Isaías 34:5 - Qheshwa Biblia DC

⁵ Janaj pachapi Señorpa espadanqa wakichisqa kashan. Chaytaj Edom llajtaman uraykamonqa, wañunampaj juchachasqa llajtaman.

DIOSPA QHELQACHISQAN DEUTEROCANONICAL

⁵ Janaj pachapi Tata Diospa espadanqa wakichisqa kashan. Chaytaj Edom suyupi tiyakojkunaman urmamonqa, wañunankupaj juchachasqa runakunaman.

DIOSPA QHELQACHISQ

⁵ Janaj pachapi Tata Diospa espadanqa wakichisqa kashan. Chaytaj Edom suyupi tiyakojkunaman urmamonqa, wañunankupaj juchachasqa runakunaman.

Isaías 34:5 Referans Kwoze

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Malaquías 1:4

Esaojpa miraynin Edom llajtayojkunachus ninkuman: T'unasqas karqanchej, watejmanta llajtanchejta sayachinallataj nispa chayqa; Tukuy Atiyniyoj Señorqa paykunaman kutichinman: Watejmanta llajtankuta ruwakojtinkoqa, noqa ujtawan t'unallasajtaj. Jallp'ankumantataj nenqanku: Kay jallp'aqa sajra nisqa, runasninkumantataj nenqanku: Kay runaswanqa Señor wiñaypaj phiñasqa, nispa.

Isaías 63:1

Pitaj kay puka p'achayoj Edonmanta, Bosramanta jamushanri? Pitaj kayri, atiyniyoj jina puka p'achata churakojri? Noqa kani, cheqan kajta willaspa atiywan salvanaypaj.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

Sofonías 2:12

Ajinallataj qankunapis Etiopiamanta kajkuna, Señorpa espadanwan t'ojsisqas wañonqanku.

Jeremías 47:6

Ay, Señorpa espadan, mayk'ajkamallataj samarikunkiri? Jallch'anaykiman yaykupuy, amaña kuyukuspa kakuy.

Isaías 24:6

Chayrayku maldicionqa jallp'ata tukuchin, chaypi tiyakojkunapis jasut'ichikunku. Chaynejta jallp'a patapi tiyakojkunapis pisiyachisqas kanqanku. Jinamanta pisillaña qhepakonqanku.

Salmos 137:7

Señor edomitasmanta yuyarikuy. Paykunaqa Jerusalén urmashajtin nerqanku: Thuñiychej thuñiychej cimientosninkama.

Salmos 17:13

Jatarikuy Señor, paykunawan uyapuramuy, paykunata qonqorichispa k'umuykachachiy. Espadaykiwan chay sajra runamanta salvaway.

Deuteronomio 32:14

Uywasninkoqa qorqanku llujlluta, lechetawan. Wiran kaj ovejasta mikhorqanku, Basanmanta wiran kaj ovejasta, cabrastawan. Sumajnin kaj poqosqa trigota mikhorqanku. Sumaj uvasmanta vinota ujyarqanku.

Apocalipsis 1:16

Paña makimpitaj qanchis qoyllurkunata jap'isharqa; siminmantataj iskay filoyoj espada llojsimusharqa; uyantaj karqa inti sinch'ita lliphipishaj jina.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

Gálatas 3:10

Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

1 Corintios 16:22

Pichus Señor Jesucristota mana munakojqa, maldicisqa kachun. Señor jamushanña.

Isaías 43:28

Kamachejkunasniykichejqa santo wasiyta ch'ichicharqanku. Chayrayku noqaqa Jacobpa ayllun Israelta saqerqani, chinkachisqa, p'enqachisqataj kananta.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Ezequiel 32:29

Edom llajtapis chaypi kashan, reyesninkuwan kamachejkunasninkuwan ima, atiyniyoj kasqankuwampis espadawan wañurachisqaswan p'ampasqas karqanku. Paykunaqa mana circuncidasqaswan winkonqanku, ukhu pachaman yaykojkunawan khuska.

Ezequiel 35:1

Señor parlamuwaspa niwarqa: Runa, Seir orqonejman qhawariy, chantá contrampi parlay.

Ezequiel 35:8

Orqosniyki, lomasniyki, vallesniyki, wayq'osniyki ima ch'ajwapi espadawan wañurachisqaswan junt'a kanqanku.

Ezequiel 35:15

Israelpa chayaqen t'unaykusqa rikhurejtin qan kusikorqanki, chay kikillantataj qanta ruwasqayki: Seir jatun orqo thuñisqa kanki, ch'in pampaman tukuchisqataj, tukuynin Edom llajtantin. Chaypacha noqa Señor kasqayta yachanki.

Isaías 21:11

Edompa contranta willay: Pichá qhaparimuwan Seirmantapacha: Qhawaj runa, kunan ch'isi ima horasñatajri? Qhawaj runa, kunan ch'isi ima horasñatajri?, nispa.

Ezequiel 36:5

Chayrayku, Atiyniyoj Señorqa kay jinata nin: Waj llajtaspa contrantaqa nina jina k'ajashaj phiñakuyniypi parlani, astawanqa tukuynin Edom llajtaj contranta. Paykunaqa tukuy sonqonkumanta kusikuspa jallp'ayta jap'ikaporqanku, manchay qhesachaywantaj camposnimpi kaj imasta suwakaporqanku.

Sofonías 1:7

Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!