Isaías 21:2 - Qheshwa Biblia DC

² Diosqa mosqoypi jina, manchachikunata rikuchiwan. Suwajqa suwan, chinkachejqa chinkachin. Sayarikuy ari, Elam, soldadosniykiwan; qampis Media soldadosniykiwan muyuykuchiy. Tukuy ayqosqaykita tukuchini.

DIOSPA QHELQACHISQAN DEUTEROCANONICAL

² Diosqa mosqoypi jina manchachikunata rikuchiwan. Wasanchajtaqa wasanchanku, chinkachejtataj chinkachillankutaj. Sayarikuy ari, Elam suyu, soldadoykikunawan, qanpis Media suyu, soldadoykikunawan llajtata jap'inapaj muyuykuy. Babilonia wajkunata ayqochisqanta tukuchisaj.

DIOSPA QHELQACHISQ

² Diosqa mosqoypi jina manchachikunata rikuchiwan. Wasanchajtaqa wasanchanku, chinkachejtataj chinkachillankutaj. Sayarikuy ari, Elam suyu, soldadoykikunawan, qanpis Media suyu, soldadoykikunawan llajtata jap'inapaj muyuykuy. Babilonia wajkunata ayqochisqanta tukuchisaj.

Isaías 21:2 Referans Kwoze

Jeremías 49:34

Maypachachus Judapi Sedequías kamachiyta qallarisharqa, chaypacha Señorqa Jeremiasman parlaykorqa Elam llajta imaynachus kananmanta willaspa:

Isaías 33:1

Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

Isaías 24:16

Kay mundoj k'uchusninmantapacha takejta uyariyku: Cheqanchajqa jatunchasqa kachun, nispa. Noqataj nerqani: Ay, kay llakiy kasqaymanta. Ay, kay llakiy kasqaymanta! Wasanchajkunaqa mana sayk'uspa wasanchanku.

Salmos 60:3

Aylluykita sinch'ita llakichinki, umata machachej vinota qorqanki.

Apocalipsis 13:10

Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

Daniel (hebreo) 5:28

PARSIN: Niyta munan, reinoyki p'akisqa kanqa, medosman, chanta, persasman ima entregasqa kanqa.

Daniel (hebreo) 8:20

Iskay wajrasniyoj carneroqa ninakun, Mediaj reyninman, jinataj Persiaj reyninman ima.

Lamentaciones 1:22

Qampa ñaupaqeykiman chayamuchun tukuy sajra ruwasqasninku. Imaynatachus noqa contraykita juchallejtiy ruwarqanki, ajinallatataj paykunatapis ruway ari. Anchataña llakikuni. Chaynejta sonqoyqa ancha nanasqaña.

Jeremías 51:53

Babiloniaqa cielokamapis wicharichun aswan pataman atiyninta churanampaj, chaymampis enemigosninta kachasaj chay atiyninta thuñiykamunankupaj. Noqa Señor chayta nini.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Jeremías 51:11

Señorqa Babiloniata tukuchiyta munan, Media nacionmanta reykunastapis ajinallatataj yuyachin. Chaymin Señorpa aynita kutichiynenqa, yupaychana wasinta imatachus ruwasqankuman jina. Wach'inasniykichejta wakichikuychej. Allinta jap'iychej jark'achikunaykichejta.

Jeremías 50:34

Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

Jeremías 50:14

Wach'inasniyoj kajkuna wakichikuychej, Babilonia llajtata muyuykuychej. Babiloniaspa contrampi wach'inasniykichejta kachaykuychej, imaraykuchus noqaj contraypi juchallikorqanku.

Jeremías 31:25

Chay sayk'usqasta, mana kallpayojkunatapis noqa mikhuchisaj, ujyachisajtaj atipachinaykama.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 22:6

Elammanta kajkunaqa flechasninkuta wakichinkuña, carrosninkuman, caballosninkumampis wicharinkuña. Kirmanta kajkunapis escudosninkuta orqhomunku.

Proverbios 13:15

Allin yuyayniyojqa tukuywan munachikun; mana kasokojkunarí mana allinman urmanku.

Salmos 79:11

Uyariy presochasqa runas waqaspa wañurasqankuta. poqoynintaj Eufrates mayukama.

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

1 Samuel 24:13

Imaynatachus ñaupa runas nej kanku: Sajra ruwayqa sajra runasllamantataj jamun!, nispa. Chayrayku noqaqa ni jayk'aj makiytaqa contraykipi oqharisajchu.

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

Salmos 25:3

Qampi suyajqa mana ujpis p'enqaypi rikhurenqachu. P'enqaypi rikhurichunku contraykipi qhasimanta oqharikojkuna.

Salmos 119:158

Wasanchakojkunataqa mana rikuyllatapis munanichu; paykunaqa kamachisqasniykita mana junt'ankuchu.

Daniel (hebreo) 5:9

Chanta rey Belsasar mayta manchachikorqa, uyantaj q'elluyarqa. Reinompi kasharqanku chay kurajkunarí mana yacharqankuchu imatachus ruwanankuta.

Génesis 10:22

Sempa wawasnin karqanku: Elam, Asur, Arfaxad, Lud, Aram ima.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 14:7

Kunanqa tukuy runas samarikuypi kashanku, sonqo tiyakuypitaj, kusiywantaj takishanku.

Jeremías 25:25

Zimrimanta, Elammanta, Mediamantawan kaj reykunasninmanwan;

Jeremías 49:35

Noqa tukuy atiyniyoj Señor nini: Elam runaspa wach'inasninkuta noqa p'akisaj, imaraykuchus chaykunaqa payta kallpachashanku.

Daniel (hebreo) 8:2

Chay rikhuriwajta qhawashaspa, Susa nisqa llajtapi, Elam sutiyoj provinciaj capitalnimpi kashasqani, Ulai nisqa mayu cantopi.