Isaías 4:2 - Qheshwa Biblia DC

² Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

DIOSPA QHELQACHISQAN DEUTEROCANONICAL

² Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

DIOSPA QHELQACHISQ

² Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 4:2 Referans Kwoze

Zacarías 6:12

Niytaj: Tukuy Atiyniyoj Señor nillantaj, chay wiñashan nisqa qhareqa kikin saphisninmanta p'utumunanta, Señorpa yupaychana wasintataj jatarichinanta.

Jeremías 23:5

Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

Zacarías 3:8

Allinta uyariy jatun sacerdote Josué, qanwan kajkuna chay sacerdotespis uyarillachunkutaj. Qankuna churasqas jina kankichej chayta qhepaman yachanankupaj,. Noqataj apamusaj kamachiyta Wiñashan nisqata.

Isaías 27:6

Qhepa p'unchaykunaman Jacobqa sumajta saphinchakonqa, ajinamanta Israelqa ch'illchispa t'ikanqa, chay poqoynintaj mundontinman junt'aykonqa.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Jeremías 33:15

Chay p'unchay chayamojtin, Davidpa mirayninmanta uj cheqanta ruwajta sayarichisaj, chaytaj cheqanchanqa, cheqantataj ruwanqa kay jallp'api.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Jeremías 44:14

Puchoj judíos, Egiptoman tiyakoj ripojkunamanta mana ujllapis ayqeyta atenqankuchu Judaman mayta kutipuyta munashaspapis. Jinamanta manapuni tiyakapoj kutiponqankuchu, manachayqa pisislla chay ayqekojkunamanta kutenqanku.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 53:2

Chay runaqa Señorpa ñaupaqempi uj ch'illchisqa sach'a jina wiñarqa, uj ch'aki jallp'api saphi jina. Mana k'achituchu karqa payta qhawananchejpajqa, nitaj k'acha uyayojchu karqa payta munakunanchejpajqa.

Salmos 72:16

Naciompeqa ashkha trigo kachun, orqo puntaspipis ashkha kachun. Grano p'utumuchun Libanopi sach'as jina, trigoj poqoynintaj campo qhora jina kachun.

2 Pedro 1:16

Señorninchej Jesucristoj atiyninmanta, jamuyninmantawan qankunaman yachacherqayku chay imasqa, mana wakichisqa, nitaj qhasi mana kaj parlaywanchu, astawanqa, noqaykupuni paypa jatun k'anchayninta rikorqayku.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Lucas 21:36

Qhawarikuychej ari, Diosmanta mañarikuspa tukuy tiempopi, kay tukuy ima jamojmanta ayqenaykichejpaj; allimpi rikhurinaykichejpajtaj Runaj Churimpa ñaupaqempi.

San Mateo 24:22

Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.

Zacarías 9:17

May walej, may k'achitupunitaj kanqa chay jallp'ankoqa! May chhika trigo poqojtin, vinopis ch'irwakojtenqa; wayna wawasninchej sipaskunasninchejpis k'achitus wiñarenqanku.

Joel 3:18

Chay p'unchaypi vinowan lechewanqa, orqospi, lomaspiwan ima, yakus jinapuni correnqanku. Judá llajtapitaj tukuynin juch'uy mayuspis, ashkha yakusniyoj kanqanku. Temploymantarí yaku juturi kichakonqa, chaywantaj Sitim Valle qarpakonqa.

Ezequiel 7:16

Tukuy atipajkunataj lomas pataman mancharisqa palomas jina ayqenqanku, chay tukuywampis juchankuraykoqa wañonqankupuni.

Jeremías 44:28

Pisislla wañuymanta puchojkunaqa kanqanku Egiptomanta, Judá ayllumanta kajkuna kutimpojkunaqa. Ajinaqa tukuy Judapi qhepakojkunaqa, jinataj Egiptoman tiyakoj ripojkunaqa ima palabraschus junt'akusqanta rikonqanku paykunajtachus, chayri noqajtachus.

Isaías 45:8

Cielo, qanqa patamanta ch'ajchumuy, phuyus, qankunapis cheqanchayta parachimuychej; chaytataj jallp'aqa jap'enqa, chaywantaj jallp'aqa salvacionta cheqanchaytapis poqochun. Kay imastaqa noqa Señor ruwachini.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Isaías 11:4

Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

Salmos 67:6

Jallp'aqa poqoyninta qorqa. Diosninchejtaj bendiciwarqanchej.

Éxodo 28:2

Wauqeyki Aarompaj sacerdote p'achasninta ruwapuy, k'achata sumajtataj qhawasqa kanampaj.

Isaías 26:1

Chay p'unchaypi kay takiyta Judá jallp'api takenqanku: Kunanqa sumaj jark'achisqa llajta tiyapuwayku; chaypi pakakunaykupaj iskay perqaswan muyuykucherqa.

Isaías 60:15

Qanqa chay jina wijch'usqa chejnisqataj karqanki, qan chaynejta mana pipis pasayllatapis munajchu. Kunanqa sumajyachisqayki tukuy kusikunankupaj.

Isaías 61:11

Imaynatachus jallp'aqa plantasta wiñachin, jinallataj uj huertapis ima yurastapis mujuchin, ajinata Señorqa cheqan kajta rikhurichimonqa. Jinallataj Señorta yupaychanqanku tukuy nacionespis.

Ezequiel 34:29

Tukuymanta aswan sumajta poqoj chajrasta churapusaj, manataj ujtawan yarqhaywan chay jallp'apeqa tukukonqankuchu, nitaj waj llajtayojkunapis paykunataqa astawan asipayanqankuchu.

Ezequiel 36:8

Qankunataj, Israelpa orqosnin, sumaj sach'asta wicharichinkichej, Israel ayllupajtaj sumajta poqochipunkichej, imaraykuchus aylluypa kutimpunan p'unchayqa qayllamushanña.

Malaquías 3:17

Tukuy Atiyniyoj Señorqa nin: Noqa wakichishani uj p'unchayta, mayqempichus paykuna watejmanta aylluy kanqanku. Imaynatachus uj tataqa payta sirvej wawanta khuyakun, ajinata noqapis paykunata khuyakusaj.