Isaías 32:6 - Qheshwa Biblia DC

⁶ Wampu runaqa sonserasllata parlan, yuyaynimpi sajra imasta wakichin; mana allinta ruwayllata mask'an. Señorpa contranta llullasllata parlan; yarqhasqa kajtaqa mana imayojta ch'usajllata kacharpayan, ch'akichikojmampis mana yakuta jaywarinchu.

DIOSPA QHELQACHISQAN DEUTEROCANONICAL

⁶ Wampu runaqa manakaj imata thawtin, yuyayninpitaj millay imakunata wakichin. Mana allin kajta ruwayllata mask'an, Tata Diospa contrantataj mana allinkunallata parlan. Yarqhasqa kajta mana imayojta, ch'usajllata kacharpayan, yakumanta ch'akichikojmanpis manallataj yakuta jaywarinchu.

DIOSPA QHELQACHISQ

⁶ Wampu runaqa manakaj imata thawtin, yuyayninpitaj millay imakunata wakichin. Mana allin kajta ruwayllata mask'an, Tata Diospa contrantataj mana allinkunallata parlan. Yarqhasqa kajta mana imayojta, ch'usajllata kacharpayan, yakumanta ch'akichikojmanpis manallataj yakuta jaywarinchu.

Isaías 32:6 Referans Kwoze

San Mateo 15:19

Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

Isaías 3:15

Ima nispataj qankunaqa aylluyta munasqaykichejta ruwankichejrí, ima nispataj wajchastapis uyankupi sarunkichejri?, nispa nin Tukuy Atiyniyoj Señorqa.

1 Samuel 24:13

Imaynatachus ñaupa runas nej kanku: Sajra ruwayqa sajra runasllamantataj jamun!, nispa. Chayrayku noqaqa ni jayk'aj makiytaqa contraykipi oqharisajchu.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

Amós 8:6

Ajinamanta wajchasta ñak'arichisunchej, paykuna kikinku vendekunawanchejkama wata runas jina, manusninkuta junt'anankukama, uj churakuy ujut'asta manuchakusqallankumanta. Chaypachataj vendesunchej mana allin kaj trigota.

Jeremías 13:23

Uj yana runaqa atinmanchu yurajman tukuyta? Atillanmantajchu chay leopardoqa chay yanasninta qhechukuyta? Qankunapis sajra ruwayman yachasqa kashaspaqa, nillataj allin kajta ruwayta atiwajchejchu.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Proverbios 19:3

Runaj wampu kaynenqa ñanninta chinkachin, chaymantaqa Señorpa contranta sonqompi phiñakun.

Salmos 141:4

Yuyayniymanta sajra imasta karunchaway, amataj saqewaychu sajra imasta ruwajta, nitaj saqewaychu millayta ruwajkunawan qhochukusninkupi ujchakunayta.

Proverbios 24:7

Uj wampoqa mana ima niyta atinchu kurajkunaspa ñaupaqempi, imaraykuchus paymanta yachayqa t'aqasqa kashan.

Isaías 10:2

Chaywan wajchasta justiciamanta t'aqankichej, llakisqaspa imachus paykunapaj kajta qhechunaykichejpaj. Viudasmantapis qhechunaykichejpaj. Wajcha wawasmantapis.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 26:10

Sajra runasta khuyanki chaypis, paykunaqa mana yachankuchu imachus cheqan kajtaqa; allinta ruwaj runaspa jallp'ampi paykunaqa sajra imasta ruwanku. Paykunaqa Señorqa jatun kayninta mana reparankuchu.

Isaías 31:2

Chaywampis, Señorqa aswan yachayniyoj, ashkha llakiykunasta apamonqa, imatachus nisqantataj junt'anqapuni. Payqa sajra runaspa contranta maqanakonqa, chay sajra runasta yanapajkunawampis.

Isaías 59:7

Chakisninkoqa sajra ruwanallapaj corren, usqhayta rinku mana juchayojta qhasimanta wañuchinankupaj. Yuyayninkupeqa sajra ruwayllapuni junt'a kashan. Maypichus purisqankupeqa mana allin imasta ruwaspa, may llakiyta saqerparinku.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Daniel (hebreo) 12:10

Ashkhastaj kanqanku llimphuchasqas, rit'iyachisqas, allinchasqastaj. Mana allin runastaj sajra imasta ruwallanqankupuni, mana unanchakuspa imachus kasqanta. Yachayniyoj runastaj tukuy imata allinta unanchakonqanku.

Ezequiel 34:18

Pisichu karqa sumachaj pastosta mikhusqaykichejqa, puchojtataj chakisniykichejwan sarusqaykichejqa? Ch'uwa yakusta ujyaytawan chakisniykichejwan chay yakusta qhonchuyachisqaykichejqa mana allinchu karqa.