Isaías 26:14 - Qheshwa Biblia DC

¹⁴ Paykunaqa wañusqas kanku. Manaña ujtawan kausankumanchu. Paykunaqa llanthu jina kanku. Manaña ujtawan kausarimunkumanchu. Qanqa jasut'inki, pampachanki, paykunamanta yuyarikunatapis chinkachinki.

DIOSPA QHELQACHISQAN DEUTEROCANONICAL

¹⁴ Ñawpajpi pikunaj makinkupichus karqayku, chaykuna wañusqaña kanku, manataj ujtawan kawsarimonqankuchu. Paykunaqa llanthu jina kanku. Manañataj ujtawan jatarimonqankuchu, imaraykuchus qan paykunata jasut'erqanki, chinkacherqankitaj. Paykunamanta yuyarikunatapis chinkachillarqankitaj.

DIOSPA QHELQACHISQ

¹⁴ Ñawpajpi pikunaj makinkupichus karqayku, chaykuna wañusqaña kanku, manataj ujtawan kawsarimonqankuchu. Paykunaqa llanthu jina kanku. Manañataj ujtawan jatarimonqankuchu, imaraykuchus qan paykunata jasut'erqanki, chinkacherqankitaj. Paykunamanta yuyarikunatapis chinkachillarqankitaj.

Isaías 26:14 Referans Kwoze

Proverbios 10:7

Allin runapajqa bendiciones yuyarisqa, sajra runamantataj usqhayllata qonqapunku.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Salmos 106:28

Baal-peorman k'askaykorqanku, wañusqa diosman jaywasqastataj mikhorqanku.

Apocalipsis 20:5

Chay waj wañusqasqa mana kausarimorqankuchu waranqa wata junt'akunankama. Chaymin ñaupaj kaj kausarimoyqa.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Salmos 109:13

Miraynimpis tukukapuchun, sutintaj wiñaypaj chinkachun.

Salmos 9:6

Enemigoqa wañupun; chay llajtasnintapis urmacherqanki, chinkacherqankitaj manaña jayk'ajpis yuyarikunapaj jina.

Éxodo 14:30

Ajinata Señorqa israelitasta salvarqa chay p'unchaypi egipciospa makinmanta. Israelitasqa rikorqanku wañusqa egipciospa ayasninta mar qocha cantospi wijch'urayashajta.

Isaías 26:19

Chaywampis, wañusqasniykeqa kausarimonqanku, ayasninkupis kausarimponqanku. Jallp'a ukhupi puñojkunaqa rijch'arimonqanku, kusiywantaj mayta qhaparispa kusikonqanku. Qanqa k'anchayta chhulla parata jina apachimunki, chanta wañusqasqa jallp'a ukhumanta sayarimonqanku.

Salmos 36:12

Qhawaychej imaynatachus sajrata ruwajkunaj urmasqankuta. Manaña ujtawan sayarinankupaj urmanku.

Salmos 59:5

Señor, Tukuy Atiyniyoj Dios, Israelpa Diosnin, rijch'ariy, jamuy, jasut'iy, Diosta mana yuyajkunata. Ama khuyakuychu chay wasanchajkuna sajrasmanta.

Salmos 135:17

Ningrisniyoj kanku, manataj uyarinkuchu; nitaj siminkupipis samay kanchu.

Eclesiastés 9:5

Kausashajkunaqa wañunankuta yachakunku; wañusqasrí mana imatapis yachankuchu, manataj imatapis tarinkuñachu, imaraykuchus paykunaqa qonqapunku.

Isaías 29:6

Tukuy Atiyniyoj Señortaj paykunata jasut'enqa, qhon qhonkunawan, jallp'a kuyuykunawan, manchay ch'ajwawan, sinch'i wayrawan, llojlla parawan, manchayta q'olaj ninawan ima.

Isaías 37:19

Chay llajtaspa dioskunasninkutaqa ninaman enqhaykorqanku, imaraykuchus chaykunaqa cheqamanta manapuni dioskunachu karqanku, mana chayqa runaj, ruwasqallan, k'aspimanta, rumimanta ima; chayrayku chaykunataqa t'unararqanku.

Job 7:9

Imaynatachus phuyoqa rikhurimun, chinkapullantaj, ajinata pichus p'ampakojqa, mana jayk'ajpis rikhurimunchu.

Job 18:17

Paymanta yuyarikunaqa jallp'a patamanta chinkasqa kanqa. Manaña ujtawampis sutinmanta parlanqankuchu.

Job 24:20

Chaykunamantaqa kikin mamanku qonqaponqa; qhurustaj may mik'ejta mikhonqanku; ni jayk'aj paykunamanta yuyarikonqankuchu. Chay sajra runaqa uj jatun sach'a jina urmanqa.