Isaías 26:2 - Qheshwa Biblia DC

² Punkusta kichariychej chayninta cheqan runas yaykunampaj, imaraykuchus paykunaqa cheqan sonqoyoj kanku.

DIOSPA QHELQACHISQAN DEUTEROCANONICAL

² Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

DIOSPA QHELQACHISQ

² Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Isaías 26:2 Referans Kwoze

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Salmos 118:20

Kaymin Señorpa punkonqa, chaynintataj cheqan runas yaykonqanku.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Isaías 60:11

Punkusniykeqa tuta p'unchay kichasqallapuni kanqanku. Qanman tukuy naciones kapuyninkuta apamunankupaj, jinallataj reyesninkupis chayman pusamusqa kanankupaj.

Isaías 62:10

Punkusnejta puriychej, llajtaspaj ñanta kicharipuychej, chay ñan t'oqosta khuskachaychej, ñanmanta rumista orqhoychej, tukuy runas rikunankupaj wiphaylatapis pataman oqhariychej.

Isaías 62:2

Chaypacha runasqa cheqanchayniykita rikonqanku, reyespis imaynachus atiyniyki kasqanta rikonqanku. Mosoj sutiwan sutichasqa kanki, chaytataj kikin Señorpuni sutichasonqa.

Hechos 2:47

Diosta yupaychaspataj karqanku, tukuy runawantaj munachikorqanku. Sapa p'unchaytaj Señorqa iglesiaman yapasharqa, salvasqa kananku karqa chaykunata.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 54:14

Cheqan kajwan sumaj sayachisqa kanki; ñak'ariymanta karunchakunki, manañataj manchachikunkichu, imaraykuchus manchachikoyqa manaña qanman qayllamusonqachu.

Salmos 106:5

Ajllakusqasniykej allin kayninta rikunaypaj, noqapis aylluykiwan khuska kusikunaypaj, runasniykiwan khuskataj allimpi kanaypaj.

Éxodo 19:6

Tukuy qankunaqa kapuwankichej uj sumaj llimphuchasqa sacerdote aylluy. Kaykunata qan israelitasman willamuy.

Apocalipsis 21:24

Nacionesqa Diospa k'anchaynimpi purenqanku. Jallp'api reyes kajkunataj, yupaychayta chayman apamonqanku.

Zacarías 8:20

Kayta nin Tukuy Atiyniyoj Señorqa: Jamonqankuraj ashkha jatuchej llajtaspi tiyakojkuna runas.

Isaías 58:8

Chanta k'anchayniykeqa sut'iyamushanmampis jina llojsimonqa. Chaypacha nanasqasniykeqa usqhayta thañiranqanku; tukuy imata cheqanta ruwasqasniykipis sut'iman llojsenqanku, Señorpa k'anchaynintaj qhepamanta jark'akusonqa.

Judas 1:3

Munasqa hermanosníy, maytapuni munarqani tukuypa salvacionninchejmanta escribimuyta. Chayrayku kunanqa, escribimunaypuni karqa qankunata sonqochaspa, sinch'ita sayanaykichejpaj feniykichejrayku. Chaytaj uj kutillata ayllasqasninman qosqa karqa.

2 Pedro 3:13

Noqanchejqa suyashanchej mosoj janaj pachakunata, mosoj jallp'atawan, Diospa promesanman jina. Chaykunapitaj cheqan kausay tiyan.

Salmos 24:7

Kicharikuychej wiñay punkus! Sumaj kichasqas kaychej, atiyniyoj reytaj yaykumonqa!

Salmos 118:19

Kichariychej Señorpa wasi punkusninta, yaykuyta munani Señorman graciasta qoj.

Isaías 45:25

Señorllapi tukuypi llimphuchasqas kanqanku. Chaypacha Israelpa miraynenqa mayta kusikonqanku.

Isaías 54:17

Mana mayqen arma ruwasqankupis qantaqa chinkachisonqachu, pichus contraykita parlajtaqa juezpa ñaupaqempi ch'inyachillankipuni. Kay imasta noqaqa kasuwaj kamachisniymanqa qoni, atipayninkupis noqamanta llojsenqa, nispa Señorqa nin.

Isaías 60:18

Llajtaykipeqa manaña ñak'arichinasmanta parlanqankuchu, manataj urmachinasmanta, nitaj thuñinasmantapis; manachayqa perqasniykita salvación nispa sutichanki, punkusniykipitaj Señorta yupaychaykuna k'askachisqa kanqa.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Isaías 62:1

Sión llajtata munakusqayrayku mana ch'inyakusajchu, Jerusalenta munakusqayrayku mana samarikusajchu, cheqanchaynin lliphirimunankama, Salvacionnin k'anchay jina k'anchaykamunankama.