Isaías 34:8 - Qheshwa Biblia DC

⁸ Chay p'unchaypi Señorqa Sionta ñak'arichisqankumanta pagachikonqa.

DIOSPA QHELQACHISQAN DEUTEROCANONICAL

⁸ Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

DIOSPA QHELQACHISQ

⁸ Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

Isaías 34:8 Referans Kwoze

Isaías 63:4

Mayk'ajchus ayni kutichinayqa sonqoypiña karqa, t'ustita ruwanay p'unchayqa chayamun.

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

Salmos 94:1

Señor Dios, vengakoj Dios kasqaykita rejsichikuy.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

Miqueas 6:1

Kunan uyariychej qankuna Señorpa nisqanta: Sayarikuy, rikuchiytaj chay phiñanakusqaykita montespa ñaupaqempi, orqospis uyarichunku parlasqaykita!

Isaías 49:26

Chay ñak'arichisojkunaman kikin aychallankutataj mikhuchisaj; yawarnillankuwantaj vinowan jina machachisaj. Ajinamanta tukuy runas yachanqanku noqa Señor Salvadorniyki kasqayta, Jacobta kallpachaj salvajniyki kasqaytataj.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Apocalipsis 14:11

Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 47:3

Tukuy ukhuykipis q'alalla rikukonqa, p'enqayniykipis sut'ipacha kanqa, chaypacha aynita kutichisqayki. Mana pi runapis jark'awanqachu.

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Joel 3:4

Qankunarí, imata munankichej noqawanri, Tiropi tiyakoj runas, Sidompi tiyakoj runas, jinataj Filisteapi tiyakoj runaspis? Vengakuytachu munankichej noqawan? Munashankichejchu imallatapis qosunaykichejta? Pisimantawan qopusqaykichej imachus qankunapaj atikusqanta, purisqaykichejman jina!

Isaías 13:9

Señorpa p'unchaynenqa manchaytapuni jamushan, manchay llakiy p'unchay, k'ajaj phiñakuywan k'ajarishaj, jallp'ata ch'impachata saqenampaj, juchasapastapis chinkachinampaj.