Isaías 26:15 - Qheshwa Biblia DC

¹⁵ Qanqa, Señor, chay nacionta jatunyachinki; qampa sutiyki jatunchasqa kanampaj jatunyachinki. Chay jallp'aj mojonesnintapis jatunman tukuchinki.

DIOSPA QHELQACHISQAN DEUTEROCANONICAL

¹⁵ Qan, Tata Dios, kay suyuykuta jatunyacherqanki, sutiyki jatunchasqa kananpaj. Kay suyuykoj mojonninkunatapis aswan jaqayman churarqanki.

DIOSPA QHELQACHISQ

¹⁵ Qan, Tata Dios, kay suyuykuta jatunyacherqanki, sutiyki jatunchasqa kananpaj. Kay suyuykoj mojonninkunatapis aswan jaqayman churarqanki.

Isaías 26:15 Referans Kwoze

Isaías 9:3

Señor, qanqa jatun kusiyta apamunki, may jatumpuni kusikuytaqa. Tukuy kusikonqanku cosechapi kusikunku, ajinata; maytapuni kusikonqanku, qhapaj imasta rak'inakuspa kusikunku, ajinata.

San Juan 17:1

Jesús kay tukuy imata parlarqa, janaj pachata qhawarispataj, nerqa: Tatáy, hora chayamunña; Churiykita jatunchay, qantapis Churiyki jatunchasunampaj.

San Juan 15:8

Qankuna ashkha poqoyta apajtiykichej, Tatayqa jatunchasqa kanqa; ajinamanta yachachisqasniy kankichej.

Ezequiel 36:24

Qankunataqa noqa waj llajtasmanta orqhomusqaykichej, tukuy jallp'asmanta tantaykuspataj jallp'aykichejman kutirichisqaykichej.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Jeremías 30:19

Paykuna ukhumanta graciasta qospa takiykunas llojsenqa, kusiywan asirikuykunapis. Mana pisiyanqankuchu, manachayqa astawan ashkhayachisaj. Mana pipis qhesachanqachu, imaraykuchus noqa paykunata allimpaj qhawasaj.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 33:17

Uj reyta sumaj lliphipishajta rikunki, jallp'aj mojonesnintaqa karukama rikunki.

Nehemías 9:23

May chhika wawasniyoj kanankuta qan miracherqanki, janaj pachapi qoyllurkuna jina chhikatapuni. Ñaupa tatasninkuman qonaykita nerqanki chay jallp'amantaj pusarqanki jap'ikapunankupaj.

Deuteronomio 10:22

Mayk'ajchus ñaupa tatasniykichej Egiptoman chayarqanku chaypacha paykuna qanchis chunkalla karqanku. Kunanrí qankunata Señor Diosniykichej ashkhata mirachisunkichej janaj pacha estrellasta jina.

Números 23:10

Paykunaqa jallp'a t'iyu jina kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman kay cheqan runas jina wañunay, ajinamanta noqaj tukuyneyqa paykunajta jina kanman!

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Isaías 10:22

Mirayniykeqa Israel, mar qochaj t'iyun jinapis kanman chayqa, chaywampis chaymanta maychá puchonqa chayqa, kutimonqapuni. Tukuchinapaj nisqa kajqa tukukonqapuni, ajinamanta cheqanchayqa, sut'ipi kanqa.

Isaías 6:12

Señor runasta karuman apachinankama, chay jallp'a ch'impacha kanankama.

2 Reyes 23:27

Señorqa nerqa: Judata ñaupaqeymanta wijch'usajpuni, imaynatachus Israeltapis wijch'orqani ajinata, qhesachasajtaj kay ajllakusqay llajtata. Noqa ajllakorqani, chay wasitapis, mayqenmantachus noqa nerqani, kay wasiypi sutiy kananta chaytawan.

2 Reyes 17:23

Señorqa israelitasta ñaupaqenmanta qharqorqa, imaynatachus pay profeta kamachisninnejta nisqanman jina. Israelitastaj presochasqas, Asiriaman apasqastaj karqanku, kunan p'unchaykama.

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

1 Reyes 8:46

Sichus contraykipi juchallinkuman, imaraykuchus mana kanchu uj runallapis mana juchallejqa, paykunaj contrankupi phiñakuspataj enemigosninkoj makisninkuman paykunata jaywaykuwaj, presosta waj llajtaman apanankupaj, karuman kajtin qayllaman kajtimpis.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Job 12:23

Payqa nacionesta ashkhayachin, chanta payllataj chinkachin; nacionesta ch'eqerachin, ayllataj tukuynejmanta tantaykun.

Isaías 40:5

Chaypi Señorpa atiynin rikuchisqa kanqa. Tukuy runataj rikonqanku, imaraykuchus kaytaqa kikin Señormin nin.