Isaías 30:12 - Qheshwa Biblia DC

¹² Chayrayku Israelpa Santo Diosnenqa nin: Qankunaqa kay k'acha palabrasta qhesachankichej. Qankunaqa mana allin ruwaykunaman, sajra ruwaykunaman ima atienekunkichej. Chay sajra imasman sayasqa qankunaqa kankichej.

DIOSPA QHELQACHISQAN DEUTEROCANONICAL

¹² Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

DIOSPA QHELQACHISQ

¹² Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

Isaías 30:12 Referans Kwoze

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

1 Tesalonicenses 4:8

Chayrayku, pichus kay imasta qhesachan chayqa, mana runatachu, manachayqa Diosta qhesachan. Paytaj Santo Espirituta qosorqachej.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

Isaías 47:10

Qanqa sajra ruwasqasniykiman atienekuspa nerqanki: Mana pipis rikuwanchu, nispa. Qantaqa imatachus yachasqaykiwan, yachaynillaykiwantaj ch'aukiyasunku. Qantaj sonqoykipi nerqanki: Noqalla kani. Noqamanta astawan wajqa mana kanchu.

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Jeremías 13:25

Achaymin qantaqa Israel qhatirinasun karqa. Chanta ruwanasuyta qan kikiykimanta mask'akorqanki. Noqa Señor chayta nini. Qan noqamanta qonqaporqanki, waj mana kaj lantismantaj riporqanki.

Isaías 30:7

Cheqamanta Egiptoj yanapaynenqa qhasi mana kaj. Chayrayku noqaqa chay llajtata sutichani: Mana kaj millay khuru, nispa.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 28:15

Qankunaqa ninkichej: Uj tratota wañuywan ruwayku, wañusqaspa tiyakunankuwan tratoyoj kayku; manchay jasut'i jamojtenqa mana chayamuwasqaykuchu. Chay pakakuyniykutaqa llullakuypi mask'ayku, jinallataj ch'aukiyaypi ima.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Salmos 62:10

Ama maqanakupeqa atienekuychejchu. Amataj suwakuypipis jatunchakuychejchu. Qhapaj kaspapis ama qolqellaykichejpi sonqoykichejta churaychejchu.

Salmos 52:7

Qhawaychej ari Diospi pakakuyta mana mask'aj runata, payqa kapuynillampi atienekorqa, sajra kaynillampitaj sayarqa.

Proverbios 24:2

Paykunaj sonqonkoqa suwayllapi yuyashan, siminkupis sajrata ruwayllamantapuni parlan.

Isaías 3:14

Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.

Isaías 3:15

Ima nispataj qankunaqa aylluyta munasqaykichejta ruwankichejrí, ima nispataj wajchastapis uyankupi sarunkichejri?, nispa nin Tukuy Atiyniyoj Señorqa.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Isaías 59:4

Mana pipis cheqan kajta munajqa kanchu, mana pipis cheqanta cheqanchajqa kanchu. Mana allin kajllaman atienekunku, manakaj imasllata parlankupis. Sajra imasllatapuni yuyanku, juchatataj wachanku.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.