Isaías 3:26 - Qheshwa Biblia DC

²⁶ Runasniyki mayta waqanqanku, llakiy p'achayojtaj kanqanku, llajtataj ch'impacha qhepakonqa, uj warmi q'ara pampapi chukushaj jina.

DIOSPA QHELQACHISQAN DEUTEROCANONICAL

²⁶ Llajtapi kaj chhika runakuna mayta waqanqanku, llakiy p'achatataj churakonqanku. Chay llajtataj saqerpayasqa qhepakonqa, imaynatachus alqochasqa warmi pampapi k'umuykusqa qhepakun, ajina.

DIOSPA QHELQACHISQ

²⁶ Llajtapi kaj chhika runakuna mayta waqanqanku, llakiy p'achatataj churakonqanku. Chay llajtataj saqerpayasqa qhepakonqa, imaynatachus alqochasqa warmi pampapi k'umuykusqa qhepakun, ajina.

Isaías 3:26 Referans Kwoze

Lamentaciones 2:10

Sionmanta kurajkunaqa ch'inmanta pampapi tiyarakunku, umasninkuman jallp'awan qhallarakuspa, qhashqa p'achas churaykusqas. Jerusalempi llimphu kaj sipaskunaspis pampakama k'umuykorqanku.

Lamentaciones 1:4

Sión llajtaj ñankunasnenqa ch'impacha llakiy, mana pipis jatun fiestanman jamoj kanchu. Llajta punkusqa tukuynin thuñisqas, ch'impachataj; chaynejta sacerdotesqa jik'un jik'unta waqarikunku; llimphu sipaskunasninkoqa manchay llakisqas kanku; Jerusalenqa phutiypa atipasqan kashan.

Job 2:13

Chaymantaqa paywan pampapi tiyarqanku qanchis p'unchayta, qanchis tutatawan; nitaj uj simillatapis parlapayaykorqankuchu. Paykuna rikorqanku Jobqa maytapuni nanaywan kashasqanta.

Ezequiel 26:16

Mar qocha canto jallp'aspi kamachejkunaqa, tukuyninku tiyanankumanta uraykonqanku. Pata p'achasninkuta orqhokonqanku, k'acha awakipasqa p'achasninkutataj lluch'ukonqanku. Sinch'i manchariywantaj pampapi tiyarikonqanku chay jinata rikuspa, sapa rato kharkatispa qanmanta t'ukonqanku.

Job 2:8

Chaypacha Jobqa ushpha chaupiman tiyakoj rerqa, uj k'analla p'akisqata jap'ispataj chaywan kitukorqa.

Isaías 47:1

Babilonia sipas, uraykuspa jallp'a patapi tiyamuy. Caldeo sipas, mana kamachinayoj kunanqa pampapi chukumuy. Kunanmantaqa, manaña sumaj k'acha llamp'u sonqo nisonqankuchu.

San Mateo 11:17

Qankunapaj qenata tocapuyku, manataj tusunkichejchu; llakiykunata takipuyku, nillataj waqankichejku.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Isaías 14:31

Filistea llajtas, alqo jina qhapariychej, nanaywan qhapariychej, manchariywan kharkatitiychej, imaraykuchus patanejmanta manchay q'osñi phuyu jina jamusonqachej, manañataj ni ujpis tantakunasniykichejpi qhepakunkichejchu.

Isaías 29:2

Chaymanta Arielta llakiypi rikhurichisaj. Chaypi llakiy waqay kanqa. Chay llajtaqa noqapajqa Ariel jinapuni kanqa.

Isaías 33:9

Jallp'aqa llakisqa, onqosqataj kashan; Líbano orqoqa may p'enqaywan qawisqa kashan, Sarón jallp'aqa ch'impachaman tukupun, Basán jallp'awan, Carmelo jallp'awanqa t'ojrapacha kashan.

Jeremías 15:8

Paykuna ukhupi saqerqani viudasta, mar qochaj t'iyusninta jina ashkhata. Kikin chaupi p'unchaypi chinkachejta apachimorqani, wayna wawasniyoj mamaspa patanman, kaymanta jinalla paykunaj patankuman ñak'ariyta, mancharikuytawan.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Lamentaciones 2:8

Señorqa nerqa k'acha Sión llajtaj perqasnin urmachisqa kananta, ajinata wakicherqa, iskayrayaspataj thuñinankama pararqa. Jawa perqantinta, ukhu perqantinta ujllapi pampaman urmachin.

Ezequiel 12:20

Tukuynin llajtas runasniyoj kajkunaqa t'unasqas kanqanku, jallp'ataj mana imayoj t'ajra pampa qhepakonqa. Chaypacharaj qankunaqa noqa Señor kasqayta rejsiwankichej.

Miqueas 1:9

Imaraykuchus Samariaj nanachikusqanqa mana jayk'aj jampinapaj jina: Chaytaj chayarqa Judakama chantá maypichus aylluy tiyakun chay Jerusalén llajtakamataj chayarqa.

Isaías 32:14

Reypa palacionqa ch'in pacha qhepakonqa, chay chhika runayoj llajtapis ch'in pacha kanqa, qhawana torreswan, pakakuna wasiswanqa wiñaypaj saqerpasqas qhepakonqanku. Chaypeqa k'ita burroslla mayta kanqanku, wakas ima chaypi mikhonqanku.