Isaías 34:11 - Qheshwa Biblia DC

¹¹ Chaypeqa tiyakonqanku jukus, ch'useqas, q'arqañas, wajchillas imalla. Señorqa chay llajtata tukuchenqa ch'usaj ch'impachaman.

DIOSPA QHELQACHISQAN DEUTEROCANONICAL

¹¹ Chaypeqa jukukuna, ch'useqakuna, qharqañakuna, wajchillakuna imallaña tiyakonqanku, Tata Dios chay suyuta ch'usaj ch'inpachaman tukuchisqanrayku.

DIOSPA QHELQACHISQ

¹¹ Chaypeqa jukukuna, ch'useqakuna, qharqañakuna, wajchillakuna imallaña tiyakonqanku, Tata Dios chay suyuta ch'usaj ch'inpachaman tukuchisqanrayku.

Isaías 34:11 Referans Kwoze

Lamentaciones 2:8

Señorqa nerqa k'acha Sión llajtaj perqasnin urmachisqa kananta, ajinata wakicherqa, iskayrayaspataj thuñinankama pararqa. Jawa perqantinta, ukhu perqantinta ujllapi pampaman urmachin.

2 Reyes 21:13

Samariaj jasut'iynintapuni Jerusalenman kachamusaj. Acabpa mirayninta junt'arqani chayllawantaj jasut'isaj, imaynatachus kharka chuwata khituraspa, mayllaspataj k'umpurparinchej ajinata ruwasaj.

Sofonías 2:14

Wasisninkumanta k'aspis orqhorasqas kanqanku, chay raqayespitaj oveja tropas wisq'akonqa, chanta tukuy laya campo animalestaj kakonqanku. Juku, khirkinchu ima wasi punku trancaspi puñonqanku. Suwintustaj takenqanku chay raqaypa ventanasnimpi trancasnimpiwan.

Apocalipsis 18:2

Paytaj kallpawan qhaparerqa: Urmanña, urmanña jatun Babiloniaqa. Supaykunaj wasinman tukun, tukuy millay espíritoj pakakunanman, tukuy millay chejnina p'isqospa thapanman, nispa.

Isaías 14:23

Chayta yaku qhochisman tukuchisaj, ch'useqaspa tiyakunankutataj ruwasaj. Chaymantaqa chinkachiy pichanawantaj picharparisaj. Ajinata nin Tukuy Atiyniyoj Señorqa.

2 Samuel 8:2

Ajinallataj moabitasta atipallarqataj, paykunataqa kamacherqa pampapi sirinankuta, chantá uj q'aytuwan miderqa: Pischus q'aytuwan iskay midisqas ukhupi kajkunaqa wañuchisqas kananku karqa, chay q'aytuwan uj midisqa ukhupi kajkunataj kausanankupaj karqa. Ajinamanta moabitasqa Davidpa kamachiynimpi karqanku, paymantaj tasata pagananku karqa.

Isaías 24:10

Chay tukuy ima ch'ichi imaswan llajtaqa thuñisqa kashan, tukuy wasispis wisq'akun ama pipis yaykunampaj.

Salmos 102:6

Ch'in pampapi p'isqo jina kani, raqaykunapi ch'useqa jina.

Isaías 34:17

Sapa uj animalesman maypichus tiyanankuta rikuchin; chay jallp'api tiyanqanku wiñaypaj, watan watanta kikin jallp'api miraspa.

Amós 7:8

Noqamantaj niwan: Amós, imatataj rikunki? Noqataj nerqani: Albañilpa plomadanta, nispa. Paytaj niwarqa: Kunanqa albañilpa plomadanan qhawasaj Israel llajtayta cheqantachus purishan manachus chayta. Manaña kunampeqa juchasninta pampachasajchu.