Isaías 34:3 - Qheshwa Biblia DC

³ Chay wañusqasqa pachanman wijch'urpayasqa kanqanku, chay wañusqasqa millayta asnayta qallarenqanku, orqospitaj yawarninku purirenqa.

DIOSPA QHELQACHISQAN DEUTEROCANONICAL

³ Chay wañusqakunaqa pachanpi wijch'urayanqanku, ayankutaj millayta asnanqanku, orqokunapitaj yawar mayu purirenqa.

DIOSPA QHELQACHISQ

³ Chay wañusqakunaqa pachanpi wijch'urayanqanku, ayankutaj millayta asnanqanku, orqokunapitaj yawar mayu purirenqa.

Isaías 34:3 Referans Kwoze

Joel 2:20

Wichaymanta jamoj langostastaqa karunchachisaj qankunamanta. Ch'in pampamantaj qharqosaj. Ñaupajpi kajkunata Wañusqa Qochapi jeq'eqachisaj, qhepapi kajkunatataj Mediterráneo nisqa qochapi. Cuerposninkutaj ismuykonqa, asnaykonqataj. Jatuchej imasta ruwasaj!, nin Señorqa.

Ezequiel 39:4

Israelpa alto lomasnin pataspi qan wañunki tukuynin soldadosniykiwan khuska, tukuy llajtasmanta kaj runas qanwan karqanku chaykunaqa urmallanqankutaj. Aychata mikhoj tukuy laya p'isqosman, chantá campopi kaj millay animalesmantaj mikhusunankupaj jaywasqayki.

Isaías 34:7

Chay runaswan khuska wañonqanku búfalos, toros, waka uñas ima. Chay jallp'aqa chay yawarwan ch'aranchasqa kanqa, wirawan qhosqochasqataj kanqa.

Apocalipsis 14:20

Uvas sarunaqa llajtamanta jawanejpi karqa, sarojtinkutaj uvas sarunamanta yawar llojsimorqa, caballospa frenosninkama, sojta chunka leguata jina.

Amós 4:10

Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

Ezequiel 39:11

Chay p'unchaykunapi Gogman uj cheqanta Israelpi qosaj chaypi ayanta p'ampanampaj, Abarim nisqa vallepi, chaytaj kashan qocha chimpapi. Chaytaj chayninta purejkunata jark'anqa. Chaynejpi Gogtaqa p'ampanqanku, tukuynin jatun tropa soldadosnintawan. Chay cheqatataj Gogpa vallen nispa sutichanqanku.

Ezequiel 38:22

Paykunata onqoywan jasut'isaj, yawar apaywantaj. Paypa patanman, soldadosniypa patanmantaj paywan kaj ashkha llajtasmanta kaj runasnimpa patanman ima manchay sinch'i parata urmachimusaj. Rumista, chejchi parata, ninawan azufrewan parata parachimusaj. Noqa Señormin kaytaqa nini.

Ezequiel 35:6

Chayrayku Señorqa nin: Noqa kausayniyrayku jurani, wañuyman jaywaykusqayki, wañuytaj qhatiykachasonqa, qanqa wañunapaj juchachasqapuni kanki, chayrayku wañoyqa qhatirisonqa.

Ezequiel 14:19

Chay llajtamanchus onqoykunata chayachimuyman, phiñakuyniypitaj wañuyta tarpuyman, wañurachiymantaj runasta animalestawan.

Jeremías 22:19

Burro wañusqata jina qhawarparenqanku, Jerusalenmanta qhatatatispa jawaman wijch'onqanku.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 66:24

Paykunaqa llojsimuytawan rikonqanku, pikunachus contraypi jatarikorqanku chaykunaj ayasninta; imaraykuchus chay runasta mikhoj khurusqa mana wañonqankuchu; paykunata q'olasharqa chay ninankupis mana thasnukonqachu. Paykunata rikuspataj tukuy runas mayta millachikonqanku.

Jeremías 25:33

Pistachus Señor chay p'unchaypi wañuchenqa chaykunaqa, kay jallp'aj uj cantonmanta uj cantonkama mast'alla kanqanku. Manataj pipis paykunamantaqa waqanqachu, manataj pipis ayasninkuta p'ampaykamunankupaj oqharenqachu, pampallapi wanu jina qhallasqas kanqanku.

Nahúm 3:3

Caballospi runas junt'aykunku! t'ojsinasninkoj k'anchaynin, lanzasninkoj liuj liuj niynin! Waranqas parte wañusqas Qollu qollustaj ayasmantapis! Wañusqas mana tukukuyniyoj! Runaspis chay wañusqaspi misk'akunku!

Ezequiel 32:4

Chantá pampaman wijch'urpayaspa choqarpayasqayki. Tukuy p'isqosta pataykiman tiyaykuchimusaj, aychaykiwantaj tukuy campopi kaj millay animalesta sajsachisaj.