noqa Señor Diosniyki kani; noqa yachachiyki imachus qampaj allin kasqanta. Noqa may ñantachus rinaykita rikuchiyki.

Isaías 45:2

Noqa qampa ñaupaqeykita risaj, moqo moqosta khuskachasaj; broncemanta ruwasqa punkusta t'unarasaj, fierro barretastapis p'akirasaj.

Isaías 35:5

Chaypacha ciegospis rikonqanku, lojt'ospis uyarenqanku.

Oseas 2:14

Chayrayku munakuyta qallarisaj, ch'in pampamantaj pusaspa chaypi sonqonman parlamusaj.

Oseas 2:6

Chayraykumin, ñankunasninta khishkawan jark'aykuchisaj tukuy muyuynintimpi purinasninta mana tarinampaj jina.

Isaías 29:24

Pantasqa yuyayniyojkunaqa, yachayniyojman tukonqanku. Thutojkunapis Diosmanta yachaqakonqanku.

Josué 3:4

Ajinapi yachankichej maynintachus rinaykichejta; qankunaqa mana jayk'ajpis chay ñantaqa purerqankichejchu. Chaywampis ama chay cajonmanqa anchata qayllankichejchu, uj kilometrota jinalla qhepanta rinkichej, nispa.

Ezequiel 14:23

Kusikunkichej paykunaj puriyninkuta ruwasqasninkuwan rikuspa. Chaypacha yachankichej imajtinchus Jerusalempi chay tukuy imasta ruwasqayta. Noqa Señor kaytaqa nini.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Isaías 41:3

Payqa, paykunata qhatiykun, ñantataj mana ima nisqalla pasarparin, manapis chakisninta ñanman chayachinmanchu karqa jina.

Eclesiastés 7:13

Diospa ruwasqasninta allinta qhawariy: Diospa wist'uyachisqantaqa pitaj cheqanyachinmanri?

Eclesiastés 1:15

Imachus wist'u kajqa manaña cheqanchakuyta atinchu. Imachus mana tukuynin kajqa manaña yupakuyta atinchu.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Isaías 26:7

Cheqan runaj ñannenqa cheqampuni; allinta ruwaj kaj runaj ñannintaqa qanlla allinyachinki.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 41:17

Wajcha runas, mana imayoj kajkunaqa yakuta mask'anku, manataj tarinkuchu. Yaku ch'akiywan siminkupis pharallaña kashan. Noqa Señortaj paykunata uyarisaj. Noqa Israelpa Diosnin, paykunataqa mana saqerpayasajchu.

Isaías 45:7

Noqa ruwani k'anchayta, laqhayayta. Noqallataj ruwani sonqo tiyakuyta, llakiytapis. Noqa Señorlla chay tukuy imastaqa ruwani.

Isaías 52:12

Ama usqhay usqhaytaqa llojsinkichejchu, ama ayqekoj jinaqa rinkichejchu; imaraykuchus Señormin ñaupaqeykichejtaqa renqa, Israelpa Diosnin ujtawan tantaykapusonqachej.

Isaías 58:10

Sichus yarqhasqasman mikhuchinki, ñak'arichisqa runamanchus mikhuchinki chayqa, laqhayajpipis k'anchayniykeqa k'ancharenqa, laqhayayniykeqa chaupi p'unchayman jina tukonqa.

Isaías 62:12

Nisonqachejtaj ajllasqa runas, Señorpa orqhomusqasnin, nispa. Jerusalentataj nenqa: May munasqa llajta, mana saqerpayasqataj, nispa.

Amós 5:8

Señormin chay chhika ashkha qoyllurkunata ruwajqa, tutatapis p'unchayman tukuchin, p'unchaytapis laqhaman tukuchin; Pay mar qochamanta yakutapis wajyaspa jallp'a pataman parachimun; Paymin jatuchaj perqasta urmachin, raqaymantaj tukuchin. Paypa sutenqa Señormin.