Isaías 41:2 - Qheshwa Biblia DC

² Pitaj inti llojsimuynejmanta rijch'arichimorqa sapa thaskiypi atipaj reytari? Pitaj payman nacionesta jaywarqa, reyestataj kamachicherqari? Ajinamanta espadanwan flechanwan ima ñut'uta ruwanampaj, ch'aki laqhesta jinataj, wayrawan apachinampajri?

DIOSPA QHELQACHISQAN DEUTEROCANONICAL

² Pitaj inti llojsimuynejmanta atipaj kuraj kamachejta jataricherqari? Pitaj tukuy suyuta payman jaywaykun, ñawpaqenpitaj kuraj kamachejkunata k'umuykuchinri? Ajinamanta espadanwan ñut'u jallp'aman jina paykunata tukuchin, flechanwantaj wayraj apasqan ch'aki pajaman jina tukuchillantaj.

DIOSPA QHELQACHISQ

² Pitaj inti llojsimuynejmanta atipaj kuraj kamachejta jataricherqari? Pitaj tukuy suyuta payman jaywaykun, ñawpaqenpitaj kuraj kamachejkunata k'umuykuchinri? Ajinamanta espadanwan ñut'u jallp'aman jina paykunata tukuchin, flechanwantaj wayraj apasqan ch'aki pajaman jina tukuchillantaj.

Isaías 41:2 Referans Kwoze

Isaías 45:1

Ajinata ajllasqa Ciroman Señorqa nin: Noqa qanqa paña makiykimanta jap'erqayki, ñaupaqeykipi nacioneswan kasuchikunaykipaj, tukuy reyesta munayniykipi apaykachanaykipaj. Ñaupaqeykipi punkusta kicharerqani, manataj saqerqanichu punkus wisq'akunanta.

2 Samuel 22:43

Ñut'u jallp'ata jina kutarqani! Sarurarqani ñan patapi t'uruta jina!

Isaías 46:11

Inti llojsimunanmantapacha aycha mikhoj p'isqosta wajyani; karu jallp'amantapacha uj runatapis wajyani pipichus yuyasqayta. Imatachus nisqayta noqaqa chayachimunay tiyan. Imatachus yuyasqaytapis ruwanaypuni tiyan.

Isaías 41:25

Patanejpi uj runata rikhurichini, payqa inti llojsimuymanta jamuspa sutiyta oqharin; kamachejkunataqa t'uruta jina saronqa, imaynatachus manka ruwajqa t'uruta sarun, ajinata.

Isaías 40:24

Paykunaqa chaypachallaraj plantasqa sach'aman rijch'akunku, manaraj allinta saphinchakojman. Paykunaman sinch'ita Dios wayrachimojtenqa ch'akipunkupacha, muyu wayrapis jamuytawan q'opata jina apakapun.

Esdras 1:2

Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

Isaías 45:13

Noqa rijch'arichini Cirotaqa cheqanta ruwaspa atipanampaj, may ñantachus purinasninta cheqanchapusaj; paymin llajtaytaqa watejmanta ruwapuwanqa, karuman apasqa kashanku chaykunatapis kacharichipuwanqa, mana qolqeraykuchu, nitaj imata munasqanraykuchu. Ajinata nin Tukuy Atiyniyoj Señorqa.

2 Crónicas 36:23

Persiamanta rey Ciroqa kay jinata nin: Janaj pachamanta Dios makisniyman churamun kay jallp'a patapi kaj tukuy reinosta, kamachiwantaj Jerusalempi Diosta yupaychana wasita ruwapunayta, chaytaj Judá jallp'api kashan. Ajinaqa mayqennillaykichejpis, Señorpa ayllunmanta kajkunataqa, Señor Diosniykichej yanapachun, jaqaymantaj richun.

Hebreos 7:1

Kay Melquisedecqa, Salem llajtaj reynin, jatun Diospa sacerdoten karqa; pichus Abrahamta taripaj llojserqa, reyesta atipasqanmanta kutimushajtin, paytataj yanaparqa.

2 Reyes 13:7

Joacazpata manaña ashkhachu runas karqa, imaraykuchus Siriamanta rey Hazael tukuyninkutapuni wañuykucherqa, pampapitaj jallp'ata jina saruykorqa. Paypataqa tiyaporqaraj phishqa chunka soldados caballospi rejkuna, chunka carretas, chunka waranqa soldadospiwan.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 11:31

Tareqa caldeospa jallp'an Urmanta llojsiporqa, Canaán jallp'aman rinampaj, pusariykukuspa Abram wawanta, allchhin Lotta, ñojch'an Saraitawan. Rispataj Harán jallp'aman chayarqanku, chantaqa kikimpitaj tiyakorqanku.

Apocalipsis 7:2

Rikullarqanitaj waj angelta inti llojsimuynejmanta wicharimojta, kausaj Diospa sellon oqharisqata. Qhaparerqataj sinch'ita chay tawa angelesta, paykunamantaj atiy qosqa karqa, mar qochata, jallp'atawan nanachinankupaj.

Apocalipsis 16:12

Sojta kaj angeltaj Eufrates jatun mayuman copanmanta jich'aykorqa, yakuntaj ch'akiporqa, inti llojsimuynejmanta reyespaj ñan wakichisqa kanampaj.

Isaías 41:3

Payqa, paykunata qhatiykun, ñantataj mana ima nisqalla pasarparin, manapis chakisninta ñanman chayachinmanchu karqa jina.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Isaías 48:15

Noqa kani parlaj, wajyaj, kaymantaj pusamoj; chayrayku maykunastachus purisqasnimpeqa allimpuni renqa.

Lamentaciones 1:15

Señorqa sumachaj kallpayoj jark'akuwaj runasniyta qhesacharparin; ashkha soldadoswantaj kachaykamuwan, kallpayoj runasniyta wañurachinankupaj. Señorqa uvastapis sarushanman jina, Judaj llimphu ususinta sarurparin.