Isaías 24:5 - Qheshwa Biblia DC

⁵ Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

DIOSPA QHELQACHISQAN DEUTEROCANONICAL

⁵ Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

DIOSPA QHELQACHISQ

⁵ Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Isaías 24:5 Referans Kwoze

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Hebreos 9:1

Cheqamanta, ñaupa tratojtaqa cultomanta kamachisqasnin tiyaporqa, kay pachapitaj templon.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

Miqueas 2:10

Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

Daniel (hebreo) 9:10

Señor Diosniyku, manataj qanta uyarisorqaykuchu, manataj kasukorqaykuchu, kamachisniyki profetasnejta yachachiwasqaykuta.

Ezequiel 20:24

Paykunaqa yachachisqasniyta mana junt'arqankuchu, astawampis kamachisqasniyta qhesacharqanku, samakuna p'unchaykunasniytataj mana kasuta ruwarqankuchu, tatasninkoj millay lantisnillankuta qhawasharqanku.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Jeremías 50:5

Sión orqoman rina ñanta tapukonqanku, chaymantaj renqanku: Rinachej, Señorwan ujchakamunachej chay wiñay mana jayk'aj qonqana tratopi, ama jayk'aj noqanchejmanta qonqapunampaj, nispa.

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Salmos 105:10

Kamachiyta jina Jacobman qorqa, Israelman wiñaypaj trato kanampaj.

Salmos 55:5

Anchatapuni manchachikuni, kharkatishanitaj.

2 Crónicas 33:9

Manasesqa, Judamanta Jerusalenmantawan runasta sajra ñanman aysaykorqa, astawan sajrata ruwachispa chay nacionesmanta. Chaykunataqa Señor tukucherqa israelitaspa ñaupaqenkumanta.

2 Samuel 23:5

Chayrayku mirayneyqa Diospi sinch'i sayasqa kashan. Payqa noqawan uj wiñay tratota ruwarqa, sumaj cheqan ruwasqa sumaj segurasqataj. Pay tukuynin atipayta qowan, tukuy munasqasniy imastataj junt'achimpuni.

Josué 24:25

Chay kikimpacha Josueqa Siquem nisqapi israelitaswan uj tratota ruwarqa, chaypitaj qorqa kamachiykunata, leyesta ima.

Deuteronomio 32:20

Nerqataj: Paykunata mana qhawasajchu, yachasajtaj imapichus tukukunankuta. Cheqamanta paykunaqa sajra runas kanku; paykunaqa tatankuta saqerpayaj wawas kanku.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Levítico 20:22

Tukuy kamachiykunasniyta, imastachus nisqasniytawan kasuychej, junt'aychejtaj. Ajinamanta chay jallp'aqa mana wijch'usonqachejchu, maymanchus tiyakunaykichejpaj chayachisqaykichej chaymanta.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

Ezequiel 37:26

Paykunawan uj sonqo tiyakuy tratota ruwasaj, mana jayk'aj tukukojta. Paykunata ashkhaman mirachisaj, sumajtataj tiyaykuchisaj. Paykuna chaupipi Diosta yupaychana, ajllakusqay wasiyta wiñaypaj sayachisaj.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

Isaías 33:8

Ñankunaspis ch'inman tukupunku, manaña pipis purej kanchu, trato ruwasqaspis p'akikunku, llajtaspis millachikapunku, manaña pi runatapis allimpaj qhawankuchu.

Ezequiel 16:59

Noqa Señormin nini: Ruwasqasniykiman jina qosqayki. Qanqa juramento ruwasqasniykita pak'erqanki, manataj trato ruwasqaykita junt'arqankichu.

Levítico 26:35

Raqayaypi kanankama jallp'aqa samakonqa, qankuna chaypi tiyashajtiykichej mana samakushankumanta.

2 Reyes 21:12

Chayrayku Israelpa Señor Diosnenqa ajinata nin: Kunanmá may ñak'ariyta Jerusalenman, Judamanwan apachimusaj. Chayta pillapis uyarejtenqa ningrisnimpuni silbarenqa.

2 Reyes 21:15

Noqaj ñaupaqeypi tukuy ima sajrata ruwasqankuwan anchataña phiñachiwanku, ñaupa tatasninku Egiptomanta llojsimusqankumantapacha kunankama.

Jeremías 11:10

Ñaupa tatasninku juchasta ruwasqallankumantaj kutiykapunku. Paykunaqa mana kasuwarqankuchu. Chayrayku waj dioskunata yupaychaj churakorqanku. Israel, jinataj ñaupa tatasninkuwan tratota ruwasqayta p'akerqanku.

Oseas 6:7

Aylloyqa, Adán jinallataj noqawan tratota ruwasqankuta p'akinku, ujwantaj ujwantaj purikapuspa.