Isaías 34:6 - Qheshwa Biblia DC

⁶ Señorpa espadanqa sumaj yawarchasqa, wiranchasqataj kashan, imaynatachus ovejasta, cabrastapis rikuchikuspaj wañuchinku ajinata. Señorqa uywa wañuchisqa jaywakuta Bosra llajtapi ruwanqa, jinamanta ruwanqa uj jatun ñak'arakuta Edom llajtapi.

DIOSPA QHELQACHISQAN DEUTEROCANONICAL

⁶ Tata Diospa espadanqa sumaj yawarchasqa, wirawan qhoshqorishajtaj kashan. Chayqa ovejakunaj, cabrakunajpata yawarninku, chay wirataj carnerokunaj lurunninpa wiran. Tata Diosqa uywa ñak'asqa jaywanakunata Bosra llajtapi ruwan, Edom suyupitaj may chhika runakunata wañurachin.

DIOSPA QHELQACHISQ

⁶ Tata Diospa espadanqa sumaj yawarchasqa, wirawan qhoshqorishajtaj kashan. Chayqa ovejakunaj, cabrakunajpata yawarninku, chay wirataj carnerokunaj lurunninpa wiran. Tata Diosqa uywa ñak'asqa jaywanakunata Bosra llajtapi ruwan, Edom suyupitaj may chhika runakunata wañurachin.

Isaías 34:6 Referans Kwoze

Isaías 63:1

Pitaj kay puka p'achayoj Edonmanta, Bosramanta jamushanri? Pitaj kayri, atiyniyoj jina puka p'achata churakojri? Noqa kani, cheqan kajta willaspa atiywan salvanaypaj.

Jeremías 49:13

Noqa Señor sutiyrayku juraykichej: Bosra llajtaqa ch'impacha qhepakonqa, wajkuna manchachikunankupaj k'umuykachachisqa, jinataj maldicisqa kanqa. Chay waj llajtastaj wiñaypaj raqaykunasllaña qhepakonqanku.

Sofonías 1:7

Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!

Jeremías 51:40

Chaymantaqa ñak'ana wasiman qhatisaj, imaynatachus apanku corderosta, chivosta, mochostapis apanku ajinata.

Jeremías 50:27

Tukuy soldadosninta wañuchiychej, wañuchina cheqaman apaychej. Paykunapajqa uj llakiy, p'unchayninku chayamun jasut'ichikunanku rato.

Isaías 63:3

Arí, noqalla uvas ch'irwanapeqa saruni. Mana pipis noqawan llajtaymanta saroj karqachu. Arí, phiñakuyniywan sarorqani, may phiñakuyniy paykunata taripan. Chayrayku chaypi yawarninku p'achayman ch'allpaykamuwan, ajinamanta tukuy p'achay pukachasqa.

Isaías 34:5

Janaj pachapi Señorpa espadanqa wakichisqa kashan. Chaytaj Edom llajtaman uraykamonqa, wañunampaj juchachasqa llajtaman.

Deuteronomio 32:14

Uywasninkoqa qorqanku llujlluta, lechetawan. Wiran kaj ovejasta mikhorqanku, Basanmanta wiran kaj ovejasta, cabrastawan. Sumajnin kaj poqosqa trigota mikhorqanku. Sumaj uvasmanta vinota ujyarqanku.

Ezequiel 21:10

Wañurachinapaj afilasqaña kashan, llusq'ochasqataj kashan k'ancharinampaj. Kusikusunchejchu? Wawaypa tojnunta qhesacharqa mana kaj k'aspillapis kanman jinata.

Deuteronomio 32:41

Sumaj lliphipishaj espadayta filoyachejtiytaj, cheqanchaytataj qallarejtiy, chaypacha enemigosniyman aynita kutichipusaj. Chejniwajkunaman ruwasqankuman jina qopusaj.

2 Samuel 1:22

Ni jayk'aj Saulwan Jonatanwanqa kutipojchu kanku espadankuta nitaj wach'inasninkutapis chay wapu maqanakojkunaspa yawarninman chayri wirasninkumampis mana chhapuspaqa.

1 Crónicas 1:44

Bela wañupojtintaj, cuentanmanta kamacherqa Zeraj wawan Jobab. Payqa Bosra llajtamanta karqa.

Salmos 137:7

Señor edomitasmanta yuyarikuy. Paykunaqa Jerusalén urmashajtin nerqanku: Thuñiychej thuñiychej cimientosninkama.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Jeremías 12:12

Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

Jeremías 25:34

Qhapariychej, michejkuna, nanaywan qhapariychej! Qankuna aylluyta pusankichej chaykuna, pampapi sunt'iraychej! Imaraykuchus wañuchinanku rato chayamunña, qankunatatajri wañuchisonqachej wira ovejata jina.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Jeremías 49:7

Tukuy Atiyniyoj Señormanta willay, Edóm runas imaynachus kanankumanta. Manañachu Temán llajtapi yachayqa tiyan? Manañachu yachanku chay sumaj yachayniyoj runas imastachus ruwanankutaqa? Yachayninkoqa tukukapunchu?

Ezequiel 35:8

Orqosniyki, lomasniyki, vallesniyki, wayq'osniyki ima ch'ajwapi espadawan wañurachisqaswan junt'a kanqanku.

Ezequiel 35:15

Israelpa chayaqen t'unaykusqa rikhurejtin qan kusikorqanki, chay kikillantataj qanta ruwasqayki: Seir jatun orqo thuñisqa kanki, ch'in pampaman tukuchisqataj, tukuynin Edom llajtantin. Chaypacha noqa Señor kasqayta yachanki.

Amós 1:11

Ajinata nin Señorqa: Edonmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa makinkupi espada oqharisqa hermanosninku israelitasta mana khuyakuspa qhatiykacharqanku. Paykunaqa phiñakuspa munayninkuta ruwarqanku, phiñakuyninkoqa mana thasnukoj karqa.

Isaías 29:2

Chaymanta Arielta llakiypi rikhurichisaj. Chaypi llakiy waqay kanqa. Chay llajtaqa noqapajqa Ariel jinapuni kanqa.