Isaías 3:14 - Qheshwa Biblia DC

¹⁴ Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.

DIOSPA QHELQACHISQAN DEUTEROCANONICAL

¹⁴ Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

DIOSPA QHELQACHISQ

¹⁴ Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 3:14 Referans Kwoze

Job 22:4

Sichus Pay k'amisunki, cheqanchanampajtaj wajyasunki chayqa, mana qan sumajta kasuspa kamachisqasninta ruwasqaykiraykuchu.

Santiago 2:6

Qankunaqa wajchata p'enqacherqankichej, manachu qhapajkunaqa atiyninkuwan llank'achisorqachej, llakichisorqachej? Manachu paykunallataj juecespaman qhatatisorqachej?

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Jeremías 5:27

Wasisninkuta suwasqa imallawan junt'achinku, imaynatachus p'isqosta jaulasman junt'achinku ajina. Ajinamanta atiyniyojman, qhapajmantaj tukunku.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Salmos 143:2

Ama juicioman wajyaychu kamachiykitaqa, ñaupaqeykipeqa mana pipis mana juchayojqa kanchu.

Salmos 14:4

Sajra runasqa mana yuyayniyojchu kanku. Paykunaqa aylluyta t'antaqa jina mikhukapunku. Mana Señorpa sutintaqa oqharillankupischu.

Job 24:9

Wajcha warmispa wawasninkuta nacejtinkama qhechunku; wajcha runasmanta prendasta qhechunku.

San Mateo 21:33

Uyariychej waj rijch'anachinata: Uj patrón uvasta plantarqa jallp'ampi; perqawantaj muyuykucherqa. Chaupimpitaj uvas ch'irwanata wakicherqa. Qhawana torretataj perqarqa. Chaymantataj llank'ajkunaman partidopi qospa, karuman ch'usarqa.

Miqueas 6:10

Juchasapaj wasimpeqa kanku; sajra sonqowan tantasqa qhapaj kaykunas, chejnikuni chay faltaj pesaskunasta.

Miqueas 2:2

Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

Job 34:23

Diosqa runamanta imachus cheqan kajmantaqa mana astawan mañanchu, Dioswan juiciopi tinkunankupaj.

Job 24:14

Runa wañucheqa laqha laqhata wajchata wañuchimunampaj rin, ch'isiyaykojtintaj suwaspa purin.

Salmos 10:9

Pakasqamanta wajchata jina, leompis jusk'unmanta wateqanman jina, rikhurimojtin patanman urmaykunampaj. Jap'ispataj ch'ipampi qhatamun.

Proverbios 30:14

Wakimpa kirusninkoqa espada jina, aqo kirusmantataj cuchillos. Ajinamanta may llajtapichus kanku chaypi, wajcha runasta tukuchinankupaj.

Isaías 10:1

Ay, qankunamanta imanallankichejchus mana cheqan leykunata orqhojkunaqa, ñak'arichinapaj leyesta orqhojkunaqa!

Isaías 10:2

Chaywan wajchasta justiciamanta t'aqankichej, llakisqaspa imachus paykunapaj kajta qhechunaykichejpaj. Viudasmantapis qhechunaykichejpaj. Wajcha wawasmantapis.

Isaías 11:4

Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

Isaías 14:30

Wajchaspa kuraj wawasninkoqa jallp'asniypi poqojta mikhonqanku, mana imayoj runaspis sonqo junt'asqa kakonqanku. Noqataj runasniykitaqa yarqhaywan wañurachisaj, mashkhachus qhepakonqanku chaykunata.

Isaías 26:6

Ajinamanta tukuy wajchas, llakisqa kajkunawan ima sarunankupaj.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

Isaías 30:12

Chayrayku Israelpa Santo Diosnenqa nin: Qankunaqa kay k'acha palabrasta qhesachankichej. Qankunaqa mana allin ruwaykunaman, sajra ruwaykunaman ima atienekunkichej. Chay sajra imasman sayasqa qankunaqa kankichej.

Isaías 58:4

Qankunaqa ayunashaspa phiñanakunkichej, maqanakunkichej ima, makiykichejwan mana kajmanta maqankichej. Qankunaqa janaj pachapi uyarichikunaykichejpaj ama kunan jinachu ayunaychej.

Ezequiel 18:12

Wajchasta mana tiyapuyniyojkunata ima ñak'arichinman, suwakunman, prenda qosqata mana kutichipunmanchu, lantistapis yupaychanan, millay imastataj ruwanman, manuspaqa qolqempa miraynintawan mañakapunman chayqa, chay runaqa mana kausanqachu, chay tukuy juchasta ruwasqanmanta. Payqa cheqamanta wañonqa, yawarnintaj paypa patampi kanqa.

Ezequiel 20:35

Llajtakunaj ch'in pampannejman pusasqaykichej, chaypitaj uyapurapi cheqanchasqaykichej.

Ezequiel 20:36

Egipto jallp'api ch'in cheqampi tatasniykichejta cheqancharqani, ajinallatataj qankunatapis cheqancharqaykichej. Noqa Señormin chaytaqa nini.

Miqueas 3:3

Aylluytaqa kausashajllata mikhuykunkichej; qaranta orqhonkichej, tullusnintapis t'unankichej; mankaman churaykunapaj aychata jina ruwankichej.

Levítico 25:14

Sichus jallp'ata vendenkichej, chayri rantinkichej chayqa, ama ch'aukiyanakunkichejchu.

Levítico 25:17

Ni pipis ch'aukiyachunchu ni mayqen runa masintapis. Sapa ujpis Diosniykichejta manchachikuychej. Noqamin qankunaj Señor Diosniykichejqa kani.

Jeremías 12:10

Ashkha enemigosniypa kurajkunasnin uvas huertayta t'ustiykunku, chayaqe jallp'aytataj saruranku. Q'arasqa ch'in pampaman chay munasqa jallp'ayta tukuchinku.

Amós 2:7

Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

Miqueas 2:1

Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!