Isaías 27:11 - Qheshwa Biblia DC

¹¹ Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

DIOSPA QHELQACHISQAN DEUTEROCANONICAL

¹¹ Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

DIOSPA QHELQACHISQ

¹¹ Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 27:11 Referans Kwoze

Jeremías 8:7

Chay patata phawaj qewiñaspis yachanku, mayk'ajchus kutimpunankuta. Palomas, para p'isqos, chakisapa yaku p'isqospis yachanku mayk'ajchus wajnejman rinankuta. Qanrí, ayllúy, kamachisqasniyta mana yachankichu.

Isaías 44:24

Manaraj naceshajtiyki ruwasoj salvajniyki Señorqa ajinata nin: Noqa, tukuy imata ruwaj Señorqa kani. Noqa cielota qhatatatani, jallp'atapis sumajta sayachini ni pejpa yanapasqan.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 1:3

Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

1 Tesalonicenses 2:16

Paykunaqa jark'awayku gentilesman evangeliota willanaykuta salvasqas kanankupaj. Juchankoqa tupuman junt'aykunña, phiñakuytaj patankuman jamushanña, wiñaypaj jasut'isqas kanankupaj.

San Juan 15:6

Mana noqapi kakojqa, rama jina jawaman wijch'usqa kanqa, ch'akiponqataj. Chay ramasta tantaspataj ninaman enqhaykonqanku, q'olanqataj.

San Mateo 13:19

Pichus janaj pacha reinomanta palabrata uyarishaspa mana yuyaynimpi jap'inchu chayqa, supay jamuytawan sonqompi imachus tarpusqa kajta qhechun. Paykunaqa kanku ñan patapi muju t'akasqa jina.

San Mateo 13:15

Kay runaspa sonqonqa rumiyasqa. Nak'ayllata uyarinku. Ñawisninkuta, ningrisninkutapis wisq'anku. Paykunachus ñawisninkuwan qhawankuman, ningrisninkuwan uyarinkuman, sonqonkuwantaj kutirimuwankuman chayqa, chaypacha noqaqa paykunata thañichiyman.

San Mateo 3:10

Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Ezequiel 20:47

Néguev orqomantaj ninki: Uyariy Señorpa parlasusqanta: Señorqa kay jinata nin: Noqa qampi uj ninata jap'ichisaj, chaytaj ruphaykonqa, qampi kashanku chay tukuynin q'omer sach'asta, ch'aki sach'astawan. Chay nina larwaj mana thasnonqachu. Qampi tiyakushanku chay tukuynin runaspa uyantataj ruphaykonqa, uraynejpi kajkunamanta qallarispa wichaynejman.

Ezequiel 9:10

Chayrayku noqapis paykunamanta mana uj pisillatapis khuyarikusajchu, manachayqa tukuy sajra purisqankumanta cuentata mañasaj.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Salmos 106:40

Chayrayku Señorqa ayllumpa contranta phiñakorqa, paykunatataj qhesacharqa.

Deuteronomio 4:6

Chay kamachiykunataqa sumajta waqaychaspa ruwaychejpuni. Chay jinamanta tukuy llajtaspi runas yachanqanku yachayniyoj umayojtaj kasqaykichejta. Kay kamachiykunata uyarispataj nenqanku: Cheqamanta kay runasqa yachayniyoj, umayojtaj kanku. Jatun nacionmin kayqa, nispa.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

Isaías 5:13

Chayrayku, aylloyqa mana yachakuyta munasqanrayku ch'in pampaman apachisqa kanqa. Tukuy runastaj kurajkunasninkuwan khuska yarqhaywan, ch'akiywantaj wañonqanku.

Isaías 18:5

Uva sach'a t'ikayta pasajtin, uvas llulluyta qallarishajtin, manaraj cosecha tiempota chaypacha ramasninta k'uturanqanku. Mana allin kaj ramasnintataj p'akispa wijch'onqa.

Jeremías 11:16

Waj tiempopi noqa payta suticharqani ashkha ch'ampa olivo sach'a, k'acha poqoyniyojtaj nispa, kunanrí sinch'i qhon qhonkunaspa chaupimpi laphisninta ruphachisaj, ramasnintataj k'ajllarasaj.

Jeremías 13:14

Kaymantataj paykunata wich'ista jina phirirasaj, tatasta wawasnintawan. Paykunata mana khuyakuspa mana ujniyojta tukuchisaj. Noqa Señor chayta nini.

Jeremías 16:5

Señorqa nillawarqataj: Ama yaykuychu maypichus uj wañusqa runamanta llakisqa kashanku chay wasiman; ama waqaychu, nitaj payrayku llakiyniykitapis rikuchiychu, imaraykuchus kay aylluymantaqa oqhariniña chay sonqo tiyasqa kayniyta, munakuyniyta, chanta khuyakuyniyta ima. Noqa Señor chayta nini.

Jeremías 25:37

Señorqa phiñakorqa, chay pastosniyoj camposninkutataj q'ararparicherqa.

Ezequiel 19:12

Phiñakuywan sik'isqa karqa, pampamantaj wijch'orqanku. Inti llojsimuynejmanta wayra wayramuspa ch'akicherqa, uvasnintaj ch'akiraporqanku, chay sinch'i ramasnimpis ch'akiraporqanku, ninamantaj choqaykorqanku.

Oseas 4:14

Chaywampis mana jasut'isajchu warmi wawasniykichejta qhenchachakusqankumanta nitaj ñojch'asniykichejtapis, waj qhariswan qhenchachakusqankumantapis. Qankuna kikiykichejpis qhenchachakuyman qokaporqankichej; rikuchikusta jaywanaykichejpaj khuskachakunkichej chay qhencha warmiswan, chaykunawan dioskunasninkuta yupaychaj jina. Ajinamanta llajtaqa urmaykun chinkayman mana yuyayniyoj kasqanrayku!