Isaías 24:1 - Qheshwa Biblia DC

¹ Señorqa kay jallp'ata ch'usajllata, q'arallatataj saqenqa. Jallp'a patataj tijranqa, chaypi tiyakojkunatataj ch'eqerachenqa.

DIOSPA QHELQACHISQAN DEUTEROCANONICAL

¹ Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

DIOSPA QHELQACHISQ

¹ Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Isaías 24:1 Referans Kwoze

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

Isaías 2:19

Chanka jusk'usman sat'iykukonqanku, jallp'aj lajesninman lajrasninman ima, Señorpa may jina jatun kayninmanta, jatun kaynimpa lliphipiyninmantawan, jallp'a kharkatiychej jamojtin.

Isaías 42:15

Orqosta lomasta ima urmarachisaj. Tukuy qhoras kajta ch'akirachisaj. Mayusta yaku qochasman tukuchisaj. Yaku tantakunasta ch'akirachisaj.

Isaías 24:20

Jallp'aqa uj machasqa runa jina, chankaykachanqa, ch'ujlla jina kaynejman jaqaynejman wajtaykachakonqa. Juchasnenqa manchaytapuni llasaykun, urmachenqataj manañataj ujtawan sayarikonqankuchu.

Ezequiel 35:14

Atiyniyoj Señorqa kay jinata nin: Qanta t'unaykojtiy tukuy kay pachapi runas kusikonqanku.

Ezequiel 12:20

Tukuynin llajtas runasniyoj kajkunaqa t'unasqas kanqanku, jallp'ataj mana imayoj t'ajra pampa qhepakonqa. Chaypacharaj qankunaqa noqa Señor kasqayta rejsiwankichej.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Ezequiel 6:6

Tukuynej cheqapi tiyakunkichej chaykunapi llajtasqa thuñisqasllataj kanqanku. Altaresniykichejqa tukuynin t'unaykusqaspuni kanqanku. Lantisniykichej, intiman rijch'akoj lantisniykichejpis phirisqas kanqanku, inciensota ruphachinaykichej altarespis urmachisqasllataj kanqanku, tukuy ima ruwasqasniykichejpis chinkachisqas kanqanku.

Ezequiel 5:14

Qanta Jerusalén llajta, ch'impachaman tukuchisqayki, muyuyniykipi kashanku chay nacionespa ñaupaqempi p'enqaypi rikhurichisqayki, jinallataj tukuy purejkunaj rikunankuta.

Ezequiel 5:2

Llajtata muyupayana junt'akojtintaj kinsaman t'aqasqa chujchasmanta uj kajta llajta chaupipi nanawan ruphachinki. Uj cuchillota jap'iy, chaywantaj chay kinsa t'aqamanta uj kaj t'aqa chujchasta llajtaj muyuynimpi k'uturanki. Uj kaj t'aqa chujchastataj wayrawan apachinki. Paykunaj qhepantataj noqa espada oqharisqa risaj.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

Isaías 33:9

Jallp'aqa llakisqa, onqosqataj kashan; Líbano orqoqa may p'enqaywan qawisqa kashan, Sarón jallp'aqa ch'impachaman tukupun, Basán jallp'awan, Carmelo jallp'awanqa t'ojrapacha kashan.

Isaías 29:16

Cheqamanta qankunaj sajra ruwasqaykichejqa rijch'akun manka ruwajpa llink'i t'uruman. Chay imatachus ruwasqanqa ruwajninta ninmanchu: Mana qanchu ruwawanki. Chay ruwasqan p'uñoqa ruwajninta ninmanchu: Mana yachankichu imatachus ruwasqaykita.

Isaías 27:10

Chay sumaj jark'achisqa llajtaqa ch'impacha kanqa, ch'usajpachataj mana imayoj, nitaj runayoj. Chayqa kanqa wakasta michinallapajña. Chay uywas chaypi sach'a ramasta mikhonqanku, samarikonqankutaj.

Isaías 5:6

Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

Salmos 146:9

Señorqa karu llajtayojkunata qhawan. Yanapantaj viudasta, wajcha wawastapis. Sajra runaspa ñanninta wist'uyachin.

Nehemías 1:8

Yuyarikuy, kamachiyki Moisesnejta k'amiwasqaykuta, juchallikojtiykoqa kay pachanejpi tukuynejman qan ch'eqerachinawaykuta.

2 Reyes 21:13

Samariaj jasut'iynintapuni Jerusalenman kachamusaj. Acabpa mirayninta junt'arqani chayllawantaj jasut'isaj, imaynatachus kharka chuwata khituraspa, mayllaspataj k'umpurparinchej ajinata ruwasaj.

Deuteronomio 32:26

Noqa yuyarqani tukuynejman paykunata ch'eqerachiyta, kay jallp'a patamantataj sutinkuta chinkachiyta.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Deuteronomio 4:27

Señorqa tukuy nacionesman ch'eqerachisonqachej, uj chhikallaña qhepakunkichej chay jallp'aspi. Maykunamanchus Señor pusasonqachej, chaypitaj qankunaqa runaj makinwan ruwasqa dioskunata yupaychankichej, k'aspismanta, rumismanta ruwasqa lantista; mana rikojkunata, mana uyarejkunata, mana mikhojkunata, mana muskhejkunata ima.

Ezequiel 24:11

Chaymanta ch'usaj mankataqa nina brasa patapi churaykuy, chaypi cobreqa pukayanankama ruphanampaj, ch'ichi kajtenqa llimphuchakunankama, ajinapi ch'ichin chinkarinankama.

Jeremías 40:15

Chaypacha Johanán Gedaliasman pakayllapi nerqa: Noqa rispa Ismaelta wañurpayachimusaj. Manataj pipis yachanqachu pichus chayta ruwasqanta. Imaraykutaj saqeykuman pay qanta wañuchinasuntari? Chayqa apamunman Judapi tukuy judíos muyuyniykipi tantasqas kajkuna ch'eqerachisqas kanankuta. Chay puchoj runaspis chinkanankuta.

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.

Hechos 17:6

Paykunata mana tarispataj, Jasonta wakin hermanostawan pusarqanku llajta kamachejkunaman. Qhaparispataj nerqanku: Kaykunaqa tukuynejpi runasta ch'ajwachinku. Kunanqa kaymanñataj jamusqanku.

Jeremías 50:17

Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Isaías 13:13

Chanta cielota kharkatichisaj. Jallp'apis kaynejman jaqaynejman kuyurenqa, chay p'unchaypi phiñakuyniy phatasqanrayku.

Isaías 24:19

Kay jallp'aqa manchaytapuni kharkatitenqa, lajrakonqataj, chay chhikatapuni thalakusqampitaj t'unakonqa.

Isaías 30:32

Asiriata sapa seq'ojtin, cajaswan arpaswan sonanqanku. Ajinata Señorqa manchay ch'ajwata ruwaspa paykunawan maqanakonqa.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

Isaías 34:10

Chaytaj tuta p'unchay larwallanqapuni, q'osñimpis mana tukukuyniyojta q'osñillanqapuni. Jinamanta chay jallp'aqa watan watan wijch'usqa kanqa, manataj pipis ni jayk'aj chayninta purenqachu.

Jeremías 51:34

Jerusalén Sión orqo llajtaqa nin: Babiloniamanta rey Nabucodonosorqa t'unata ruwawarqa, mikhuwarqataj, uj ch'usaj chuwata jina saqerpariwarqa. Mar qochamanta uj millay animalta jina oqoykuwarqa; noqamanta misk'i kajninwan sajsaykukorqa, noqamanta puchojtataj wijch'urparerqa.

Nahúm 1:5

Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

Isaías 29:2

Chaymanta Arielta llakiypi rikhurichisaj. Chaypi llakiy waqay kanqa. Chay llajtaqa noqapajqa Ariel jinapuni kanqa.

Isaías 32:12

Llakiyniyoj kasqaykichejta rikuchispa pechoykichejta takakuspa waqaychej, sumaj poqoj jallp'asniykichejmanta, uva huertasniykichejmantawan.

Ezequiel 6:14

Makiyta oqharisaj paykunata jasut'inaypaj, uray ladopi ch'in pampamanta wichaypi kaj Ribla nisqa chaykama. Tukuynejpi tiyakunku chay jallp'astaqa, ch'inmantapis aswan ch'inman tukuchisaj. Chaypacharaj rejsiwanqanku noqa Señor kasqaytaqa.

Ezequiel 7:12

Tiempoqa chayamunña, p'unchaytaj qayllapiña. Qhatupi vendejqa ama kusikuchunchu. Rantikojpis ama phutikuchunchu. Israelpa runaykachayninta phiñakuywan jasut'isaj.

Ezequiel 7:14

Putututa waqachenqanku maqanakuyman wajyaspa, nitaj pipis maqanakamunampaj llojsej kanqachu. Israelpa jatunchakuynintaqa k'ajaj phiñakuyniywan jasut'isaj.