Isaías 26:5 - Qheshwa Biblia DC

⁵ Payqa mayta runaykachajkunata urmachin, mayta runaykachaj llajtata k'umuykachachin, ajinata urmachiytawan jallp'aman tukuchin.

DIOSPA QHELQACHISQAN DEUTEROCANONICAL

⁵ Payqa mayta runaykachajkunata urmachin. Mayta jatunchakoj llajtata k'umuykuchin pampaman tukunankama.

DIOSPA QHELQACHISQ

⁵ Payqa mayta runaykachajkunata urmachin. Mayta jatunchakoj llajtata k'umuykuchin pampaman tukunankama.

Isaías 26:5 Referans Kwoze

Apocalipsis 18:2

Paytaj kallpawan qhaparerqa: Urmanña, urmanña jatun Babiloniaqa. Supaykunaj wasinman tukun, tukuy millay espíritoj pakakunanman, tukuy millay chejnina p'isqospa thapanman, nispa.

Jeremías 51:37

Babiloniaqa raqaykunasllamanña tukonqa, atojkunaspa pakakunallankumanña, mana tiyakunapaj jina cheqaman. Chaytaj tukuyta t'ukuchenqa, mancharichenqataj.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Isaías 47:1

Babilonia sipas, uraykuspa jallp'a patapi tiyamuy. Caldeo sipas, mana kamachinayoj kunanqa pampapi chukumuy. Kunanmantaqa, manaña sumaj k'acha llamp'u sonqo nisonqankuchu.

Isaías 32:19

Chejchi para urmamonqa chayqa, montesllaman urmanqa, llajtataj pampachasqa kanqa.

Isaías 14:13

Qanqa sonqoykipi nej kanki: Cieloman wicharisaj, Diospa qoyllurkunasninmanta aswan patapi, kamachinaypaj tiyanayta churasaj orqospi, patanejpi, maypichus dioskuna tantakunku chaypi.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Salmos 79:8

Ama noqaykutaqa pagachiwaykuchu, ñaupa tatasniykoj sajra ruwasqasninkumantaqa; khuyakuyniyki usqhayllata noqaykupaj jamuchun, imaraykuchus ancha llakisqas kashayku.

Isaías 25:2

Llajtasta rumi loqho qontusman tukuchinki. Sumaj jark'achisqa llajtasta raqayman tukuchinki. Enemigospa palaciosninta thuñinki; chaykunataj manaña jayk'ajpis ujtawan ruwakonqankuchu.

Lamentaciones 2:2

Señorqa tukuy imata pampata ruwan mana khuyakuspa. Phiñakuyninwan Señorqa Jacobpa wawasninta wasintinta tukuyninkuta thuñirarqa. Judá llajtaj jark'achisqa perqasnintapis tukuyninta pampachan; maytapuni reyta kamachejkunatawan k'umuykachachin.

Ezequiel 26:11

Caballosnimpa phapatusninkuwan tukuynin callesniykita t'ultiykonqa. Aylluykitaqa espadawan wañurachenqanku. Perqasniykej sayantasninta thuñenqanku.

Isaías 24:10

Chay tukuy ima ch'ichi imaswan llajtaqa thuñisqa kashan, tukuy wasispis wisq'akun ama pipis yaykunampaj.

Ezequiel 28:17

May k'achitu kasqaykirayku sonqoykipi jatunchakorqanki. May jatun k'anchayniykiwan yachayniykita, chhika millayman tukucherqanki. Noqataj jallp'aman wijch'umorqayki reykuna rikusunampaj p'enqaypi rikhurichispa.