Isaías 33:1 - Qheshwa Biblia DC

¹ Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

DIOSPA QHELQACHISQAN DEUTEROCANONICAL

¹ Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

DIOSPA QHELQACHISQ

¹ Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 33:1 Referans Kwoze

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Isaías 24:16

Kay mundoj k'uchusninmantapacha takejta uyariyku: Cheqanchajqa jatunchasqa kachun, nispa. Noqataj nerqani: Ay, kay llakiy kasqaymanta. Ay, kay llakiy kasqaymanta! Wasanchajkunaqa mana sayk'uspa wasanchanku.

Apocalipsis 17:17

Diosqa sonqonkupi churarqa paypa munayninta ruwanankupaj, uj sonqolla kanankupaj, suyutataj phiña animalman qonankupaj, Diospa nisqan junt'akunankama.

Isaías 21:2

Diosqa mosqoypi jina, manchachikunata rikuchiwan. Suwajqa suwan, chinkachejqa chinkachin. Sayarikuy ari, Elam, soldadosniykiwan; qampis Media soldadosniykiwan muyuykuchiy. Tukuy ayqosqaykita tukuchini.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Apocalipsis 13:10

Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

Isaías 17:14

Ch'isiyaykuyta paykunaqa may atiyniyoj manchachikuna jina kanku, sut'iyamuytataj manaña kankuñachu. Ajinamin patanchejpi purejkunaqa chayanku, jinallataj suwawanchej chaykunapis.

Jueces 1:7

Chaypacha Adonisedecqa nerqa: Ñaupajtaqa noqa mut'urarqani qanchis chunka reykunaspa makisninkoj machu dedosninkuta jinataj chakisninkojtapis, chay runastaj mesay urapi mikhuy puchusta pallaj kanku. Kunanrí imaynatachus noqa ruwarqani kikillantataj Dios ruwawan. Jerusalenman payta pusarqanku, chaypitaj wañuporqa.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Jueces 9:23

Jinataj Diosqa uj sajra espirituta kachamorqa Abimelecman jinataj Siquempi tiyakojkunamampis Abimelecpa contrampi oqharikunankupj.

Isaías 14:25

Jallp'aypi asiriostaqa chinkachisaj, orqo puntasniypitaj saruykusaj. Aylluyman yugonta churasqanmantataj librasaj, chay jinata ñak'arichiyninkutawan.

Isaías 31:8

Chaypacha Asiriaqa maqanakupi tukuchisqa kanqa, manataj runaj espadanwanchu. Asiriosqa maqanakumanta ayqenqa, sumachaj maqanakoj wayna runasninkupis presochasqas kanqanku.

Isaías 48:8

Arí, kay imasmantaqa mana jayk'ajpis uyarerqankichu, manataj yacharqankichu chay imasmantaqa. Cheqamanta ñaupajtaqa mana uyariyta munajchu kanki. Noqaqa yacharqanipuni qanqa wasanchanawaykita. Chaynejta nacesqaykimantapacha mana kasukojpaj rejserqayki.

Ezequiel 39:10

Chaywanqa manaña campomanta llant'ata pallamonqankuchu, ni montesmantapis ch'ejtamonqankuchu, manachayqa chay armasllata enqhakonqanku. Paykunamanta ñaupajpi imasninkutachus qhechurararqanku, chay runasmanta paykunañataj qhechuranqanku. Ñaupajpi paykunamanta kapuyninkuta suwarqanku, chaykunamantataj paykunañataj suwanqanku. Kaytaqa Señor nin.

Proverbios 22:23

Paymantaqa Señor sayaykonqa, pikunachus chay jinata ruwajkunajta Señorqa kausayninta qhechonqa.

Sofonías 3:19

Jaqay p'unchaypi noqa sayarisaj ñak'arichisunku chaykunaj contrampi. Chakinmanta onqosqa ovejata yanaparisaj. Chinkasqa kajtataj jap'ikapusaj tukuy jallp'api, mayqempichus qhesachasqa karqa chaykunapi honrasqa, alabasqataj kanampaj.