Isaías 24:10 - Qheshwa Biblia DC

¹⁰ Chay tukuy ima ch'ichi imaswan llajtaqa thuñisqa kashan, tukuy wasispis wisq'akun ama pipis yaykunampaj.

DIOSPA QHELQACHISQAN DEUTEROCANONICAL

¹⁰ Chay t'ustisqa llajtaqa ch'inpacha. Tukuy wasikuna llavewan wisq'asqa ama pipis yaykunanpaj.

DIOSPA QHELQACHISQ

¹⁰ Chay t'ustisqa llajtaqa ch'inpacha. Tukuy wasikuna llavewan wisq'asqa ama pipis yaykunanpaj.

Isaías 24:10 Referans Kwoze

Apocalipsis 18:2

Paytaj kallpawan qhaparerqa: Urmanña, urmanña jatun Babiloniaqa. Supaykunaj wasinman tukun, tukuy millay espíritoj pakakunanman, tukuy millay chejnina p'isqospa thapanman, nispa.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

San Lucas 19:43

P'unchaykuna qampaj chayamonqanku. Chay p'unchaykunapeqa, enemigosniyki perqawan muyuykuchispa, muyuykamusonqanku, tukuynejmantataj k'iskiykamusonqanku, pampachasonqanku, jinallataj qampi kaj wawasniykitapis. Manataj qampi saqenqankuchu rumi patapi rumita; imaraykuchus mana unanchakorqankichu, Diosniyki qanman watukoj jamushasojtin.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Miqueas 2:13

Dios, ñanninkuta kicharispa renqa, paykunataj qhatenqanku; llojsenqankutaj llajtankoj punkunta. Reyninku Señormin tukuyninkoj ñaupaqenta renqa.

Jeremías 52:7

Chaypacha llajtaj perqasninta jusk'urparerqanku, chaypi caldeos jark'asharqanku. Chay ch'isi tukuy soldadosnintin reyqa chay llajtamanta ayqerqanku. Maypichus iskay perqas chaupipi uj punku kasharqa chayninta llojserqanku, reypa huertanman rina ñanninnejta rispa, chaymanta jap'irerqanku Jordán valleman pusaj ñanta.

Jeremías 39:8

Caldeosqa reypa palacionman ninata jap'iykucherqanku, jinallataj llajtapi wasismampis, Jerusalempa perqasnintapis thuñirarqanku.

Jeremías 39:4

Rey Sedequías, chanta soldadosnimpis chay tukuy imas kajta rikuytawan chay llajtamanta ayqekorqanku, reypa huertan chaynejta, iskaynin perqas chaupipi punku kasharqa chayninta ch'isin llojsispa, Jordán valleman rej ñanninta jap'irerqanku.

Isaías 34:11

Chaypeqa tiyakonqanku jukus, ch'useqas, q'arqañas, wajchillas imalla. Señorqa chay llajtata tukuchenqa ch'usaj ch'impachaman.

Isaías 32:14

Reypa palacionqa ch'in pacha qhepakonqa, chay chhika runayoj llajtapis ch'in pacha kanqa, qhawana torreswan, pakakuna wasiswanqa wiñaypaj saqerpasqas qhepakonqanku. Chaypeqa k'ita burroslla mayta kanqanku, wakas ima chaypi mikhonqanku.

Isaías 27:10

Chay sumaj jark'achisqa llajtaqa ch'impacha kanqa, ch'usajpachataj mana imayoj, nitaj runayoj. Chayqa kanqa wakasta michinallapajña. Chay uywas chaypi sach'a ramasta mikhonqanku, samarikonqankutaj.

Isaías 25:2

Llajtasta rumi loqho qontusman tukuchinki. Sumaj jark'achisqa llajtasta raqayman tukuchinki. Enemigospa palaciosninta thuñinki; chaykunataj manaña jayk'ajpis ujtawan ruwakonqankuchu.

Isaías 24:12

Llajtaqa raqayman tukun, punkuspis sinch'i phirisqas.

Isaías 23:1

Tiroj contrampi willay. Tarsispi kajkuna barcos, waqaychej, imaraykuchus Tiroqa thuñisqa mana uj wasiyoj. Chayrayku ni mayman yaykunapaj kanchu. Quitim jallp'amantapacha chay imastaqa yachachimunku.

2 Reyes 25:4

Llajtaj perqanta jusk'uraytawan, chayninta soldadosqa reywan khuska tutapacha ayqekorqanku iskaynin perqaspa chaupimpi punkunnejta, reypa huertan chay ñannejta, caldeos llajtaj muyuynimpi qhawaspa kashajtinku. Rey Sedequiastaj Arabá ñanninta riporqa.

Génesis 11:9

Chay cheqapi Dios chajrurparerqa runaspa parlayninkuta tukuynin jallp'a patapi; chaynejmantataj tukuynejman ch'eqeraporqanku. Chayrayku chay llajtajta sutin karqa Babel.

Isaías 32:19

Chejchi para urmamonqa chayqa, montesllaman urmanqa, llajtataj pampachasqa kanqa.

Isaías 26:5

Payqa mayta runaykachajkunata urmachin, mayta runaykachaj llajtata k'umuykachachin, ajinata urmachiytawan jallp'aman tukuchin.