Isaías 28:1 - Qheshwa Biblia DC

¹ Ay, Samaria, machasqa llajta, Efraimpa runaykachajnin pillun qawisqa t'ikawan jina k'achanchasqa, sumaj valle jallp'aj patampi kaj, vinoj atipasqan llajta!

DIOSPA QHELQACHISQAN DEUTEROCANONICAL

¹ Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

DIOSPA QHELQACHISQ

¹ Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Isaías 28:1 Referans Kwoze

Oseas 7:5

Maypachachus reyninchej pilluchakushajtenqa chay kurajkuna onqoykucherqanku vinoj k'ajayninwan. Paytaj makinta jaywarqa asipayasharqanku chaykunaman!

Isaías 28:7

Kaykunapis vinowan machaykuspa pantallarqankutaj, machana ujyanawan machaykuspa chankaykachanku, sacerdoteswan, profetaswanqa machaykuspa yuyayninkuta chinkachinku; chaymantataj aswan machachikoj ujyanasta ujyanku, imatachus mosqoypi jina rikusqankutataj pantasqata rikunku. Allinta cheqanchananku kashajtimpis paykunaqa machasqas kashanku.

Amós 6:6

Jatuchaj copaspi vinota ujyankichej, sumachaj q'apashaj jawinaswan jawikunkichej, manataj dakunkichejchu llajta chinkananmanta.

Amós 6:1

Ay, Siompi sumajta kausakojkunamanta! Ay, Samariapi k'achata kausakojkuna, chay llajtapi sumajta kamachejkuna, mayqenkunapichus israelitas atienekunku!

Amós 2:12

Qankunataj nazareosta kamacherqankichej vinota ujyanankuta; profetastapis sutiymanta parlanankuta jark'arqankichej.

Amós 2:8

Prenda jap'isqanku p'achas patapi sirisqas mikhunku, lantikunata yupaychashaspa; qhasillamanta multasta orqhosqankuwan vinota rantinku, diosninkoj wasimpi ujyanankupaj.

Oseas 6:10

Israelpeqa rikuni manchay millay ch'ichi ruwaykunasta. Efraenqa ujwantaj ujwantaj qhenchacharakun, Israeltaj kikin juchallamantaj sat'iykukun.

Oseas 5:5

Israelpa runay kachasqanqa uyallanmantaj laq'akamun; Efraintaj kikin juchallampitaj misk'akun, Judapis paykunawan kuskallataj misk'anqa!

Oseas 4:11

Qhenchachakuywan vinowan imaqa yuyayta chinkachin.

Isaías 9:9

Chaytataj tukuy Efraín runas yachanqanku, tukuy Samariapi tiyakojkuna. Paykunataj may kasqankuta yuyakuspa wapuchaspa nerqanku: Ladrilloschus urmanku chayqa, sumaj ch'eqosqa rumiswanñataj ruwasunchej. Sicómoro k'aspistachus k'uturanku chayqa, cedro sach'astañataj churasunchej.

Isaías 8:4

Chay wawa manaraj, tatáy, mamáy niyta yachashajtin, Damascoj qhapaj kayninta, Samariaj tukuy imasnintawan Asiriaj reynin apakaponqa, nispa.

Isaías 5:22

Ay, qankunamanta vinota ujyanapaj wapu kajkuna, qankunataqa ni pipis ujyanasta wakichiypeqa atipasunkichejchu.

Isaías 5:11

Ay, imanallankichejchus tutamanta jatariytawan machajkunaqa; ch'isiyanankama machasqas, vino ujyaspalla kajkunaqa!

Proverbios 23:29

Pipajtaj ñak'ariyri? Pipajtaj nanayri? Pitaj quejanakupi waqaypitaj purinri? Pitaj qhasi mana kajmanta nanachisqari? Pejpa ñawisnintaj q'oyusqallari?

2 Crónicas 28:6

Remaliaspa wawan Pekataj Judapi wañucherqa uj diallapi pachaj iskay chunkayoj waranqa wapu runasta, ñaupa tatasninkoj Señor Diosninkuta qonqarparisqankurayku.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

Levítico 26:19

Wapu wapu runaykachayniykichejta phirita ruwasaj, manataj parachimusajchu, jinamanta jallp'asniykichejpis mana poqonqankuchu.

Oseas 5:9

Efraenqa q'ala pampachasqa kanqa jasut'i p'unchay chayamojtenqa. Chayta rejsichini Israel ayllukuna ukhupi, kay tukuy imasqa cheqamanta qhatirenqanku.

Isaías 9:8

Señorqa Israelman uj willayta apachimorqa, Jacobpa ayllunman.

Isaías 9:11

Señorqa manchachikuna enemigosta apachimun. Pay kikin maqanankuta kamachin.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Amós 6:4

Marfilmanta ruwasqa k'ancharishaj sirinaspi winkurinkichej, fiestachakunaykichejpi sumajta mast'arikunkichej; mikhunasta wakichinkichej malta ovejasmanta, wira kaj ternero wakasmantawan.

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.