Isaías 26:7 - Qheshwa Biblia DC

⁷ Cheqan runaj ñannenqa cheqampuni; allinta ruwaj kaj runaj ñannintaqa qanlla allinyachinki.

DIOSPA QHELQACHISQAN DEUTEROCANONICAL

⁷ Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

DIOSPA QHELQACHISQ

⁷ Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Isaías 26:7 Referans Kwoze

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

1 Juan 3:7

Wawitasníy, ama piwampis ch'aukiyachikuychejchu. Pichus cheqan kajta ruwajqa, cheqan runa; imaynatachus Jesucristopis cheqan, ajina.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

Isaías 42:16

Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

Proverbios 20:7

Cheqan runaqa allinta purispa kausakun, wawasninta may kusikuyniyojta qhepaman saqen.

Salmos 11:7

Señorqa cheqan sonqo, cheqan kajtataj munakun. Chayrayku, cheqan sonqoyojkunaqa paypa uyanta rikonqanku.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Salmos 1:6

Señorqa cheqan runaspa ñanninta rejsin, sajra runaspa ñanninrí chinkayman pusan.

Job 31:6

cheqanchana pesaspi Diosqa pesawachun ari; chaypi yachanki juchayojchus kani manachus chayta.

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Sofonías 3:5

Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

Salmos 11:4

Santo wasimpi Señorqa kashan, Paypa tiyananqa cielopi, allinta ñawisninta kicharispa, sumajta runasta qhawan.

Salmos 25:4

Ñankunasniykita rikuchiway, Señor, purinasniykinejta pusaway.

Salmos 25:5

Cheqan kayniykinejta pusaway, yachachiwaytaj. Qan kanki ari salvaj Diosniy. Tukuy p'unchaynintin qampi suyakuni.

Salmos 27:11

Señor, ñanniykita rikuchiway. Cheqan ñantataj pusaway, enemigosniyrayku.

Proverbios 4:18

Cheqan runaspa ñanninkoqa sut'iyamuyta inti llojsimushaj jina, astawan p'unchayyamusqanman jinari sumajta k'ancharimun.

Isaías 52:12

Ama usqhay usqhaytaqa llojsinkichejchu, ama ayqekoj jinaqa rinkichejchu; imaraykuchus Señormin ñaupaqeykichejtaqa renqa, Israelpa Diosnin ujtawan tantaykapusonqachej.

Isaías 57:2

Sonqo tiyasqa kayman yaykun; Diospa ñaupaqempi tukuy allinta purejkunaqa wañuypi samarikuyta tarenqanku.

Jeremías 10:23

Señor, yachani runaqa kausayninmanta mana dueñochu kasqanta, nitaj kausaynimpi maymanchus rinantapis kamachiyta atisqanta.

Oseas 14:9

Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.

Salmos 5:9

Paykuna llullakullankupuni. Sonqonkupeqa sajrallata yuyanku. Mallq'ankoqa kicharisqa sepultura jina, misk'ita parlaspapis mana cheqantachu ninku.

Proverbios 3:6

Tukuy ima ruwasqaykipi Señormantaqa yuyarikuy. Paymin pusasonqa cheqan ñantaqa.

Proverbios 11:5

Cheqanta ruwayqa cheqan runaj ñanninta cheqanchanqa; sajra runarí mana allinta purisqallampitaj misk'anqa.

Proverbios 21:8

Sajra runaj ñannenqa mana cheqanchu, nitaj cheqachu; llimphu runaj ruwasqasninrí cheqampuni.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.