Isaías 23:9 - Qheshwa Biblia DC

⁹ Kaytaqa Tukuy Atiyniyoj Señormin unancharqa, mayta machu machuykachasqankuta p'enqaypi rikhurichinampaj, jinallataj jallp'a patapi may atiyniyojkunatapis.

DIOSPA QHELQACHISQAN DEUTEROCANONICAL

⁹ Kaytaqa Tukuy Atiyniyoj Tata Diosmin wakicherqa, Tiro llajtayoj may jatun kasqankuta yuyakojkunata p'enqaypi rikhurichinanpaj, jinallataj kay pachapi atiyniyojkunata mayta k'umuykuchinanpaj.

DIOSPA QHELQACHISQ

⁹ Kaytaqa Tukuy Atiyniyoj Tata Diosmin wakicherqa, Tiro llajtayoj may jatun kasqankuta yuyakojkunata p'enqaypi rikhurichinanpaj, jinallataj kay pachapi atiyniyojkunata mayta k'umuykuchinanpaj.

Isaías 23:9 Referans Kwoze

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Efesios 3:11

Kayta Dios ruwarqa wiñay munayninman jina, Cristo Jesús Señorninchejpi ruwasqa kanampaj.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Jeremías 51:62

Chantá ninkitaj: Señor qan nerqanki kay nacionta tukuchinaykita, manaña pipis tiyakunampaj jina, ni runas, nitaj uywas, imaraykuchus wiñaypaj tukuchinki.

Isaías 14:27

Kaytaqa Tukuy Atiyniyoj Señorpuni nin ajina kananta. Chaytaqa mana pipis pantachiyta atinchu. Makenqa oqharisqallapuni kashan, mantaj pipis jark'ayta atinchu.

Isaías 14:24

Tukuy Atiyniyoj Señorqa juraspa nin: Cheqamanta imatachus yuyasqayqa junt'akonqapuni, imastachus nisqasniypis ruwakonqapuni.

Isaías 10:33

Qhawaychej, Tukuy Atiyniyoj Señorqa, manchay kallpanwan sach'asta mast'arparenqa. Aswan jatuchaj kaj sach'asqa k'utusqas kanqanku, aswan jatuchajpuni kajkunatajrí, pampaman urmachisqas kanqanku.

Isaías 9:15

Umaqa niyta munan kuraj runas, kurajkunasninku ima, chupataj niyta munan llullata yachachej profetas.

Isaías 5:13

Chayrayku, aylloyqa mana yachakuyta munasqanrayku ch'in pampaman apachisqa kanqa. Tukuy runastaj kurajkunasninkuwan khuska yarqhaywan, ch'akiywantaj wañonqanku.

Isaías 2:17

Runaj wapuykachaynenqa k'umuykuchisqa, runaj machu machu kaynenqa urmachisqa kanqa. Chay p'unchaypeqa Señorlla jatunchasqa kanqa.

Salmos 107:40

Diosninchej uraj runasman chejnichikuyta apachimun, chinkasqata purichin, mana mayman rinankuta yachajman tukuchin.

Job 12:21

Sumaj runaspaj qhawasqa kajkunata manakajpaj qhawachin; sinch'i kallpayojpaj qhawasqasta mana kallpayojta saqen.

Isaías 14:26

Kaymin chay yuyasqayqa tukuy jallp'aj contrampi. Makeyqa tukuy llajtasta jasut'inampaj wakichisqa kashan.

Isaías 23:10

Tarsis llajta, jallp'ata llank'ayta qallariy, imaraykuchus manaña barco ruwanayki kanchu.

Isaías 32:13

Llajtaypeqa khishkaswan qhasi qhorasllawan wiñanku, may wasispischus sumaj kusiykuna karqa, chay kusikuna llajtapi.

Éxodo 8:4

K'aylankulasqa patasniykiman wicharenqanku, tukuy Egipto runaspa patanman, jinallataj kamachisniykimampis.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;