Isaías 24:16 - Qheshwa Biblia DC

¹⁶ Kay mundoj k'uchusninmantapacha takejta uyariyku: Cheqanchajqa jatunchasqa kachun, nispa. Noqataj nerqani: Ay, kay llakiy kasqaymanta. Ay, kay llakiy kasqaymanta! Wasanchajkunaqa mana sayk'uspa wasanchanku.

DIOSPA QHELQACHISQAN DEUTEROCANONICAL

¹⁶ Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

DIOSPA QHELQACHISQ

¹⁶ Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

Isaías 24:16 Referans Kwoze

Isaías 21:2

Diosqa mosqoypi jina, manchachikunata rikuchiwan. Suwajqa suwan, chinkachejqa chinkachin. Sayarikuy ari, Elam, soldadosniykiwan; qampis Media soldadosniykiwan muyuykuchiy. Tukuy ayqosqaykita tukuchini.

Jeremías 5:11

Israelwan, Judawanqa wasanchawanku. Noqa Señor chayta nini. Jasut'i jamunanmanta willaykuna

Isaías 33:1

Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

Jeremías 3:20

Chaywampis qankunaqa, imaynatachus uj warmi qosanta wasanchan ajinata, noqata wasanchawarqankichej. Noqa Señormin chayta nini.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

Hechos 13:47

Señorqa kay jinata kamachiwarqayku: Waj llajtayoj runaspa k'anchaynin kanaykipaj churayki, tukuy kay pachapi runasman salvacionmanta willanaykipaj.

Marcos 13:27

Paytaj angelesninta kachamonqa mundoj tawantin cheqamanta tantanankupaj Diospa ajllasqasninta; jallp'aj cantonmanta ujnin cantonkama.

Habacuc 1:3

Imaraykutaj rikuchiwanki chay chhika ñak'ariyta juchatapis? Millay ruwaykunawan tukuchinakuywantaj muyurisqa kani; tukuynejpi kashan, phiñakuykunas, maqanakuykunapis.

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Oseas 6:7

Aylloyqa, Adán jinallataj noqawan tratota ruwasqankuta p'akinku, ujwantaj ujwantaj purikapuspa.

Oseas 5:7

Señorman mana cheqantachu purerqanku, wawasninkoqa waj tatasniyojtaj rikhurerqanku, chayrayku kunanqa uj killallapi jallp'asninkupis chinkachisqas kanqanku.

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Jeremías 12:6

Kikin wauqesniyki kajkunallamantataj wasanchasunku, qhepaykimantataj phiñasqas qhaparimusunku. Ama paykunapi chhikata atienekuychu, ni misk'i parlaywan parlasojtinkupis.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 48:8

Arí, kay imasmantaqa mana jayk'ajpis uyarerqankichu, manataj yacharqankichu chay imasmantaqa. Cheqamanta ñaupajtaqa mana uyariyta munajchu kanki. Noqaqa yacharqanipuni qanqa wasanchanawaykita. Chaynejta nacesqaykimantapacha mana kasukojpaj rejserqayki.

Isaías 28:5

Chaypacha Tukuy Atiyniyoj Señorqa, puchoj ayllun israelitaspaj may sumaj lliphipishaj k'achanchasqa pillu jina kanqa.

Isaías 26:15

Qanqa, Señor, chay nacionta jatunyachinki; qampa sutiyki jatunchasqa kanampaj jatunyachinki. Chay jallp'aj mojonesnintapis jatunman tukuchinki.

Isaías 17:4

Chay p'unchaypi Jacobpa jatun kaynin pisiyaponqa, jinallataj ukhumpis tulluyanqa.

Isaías 10:16

Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

Salmos 106:15

Diosninchejtaj imatachus mañasqankuta qorqa. Paykunaman uj wañuy onqoyta apachimorqa.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

Salmos 67:7

Dios bendiciwasun. Diosninchejta tukuy kay pachapi kajkuna yupaychachunku.

Salmos 58:10

Diosta yuyajkuna kusikonqanku sajra runata jasut'isqata rikuspa. Chakisnintataj yawarninkupi ch'aranchakonqa.

Salmos 2:8

Mañaway chayaqeykipaj nacionesta, tukuy kay pachatataj k'uchunkama qampata kanampaj qosqayki.

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Levítico 26:39

Chanta pikunachus kausasqankichejraj enemigosniykichejpa jallp'asnimpi chaykunaqa, juchasniykichejrayku umphuyankichej. Tatasniykichejwan khuska wañunkichej paykuna juchachasusqankurayku.

Salmos 65:8

Karupi tiyakojkunapis kharkatinku, sumaj ruwasqasniykita rikuspa. Qanrayku kusikuywan qhaparinku, inti llojsimuynejmanta, inti yaykuykama.

Salmos 119:158

Wasanchakojkunataqa mana rikuyllatapis munanichu; paykunaqa kamachisqasniykita mana junt'ankuchu.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Habacuc 1:13

Qanqa ancha llimphupuni kanki sajra juchata jap'ikunayllaykipajqa, chay sajra ruwaykunatapis kusiywan qhawakunaykipajqa; imaynatataj ari qhawakullanki chay millay ruwajkunatari, ch'inllataj kanki uj sajra runa paymanta allin runa kajta wañuchinankamari?

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.