Isaías 34:2 - Qheshwa Biblia DC

² Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

DIOSPA QHELQACHISQAN DEUTEROCANONICAL

² Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

DIOSPA QHELQACHISQ

² Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Isaías 34:2 Referans Kwoze

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Zacarías 14:3

Jinapis chay qhepantaqa Señor llojsimonqa chay nacionespa contrampi, imaynatachus chay ñaupa maqanaku p'unchaykunapi ruwarqa ajinata.

Isaías 30:25

Maypachachus manchay wañuchinakuy p'unchay chayamonqa, torrespis urmaranqanku chaypacha, jatuchaj orqospi, juch'uy lomaspi ima, yakusqa mayus jina phajcharimonqanku.

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Apocalipsis 20:9

Chaykunataj wicharimorqanku maychus jallp'aj jatun kayninman jina. Ajllasqaspa wasi toldosnintataj muyuykorqanku, chay munasqa llajtatawan. Janaj pachamantataj nina uraykamuspa q'olarqa.

Romanos 1:18

Diospa phiñakuynenqa janaj pachamantapacha rikuchikun, Diosta mana yupaychajkunaj contrampi, mana cheqan kajta ruwajkunapaj ima. Paykunaqa mana cheqan kayninkuwan, cheqan kajta jark'ashanku.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 26:20

Kunanqa, ayllúy, riy ari, wasiykiman yaykuy, punkuykitataj wisq'aykakamuy. Chaypi uj pisita pakakuy, Señorpa k'ajaj phiñakuynin tukukunankama.

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Isaías 63:6

K'ajaj phiñakuyniywan chay runasta t'usterqani. Phiñakuywan tukucherqani. Yawar mayusta puriricherqani.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Isaías 66:14

Chayta rikuspa mayta kusikunkichej; tullusniykichejqa sumajta kallpachakonqanku, imaynatachus qhoras q'omeryanqanku ajinata. Señorpa makimpa atiyninta kamachisnenqa sumajta rejsinku, enemigosninmantaj phiñakuyninta rikuchenqa.

Jeremías 25:32

Tukuy Atiyniyoj Señorqa nin: Ñak'ariykunasqa nacionmanta nacionman chayanqanku. Uj manchay sinch'i llojlla paras oqharikamun kay pachaj tukuy k'uchunmantapacha.

Jeremías 25:33

Pistachus Señor chay p'unchaypi wañuchenqa chaykunaqa, kay jallp'aj uj cantonmanta uj cantonkama mast'alla kanqanku. Manataj pipis paykunamantaqa waqanqachu, manataj pipis ayasninkuta p'ampaykamunankupaj oqharenqachu, pampallapi wanu jina qhallasqas kanqanku.

Éxodo 8:14

Runasqa k'aylankula wañusqasta tantarqanku qotu qotuta. Chantaqa tukuynejpi millayta phututirerqa.

Josué 11:20

Imaraykuchus Señorpuni chay llaytayoj runaspa sonqosninta rumiyacherqa, israelitasman sumajta ch'ajwapi sayaykunankupaj, jinamanta atipaspa chinkachinankupaj mana khuyakuspa, imaynatachus Señorqa Moisesman kamachisqanman jina.

Salmos 2:5

Chanta phiñakuspa paykunaman parlan, sinch'i phiñakuyninwantaj sustullichin:

Isaías 66:16

Señorqa ninawan espadawantaj tukuyta cheqanchanqa, jinamanta Señorpa wañurachisqasnenqa ashkha kanqa.

Jeremías 25:31

Chay ch'ajwayqa kay pachaj cantosninman chayanqa, imaraykuchus Señorqa uj naciompa contrampi juiciota oqharenqa. Pay tukuy runasta cheqanchanampaj wajyanqa, chay juchayojkunatarí wañuyman wijch'uykunampaj. Señormin chaytaqa nin.

Ezequiel 36:5

Chayrayku, Atiyniyoj Señorqa kay jinata nin: Waj llajtaspa contrantaqa nina jina k'ajashaj phiñakuyniypi parlani, astawanqa tukuynin Edom llajtaj contranta. Paykunaqa tukuy sonqonkumanta kusikuspa jallp'ayta jap'ikaporqanku, manchay qhesachaywantaj camposnimpi kaj imasta suwakaporqanku.