Isaías 4:3 - Qheshwa Biblia DC

³ Pikunachus Siompi qhepakojkuna, chantá Jerusalempi saqesqas kajkunapis, Diospa ajllasqas sutichasqas kanqanku, imaraykuchus Señormin Jerusalempi kausanankupaj sutisninkuta qelqarqa.

DIOSPA QHELQACHISQAN DEUTEROCANONICAL

³ Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

DIOSPA QHELQACHISQ

³ Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

Isaías 4:3 Referans Kwoze

San Lucas 10:20

Chaywampis, ama kusikuychejchu supaykuna kasusojtiykichej, astawanqa kusikuychej janaj pachapi sutiykichej escribisqa kasqanmanta.

Apocalipsis 21:27

Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Salmos 69:28

Kausay libromanta chinkachiy. Ama cheqan sonqo kajkunatawanqa qelqaykuychu.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Apocalipsis 3:5

Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Romanos 11:5

Ajinallatataj kay p'unchaykunapipis israelitasmanta pisi runaslla puchunku, Diospa khuyakuyninman jina ajllasqas.

Ezequiel 43:12

Diosta yupaychana wasej leynenqa kay jinamin: Diosta yupaychana wasej muyuynimpi loma patapi tukuy jallp'aqa ajllakusqay cheqa kanqa.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Hechos 13:48

Chayta uyarispataj, waj llajtayoj runasqa, kusikuspa Señorpa palabranta jatuncharqanku. Wiñay kausaypaj kajkunaqa Señorpi creerqanku.

Ezequiel 13:9

Makiyta oqharisaj, ch'auka rikuyniyoj profetaspaj, chantá llullastataj sut'inchanku, chay profetasta jasut'inaypaj. Israel aylluypa tantakuyninman mana yaykuyta atenqankuchu. Sutisninkoqa mana qelqasqachu Israel aylloj librompi. Mana Israelpa jallp'anman yaykonqankuchu. Chaypacha rejsiwanqanku noqa Señor kasqayta.

Isaías 1:27

Cheqan kaywan Sión llajtata kacharichisaj, jinallataj chaypi tiyakojkunata, jinallataj noqaman kutirikamojkunatapis.

Romanos 11:4

Chantá, Dios ima nintajri? Qanchis waranqa runasta t'aqakuni. Paykunaqa lantisman Baalpa ñaupaqenman mana qonqorikorqankuchu.

Salmos 87:6

Señorqa libropi qelqan. Chaypi churasqa kashan llajtaspa sutisnin. Kay chaymanta llojsin, nispa.

Isaías 28:5

Chaypacha Tukuy Atiyniyoj Señorqa, puchoj ayllun israelitaspaj may sumaj lliphipishaj k'achanchasqa pillu jina kanqa.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 46:3

Uyariwaychej Jacobpa miraynin, tukuy israelitasmanta puchojkuna ima. Manaraj naceshajtiykichej noqa qankunataqa apamorqaykichej. Mamaykichej wijsanmantapacha sumaj apaykachasqas karqankichej.

Isaías 62:12

Nisonqachejtaj ajllasqa runas, Señorpa orqhomusqasnin, nispa. Jerusalentataj nenqa: May munasqa llajta, mana saqerpayasqataj, nispa.

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Malaquías 3:16

[Chaypacha Diosta honrajkuna parlanakorqanku, chaytataj Señorqa sumajta uyarerqa, imatachus nisqankuta. Señorpa ñaupaqempi uj libro qelqakorqa. Payta honrajkuna, paypa sutinta yuyarikojkunataj chay libroman jina yuyarisqas karqanku.]

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Zacarías 14:2

Chay p'unchaypi Señor tantaykamonqa tukuy nacionesta Jerusalenwan maqanakunankupaj, wasisninkumanta orqhoraspa llajtantinta jap'ikaponqanku, warmisninkutapis mana munashajta qhenchachanqanku, chaypi tiyakojkunamanta khuskantapuni orqhospa waj llajtasman aparanqanku presosta jina. Chay puchojkunalla chaypi qhepakonqanku.